طالب المهندس أحمد المغير، القيادى بجماعة الإخوان المسلمين، الرئيس محمد مرسى بالدفع بقوات مكافحة الإرهاب والمخابرات للقضاء على من سماهم ب"مليشيات البلاك بلوك" الإرهابية بميدان التحرير وإخلائه بعد زعمه بهجوم البلاك بلوك على سيدة منتقبة ومحاولة خلع النقاب من عليها. وقال المغير على صفحته الرسمية على الفيس بوك : بعد محاولة خلع نقاب وحجاب سيدة مسلمة في ميدان التحرير أمس فاضل إيه عشان الرئيس يحرك قوات مكافحة الإرهاب والمخابرات وكل الأجهزة السيادية للقضاء على مليشيات البلاك بلوك الإرهابية التابعة لتحالف الفلول مع جبهة خراب مصر والكنيسة؟. وأضاف المغير: "وهل إحنا هيوصل بينا الحال إننا نُعامل أقلية فى بلادنا، ونشوف مشاهد ميانمار ومجازر نيجيريا عندنا في مصر ضد المسلمين ؟ وهل فيه سبب أقوى من ده لإعلان الجهاد؟. ووجه رسالة إلى الأجهزة الأمنية قائلا: أنا عاوز أوجه رسالة للأجهزة الأمنية اللى فرحانة باللى بيحصل إن أول من سيكتوي بالنار هيكون انتوا لأن المعركة بتنتقل تدريجيا إلى معركة عقيدية بحتة مش مجرد خلاف سياسي وإن أول من ستسعر بيهم النار هيكون السبب الرئيسي فيها واللي وقف يتفرج عليها وهو يستطيع إيقافها .