نشر طلاب جامعة الازهر عبر صفحاتهم بالموقع الاجتماعى "فيس بوك" قصيدة شعر الى نواب جامعة الازهر بعنوان " إنتوا نهاركوا معايا طين !! " تعقيبا على احداث امس من اصابة 107حالة اشتباه فى تسمم عقب تناولهم تونه غير صالحه"على حد قولهم" القصيده تقول: للمرة التانية تسمونا ... وتقولوا ان إنتم اسفين . شردتونا وبهدلتونا ... هتودونا يا ناس علي فين . إحنا زهقنا منكم غوروا ... بالذمه إنتوا بني أدمين ! مات الباز قدام عيوننا ... المرة الجاية علي مين ؟ لأ مش هسكت . لأ مش راجع .... لا مش هنكون سلبيين . هفضل ثائر ضد الظلمة ... وللعبودية مش راجعين . إحنا خلاص بجد زهقنا ... إحنا يا ناس ليه مضطهدين ؟ دا إحنا شباب الأزهر والله ... إحنا بنحمل اسم الدين . سبنا الأهل وسبنا بلادنا ... إحنا الطلبة المغتربين . بعد الصبر وبعد الغربه ... نبقي الطلبة المسمومين ! دا إنتوا نهاركوا لا مش فايت ... دا إنتوا نهاركوا معايا طين ! دا إنتوا نهاركوا لا مش فايت ... دا إنتوا نهاركوا معايا طين !