قال الإعلامي تامر أمين، إن اللغة العربية تآكلت بعد أن هجرها مستخدموها. وأضاف "أمين"، خلال تقديمه برنامج "آخر النهار"، المُذاع عبر فضائية "النهار"، أن المصريين هجروا اللغة العربية، معقبا: «هجرنا اللغة العربية وبقينا حاجة من اتنين، ناس هاي لايف، بتتكلم الفرانكو عرب، وكدا بقيت من علية المجتمع». وأكمل: «المصريون عندنا بيتكلموا هاي لايف ويقولوا أصل أنا العربي بتاعي ضعيف، والكلمة دي لوحدها بتجيبلي شلل يعني إيه مصري ولا مصرية أي كان درجة تعليمه يقول العربي بتاعي ضعيف. وتابع: «تبقي لغتك الأصلية ضعيفة، واللغة الإضافية هي إللي كويسه، وهو ينفع بريطاني يبقي الإنجليزي بتاعه ضعيف، إلا العرب العربي بتاعهم ضعيف». وأوضح: «إللي بيقولوا ولاد البلد، مفيش عندهم هاي لايف ولا لغة عربية، عنده لغته هو»، معقبا: «ولا إللي تحت بيتكلموا عربي ولا إللي فوق بيتكلموا عربي، وتاه العربي ما بين تحت وفوق».