نشرت الفنانة مى حلمى صورة جديدة من حفل زفافها على المطرب محمد رشاد وذلك عبر حسابه على موقع التواصل الاجتماعى انستجرام. وقالت مى عن الصورة : "مش دايما الحياه بتدينا فرصة تانية عشان نعيد اللي حصل في حياتنا نادرا لما يحصل او ما بيحصلش ان الدنيا تقولك هرجعك في آلة الزمن عشان تغير يوم من عمرك فيه حاجة حصلت كان ممكن ماتتغيرش او تفضل عايش في جرحها طول العمر" . وأضافت مى قائلة : "دي نعمة من ربنا وحظ ونصيب مكتوب انك تخلي القدر في صفك دي حاجة صعبه اوي لان دايما القدر عندي ومابيديش حد اللي هو عايزه وأوقات كتير مابيديش فرصه تانيه وحتي لما بيدي فرصة بتكون في حاجه مختلفه. محظوظه انا ان الدنيا صالحتني واديتني نفس اليوم بس اجمل بكتييييير من اللي فات الحمدلله". وأخيرا قالت مى : "دعواتي مارحتش وربنا شلهالي ودعوات الناس اللي بتحبني ودخلت آلة الزمن ازاي حكمة ربنا".