تحدثت الفنانة منة فضالي خلال لقائها مع موقع "صدى البلد" عن سبب عدم زواجها حتى الآن. وقالت فضالي: "لم أندم على عدم زواجي حتى الآن .. ولكن تفكيري حاليا تغير يمكن بسبب أنني كبرت سنا وتفكيرا .. وأعتقد لو كان رجع بيا الزمن ثلاث سنوات ماضية كنت سأفكر في الزواج وبناء أسرة حتى لو كان على حساب ترك الشغل". وأضافت :"مش عاوزة اتجوز واتطلق .. أرغب أن يتم تربيه ولادي مع أبوهم وأمهم علشان أنا متربتش غير مع والدتي .. واللي اتحرمت منه اكيد عاوزه أعوضه في ولادي .. أنا عاوزة اعمل بيت وأسرة". وتابعت منة فضالي، قائلة: "فيه ناس تقولي طيب اتجوزي وخلفي واتطلقي .. بقولهم ايه الجنان ده .. عاوزة اتجوز عن اقتناع يبقي زوج من عائلة محترمة.. مش شرط يبقى مليونير زي ما الناس فاكرة .. المهم عندي يعيشني عيشه كويسة ويدخل ولاده مدارس كويسة ويكون هو من عائله كويسة". واختتمت: "أنا انتقادية مش بعرف أسلم على حد وانا مش حاباه .. انا يا بحب يا بكره معنديش وسط .. الوضوح بالنسبة لي أفضل مش بعرف اكون ب100 وش .. واوقات كتير بعتذر عن حاجات بتجيلي علشان بيبقى فيها ناس ببقي عارفه إني صعب أتعامل معاهم .. انا صاحبه مبدأ".
