انتهت المطربة الشابة مي المهدي من تسجيل أغنية على طريقة موسيقى الراب تنتقد الأوضاع السياسية الحالية، وأداء الرئيس مرسي وجماعة الإخوان المسلمين..وتقول كلمات الأغنية: أحب أبدأ كلامي كلامى بكلمتين صغيرين أخرتها أيه مع الإخوان المتأسلمين أنا مش خايفة منك يا مرسى أنت وأبو إسماعيل عشان استغليتوا دقونكوا واتكلمتوا باسم الدين هيحصل فيه ايه اكتر من اللى حصل مع غيرى انا مهما عملتوا فيه بردو مش هخالف ضميرى الموت ده حق علينا وطالما كلنا هنموت يبقى ليه اخاف منكو واقضيها سكوت فى سكوت لو مصيرى مصير الشهدا اكيد ده شرف ليا دى امنية بتمناها والدموع مالية عنيا المهم يوم الدين اخد كتابى باليمين وكلامى دلوقتى يا مرسى انا بوجهو ليك انت اهلك وعشيرتك دلوقتى بيتباهو بيك بس بكرة هيجوا عليك وهينفضوا من حواليك لما الشعب يثور عليك يا مرسى الله يخليك ارحل مصر كبيرة عليك ارجع بقى روح لعشيرتك مصر كلها بتجيب سيرتك لو قلبك على البلد دى ارحل بقى وسيبها تعدى قبل ما الدور يجى عليك والمركب تغرق بينا وبيك مانت المرشد بيمشيك وقناة الجزيرة معاك مش عليك فين افعالك فين يا مرسى نفسى اشوفلك حاجة ونرسى ولما جه عليك الادور كشفوك لينا حزب النور وعدتنا بالنهضة وقلت هتعيشوا امنين والنتيجة كانت حوادث فى اسيوط والبدرشين بس المرة دى يا مرسى الشهدا مختلفين وانا قلبى عليهم موجوع ولسة حزين فى اسيوط الشهداء دول اطفال وابرياء بس ايه ذنبهم عشان تنساهم زيهم زى اللى كانوا قبلهم عمال تاخد قرارات والشعب يقولك ارحل تانى يوم بترجع فيها وتقول كلنا بنغلط فرضت حظر التجوال على مدن القنال بس هما ثاروا عليك ومنفذوش كلامك وانت طبعا زى عادتك رجعت فى قرارك اصلهم مبيتهددوش ومنك مبيخافوش اقولك السبب ايه انت مرشح احتياطى وان كنت نسيت هما بقى منسيوش حولتوا مصر عزبة ووزعتوا الزيت والسكر وللاسف صدقناكوا وزادت مشاكلنا اكتر انتوا طبختوا الدستور بس هيجى عليكو الدور واهو قلب عليكوا حزب النور ليه يا مرسى لما تصلى بتاخد الحرس يحميك اللى مكتوبلك هتشوفو مهما كتروا من حواليك صلاتك بينك وبين ربك جايبهم معاك ليه ولا انت مش واثق من نفسك ارحم الشعب الغلبان ده نفسه يعيش فى امان متبص شوية للشباب وتعملهم بقى حساب ولا ابنك بس اللى يهمك ليه يا مرسى دايما خايف مش قادر تواجه شعبك يوم ما جابك عمرو الليثى منتجت الحلقة بنفسك بس باسم يوسف فايق وعارف ايه اللى بتعمله وهيفضل وراك يا مرسى لحد ماغلطك تعدله وفى الختام انا عايزة اقولك يا مرسى كلمتين لو فضلت كده على حالك مصيرك هيبقى زى مبارك
