سخر إبراهيم سعيد لاعب الأهلي والزمالك السابق والمحترف حالياً في صفوف أسيريسكا السويدي من الكابتن محمود الخطيب نجم الأهلي السابق ونائب رئيس النادي الأهلي حالياً. وكتب أحمد حسام "ميدو" مهاجم الزمالك السابق عبر حسابه على "تويتر" أنه سيكون ضيفاً على الخطيب في برنامجه في قناة الحياة قائلاً "أنا فخور إني هتواجد في نفس الاستوديو مع أسطورة الكرة المصرية محمود الخطيب". فرد عليه سعيد قائلاً "وأنت بتسلم عليه هيقولك أنا محمود الخطيب الشهير ب"بيبو" وكنت بلبس رقم 10" ثم وجه سعيد حديثه ل"ميدو" قائلاً "اشرب بقى 3 قهوة و2 نسكافية و3 كابتشينو و4 اسبيرسو عشان متنمش منه، وخد مترجم معاك عشان مش هتفهم منه ولا جملة والله". وأضاف: "خد طقم سماعات كبيرة معااك الاستوديو عشان تسمع هو بيقول ايه". وتابع "من غير ما أتفرج على الحلقة هتكون نسخة كربونية من برنامج بهدوووووووووءءءءءءءءءءء .. الله يمسيك بالخير يا عمدة" في إشارة إلى الإعلامي عماد أديب مقدم برنامج بهدوء على قناة سي بي سي" ودافع "ميدو" عن الخطيب وأبدى استياءه من هجوم سعيد وزملكاوية آخرين عليه قائلاً "عيب ياجماعة حد يجيب سيرة كابتن الخطيب ده راجل أسطورة ومحترم ..لكل شيء حدود".