كشف تقرير الطب الشرعي عن أسباب وفاة فتاة المول التي تم قتلها على يد صديقتها ومساعدة أحد أقاربها و صديقه بدافع السرقة و الانتقام أثناء عملها داخل عيادة رمد بمدينة كفر الدوار بمحافظة البحيرة. أوضح التقرير رقم " 203103618000978 "،أنه تبين من فحص وتشريح جثة "نجلاء نعمة الله سعيد إبراهيم" إن أصابتها حيوية حديثة و السحجات الخدشيه الموصوفة في الوجه والأذنين والعنق حول الفم تحت البند رقم (1) بالكشف الظاهري خدشه ظفاريه تنشأ عن الضغط على الجلد بالأظافر، و الكدمات والسحجات الموصوفة تحت الرقم (2)، (3)، بالكشف الظاهري رضية رضيه إحتكاكيه تنشأ عن المصادمة بجسم أو أجسام راضة بعضها خشنة السطح ايا كانت و إصابات العنق على غرار ما يحدث في حالات الخنق و الجرحان الموصوفان بالجفن السفلى للعين اليمنى و بمؤخر الساق اليمنى تحت البند رقم (4).
تشير العلامات التشريحيه الموصوفه بالجثة إلى حصول الوفاه نتيجه اسفكسيا الخنق، كذا اسفكسيا كتم النفس مجتمعين أو أحدهما سبق الاخر، مع العلم ان اى منهما كاف بمفرده وفي حد ذاته لحدوث الوفاة. اعترافات المتهم بقتل فتاة المول و كان قد حصل موقع "صدى البلد "، على نص اعترافات المتهمين في قضية قتل فتاة المول "نجلاء نعمة الله"، سكرتير طبيب عيون بمدينة كفر الدوار بمحافظة البحيرة، والتي لقيت مصرعها غدرًا على يد صديقتها واثنين آخرين.
وأدلى المتهم الثاني "مصطفي.ع.و" 17 سنة، عامل ومقيم عزبة معتوق البسلقون التابعة لمركز كفر الدوار، باعترافاته أمام النيابة العامة بكفر الدوار، حول ارتكاب الجريمة وكافة التفاصيل، وجاء نص الاعترافات كالتالي: س/ ما تفصيلات اعترافك؟ ج/ اللي حصل ان في يوم في شهر يونيو اللي فات اتصلت عليا نورهان جميل وقالتلي انها عايزاني في موضوع وهي قريبتي من بعيد ولما حكتلي قالتلي ان في واحدة زميلتها سرقت منها سلسلة وحاجات ومبددة عليها في شوية حاجات وعشان هي قريبتي وانا عايز اساعدها قولتلها خلاص انا معاكي لحد ما نجيب الحاجة دي وساعتها هي بعتتلي صورة نجلاء على الواتس اب بس الصورة ما كنتش واضحة وانا بعتلها اسم برشام منوم ابويا بياخدة وهي راحت اشترته وبعدها انا رحت العيادة اللي نجلاء شغالة فيها عشان اتاكد من شكلها رحت مرتين شوفتها مرة تحت المول ومرة شوفتها جوة العيادة وعملت نفسى بسال على الدكتور وانا كنت عارف انه مش بيروح العيادة اليوم دة وانا عرفت كدة من نورهان وساعتها انا شفت العيادة من جوة وقولت لنورهان الكلام دة وخلاص نحدد ميعاد تاني ونطلع نجيبها بعد ما انتي تخدريها وناخدها في توك توك لمكان بعيد ونخلص عليها ونجيب الحاجة اللي سرقتها منك وساعتها سواق التوك توك رفض وبلغت نورهان ولغينا التنفيذ اليوم ده. وبعدها قعدنا شوية معملناش حاجة وهي راحت المصيف مع ابوها وكلمتني، وقابلتها في البحر وقالتلي انه خلاص لازم نخلص الموضوع ده قولتلها ماشي شوفي اليوم اللي الدكتور مش حيروح فيه العيادة ونروح نخلص الموضوع قالتلي ماشي وقالت ان الدكتور مش حيروح يوم الثلاثاء وقولتلها ان انا حجيب واحد معانا اسمه محمد عشماوي وهو قريبنا احنا الاتنين من بعيد عشان يساعدنا وساعتها هي قالتلي ماشي ولو محمد عايز فلوس عشان يخلص معانا الموضوع ده هي موافقة وحتدفعله بس اهم حاجة ان محمد ميعرفش ان نورهان اللي في الموضوع قولتلها ماشي وجابت البرشام ومقص وموس ولزق طبي وصامولة وعصير وقولتلها حطيلها برشامتين ثلاثة في اي حاجة وشربهلها وبعديها اتصلي بيا وانا ساعتها كنت واقف تحت المول انا ومحمد وساعتها رنت عليا وقالتلي انا مش حعرف اشربها العصير اللي فيه البرشام عشان هي شاربة عصير كتيروساعتها نورهان قالتلي انها عندها حل آنها حتروح الحمام وتعمل نفسها تعبانة وتنادي على نجلاء وساعتها انا ومحمد نقدر نخش العيادة وشوية ورنت عليا وقالتلي اطلع بسرعة طلعت انا ومحمد وساعتها كانت نجلاء عطياني ضهرها وانا كنت واخد من نورهان اللزق والموس ودخلت من ضهرها وكتمت بقها. صرخت ومقدرتش عليها ومحمد كان دخل وقفل باب العيادة من برة ودخل محمد وحاول يحط اللزق على بقها ويكتم نفسها وهي بتصرخ وخربشت محمد وكانت واقعة على الارض وبتطلع في الروح لان انا ومحمد كنا كاتمين نفسها ولما محمد اتعور خاف وطلع يجري وسابنا وانا لسة خانقها وبخبط راسها في الأرض وساعتها نورهان كانت بتضربها برجلها ونورهان راحت جابت سكينة من مطبخ العيادة وضربتها بالسكينة في رجلها وضربة في دماغها واديتها بالرجل في راسها وبعدها أخدنا الحاجة وانا كنت لابس تيشيرت اصفر جه عليه دم رحت غسلته وبعدها كسرت الكاميرات اللي موجودة في المكان بصاموله حديد كانت مع نورهان في شنطتها ونورهان بدات تقطع الأسلاك بتاعة الكاميرات بمقص كان معاها وانا خلعت كاميرا منهم وعطتها لنورهان واخدنا الحاجة التليفونين والسلسلة وثلاثمائة جنيه والساعة والخاتم وبعد ما نزلنا من على السلم كل واحد فينا مشي من طريق وكلمتني على التليفون وقابلتها عطتني الف جنيه وبعدين اتصلت بيا تاني في نفس اليوم واخدت مني الالف جنية والسلسلة وسابتلي التليفونين والساعة وده كان على رصيف محطة القطر في كفر الدوار.
