أكد الرئيس عبد الفتاح السيسى، أن الدولة ما زالت تدعم المواد البترولية بقيمة 125 مليار جنيه حتى بعد رفع الأسعار، وقال: "كل عربية نقل أو ميكروباص أو أى عربية بتمون سولار بتاخد الحاجة بنص تمنها، والمصريين بيدفعوا النص التانى". وخاطب السيسى، خلال كلمته بالندوة الثقيفية المنعقدة منذ قليل، المصريين قائلًا: "أنا عايز أقول لكل واحد مش حاسس إن مصر مش بتديله حاجة إحنا بندعم 50% من ثمن السولار، وانتوا والمستقبل اللى بيدعم السولار". وأضاف الرئيس: "طول ما إحنا مكبلين بالدعم على كل حاجة عمرنا ما هنتقدم خالص ولا هنقدر نحقق الأهداف اللى إنتوا بتتمنوها، مفيش حد فى العالم المتقدم اللى إنتوا بتقارنونا بيه بيعمل كده". ولفت إلى أن الله سبحانه وتعالى نجا مصر فى السنوات الماضية بقدرته وإرادته، مؤكدًا أن الإرادة الإلهية قالت كلمتها فى الحفاظ على مصر وأمنها.