"النيولوك" هوس أصاب الكثير من لاعبى الساحرة المستديرة حول العالم فمنهم من تفنن فى الظهور بشعر ملون ومنهم من اكتفى بتغيير قصة الشعر. من أبرز اللاعبين الذين أثاروا سخرية رواد موقعى التواصل الاجتماعى "فيس بوك" و "تويتر" مؤخرا كان اللاعب "باسم مرسى" مهاجم المنتتخب الوطنى الذى اعتاد كل فترة على أحداث تغيير مظهره الخارجى، وكان آخرها ظهوره بتوكة فى أعلى رأسه لتجعله أقرب إلى شكل الأطفال فى المباراة الودية التى جمعت بين منتخب مصر وغينيا. رواد "تويتر" انهالوا بالسخرية من مظهر "باسم" فقالت "@dy_manar ": "عارفين البيبى الصغيرة الى معندهاش شعر بيعمللها كدة يعنى رجع بيبى وبنوتة كمان يعنى 2 فى واحد"، بينما غرد "@senta9o" قائلا : "توكه باسم مرسي = تخلف وجهل وهبل ناس كتير". أما "[email protected] " غرد قائلا : "بمناسبة باسم مرسي نصيحه اخويه زي مانت راجل في الملعب خليك راجل في مظهرك ولم زعاريرك فضحتنا"، فيما قالت "@israa_mashaly ": "مش فاهمه ايه الزمالكاويه اللى بيدافعه عن توكة #باسم_مرسى على فكره شكلها مقزز كان بيصبغ شعره أبيض وأصفر ونقول ماشى إنما توكه كده تشبه بالنساء". وفى السياق ذاته، سارع رواد "فيس بوك" فى التعليق على الأمر فقال "Mohammed Ahmed" : "ويوم ما حبيت تقلد جاريث بيل اتعلم عليك". وأعاب الرواد على "باسم مرسى" عدم تقديره لقيمة التى شيرت الذى ارتداه وحمل رقم 22 وهو التى شيرت الذى كان يرتديه اللاعب المعتزل "محمد أبو تريكة" الذى عرف بأخلاقه الحسنه ومظهره الرجولى. فقالت أحد الرواد وتدعى "A Smaa Ashraf" : "باسم مرسى لابس رقم 22 أقسم بالله ما #مسامحاكوا #عذرا___تريكه"، بينما علق "محمود الجندي" قائلا : "باسم مرسى لابس القميص رقم 22 الرقم ده تقيل عليه وعاوز راجل يلبسه مش أبو ضفاير". فيما أخذ محبو "مرسى" بالدفاع المستميت عنه فقالت "[email protected]_ " : "هو في ايه ده ماتش منتخب زعلانين من باسم مرسى ليه إمبارح، يا ناس كل واحد حر، وباسم مكنش عايز 22 وكان عايز 17 ليس تقليل من أبو تريكه"، فيما علق "@M_El_Gazzar " : "ايه كل الهجوم على باسم مرسى دا ! هو من احسن المهاجمين ف مصر شعره و ستايله دا حريه شخصيه انما كلاعب مش شايف زيه فى مصر ". بينما قال "@KarimErfan1" : "انا اهلاوى صميم على فكره بس كميه التريقه على تسريحه باسم مرسى دى قمه التخلف.. دى حريه شخصيه ما دام مبيضرش حد"، أما "@lawyerkarimzaki" علق قائلا: "سبحان الله الناس اللى بتتريق على قصة باسم مرسى هما نفس الناس اللى بيشجعوا وبيهللوا لجاريث بيل بنفس قصه الشعر .. دمتم قطيع".
