حل مطرب المهرجانات حمو بيكا ضيفا على برنامج "لحظات جريئة" المذاع على قناة القاهرة والناس والذي يقدمه الإعلامي أحمد سالم مساء الإثنين، وأدلى حمو بيكا بعدد من التصريحات المثيرة للجدل نستعرضها من خلال السطور التالية.. حمو بيكا ل الأطباء والمهندسين: شغلوا دماغكم علشان تبقوا شبهي وجه حمو بيكا، رسالة إلى الأطباء والمهندسين الحاقدين على نجاحه، قائلًا "هتفضلوا طول حياتكم كدا". وأضاف "بيكا"، أثناء حوار مع الإعلامي "أحمد سالم" ببرنامج "لحظات جريئة"، المُذاع عبر فضائية "القاهرة والناس"، "لو هما شايفين الهرم مقلوب يروحوا يعدلوه، ويركزوا في شغلهم"، مستطردا "أنت راجل أهلك صرفوا عليك وبيقت مهندس ومتعلم، وأنا راجل شقيت وطلعت من الصفر وطول حياتي شقيان وتعبان".
وتابع "طول حياتي شقيان وبنام في الصحراء على الرمل وأنت حضرتك كنت بتنام على سريرك وأهلك بيعلموك ويصرفوا عليك، أحمد ربنا إن أهلك صرفوا عليك وبقيت مهندس، ما تشغل دماغك.. فيه مثل بيقول اللي يبص لعيشة الناس تحرم عليه عيشته".
وكشف الفنان حمو بيكا، عن حبه ارتداء الملابس الغريبة في الشكل واللون قبل أن يكون مشهورا، مؤكدا أن جميع صوره القديمة تحتوي على هذا الشكل من الملابس ولم تتغير، مختتما بأن زوجته تشعر بالغيرة الشديدة عليه، قائلاً " بتغير عليا جامد لدرجة إنها بتقعد تكسر في البيت".
حمو بيكا يكشف سبب ظهوره بملابس غريبة
قال الفنان حمو بيكا إنه أحب ارتداء الملابس الغريبة في الشكل واللون قبل أن يكون مشهورا مؤكدا أن جميع صوره القديمة تحتوي على هذا الشكل من الملابس ولم تتغير. وأضاف حمو بيكا خلال لقائه في برنامج "لحظات جريئة" المذاع على قناة "القاهرة والناس" أن زوجته تشعر بالغيرة الشديدة عليه، قائلاً "بتغير عليا جامد لدرجة إنها بتقعد تكسر في البيت". وأوضح حمو بيكا ، أن زوجته تنفعل بسبب أخطائه ولازم تكون عملت حاجة وغلط عشان هي تنفعل كده مضيفا: أنا مش بصلي عالسجادة يعني.
حمو بيكا: انتظروني قريبا في فيلم أكشن.. فيديو
قال حمو بيكا، مغني المهرجانات الشعبية، إنه دخل عالم التمثيل كهواية وليس سبوبة، كما يروج البعض. وأضاف حمو بيكا خلال لقاء ببرنامج لحظات جريئة عبر فضائية القاهرة والناس: "انتظروني قريبا في دور اكشن بأحدث الأفلام، بالإضافة لدور آخر كمطرب". وتابع حمو بيكا: حلم لي من زمان، دخول عالم النجومية في الفن والسينما.
مفيش حاجة اسمها حرام.. حمو بيكا عن تعدد الزوجات: طالما قادر أعيشهم كويس
قال حمو بيكا، مطرب المهرجانات، إنه مُكتفي بزوجته، ولا يريد الزواج مرة ثانية، قائلاً: "هي مكفياني ، ومش هبص تاني برة خلاص". وأضاف حمو بيكا خلال لقائه مع برنامج "لحظات جريئة" المُذاع على فضائية "القاهرة والناس"، قائلاً: "إن لو واحد صاحبي عايز يتجوز تاني على مراته، أنصحه يتجوز عادي، عشان ربنا اللي قال لو انت قادر اتجوز". وتابع المطرب: "مفيش حاجة اسمها حرام تتجوز على مراتك، طالما قادر تعيشهم في مستوى كويس يبقى اتجوز تاني وتالت ورابع عادي". واستطرد: "طالما الواحد عنده فلوس، وقادر، يبقى يتجوز اتنين وتلاتة وأربعة عادي، لكن حرام ديه تتقال لما يكون الواحد مش قادر على واحدة ويروح يتجوز تاني".
