بدأ الفنان رامز جلال حلقته من برنامج «رامز بيلعب بالنار» بوصلة سخرية و«قلش» على ضحيته اليوم أحمد حسام «ميدو» أثناء تجهيزه لتنفيذ مقلب البرنامج، بقوله «اعزائي المشاهدين من كازابلانكا المغربية عروس شمال من قلب المعركة والمحرقة التى تشهد عملية شفط دهون وجناب الكابتن ميدو، وانا لو اخدت شلوط من سمانة ميدو انتهيت». وقام «رامز» مقدم برنامج «رامز يلعب بالنار» على قناة «إم بي سي مصر»، بالغناء الساخر من ضحيته قائلا: «بالولعة والنار هنكمل المشوار، وميدو لابس بدلة سفاري وهو في الفندق، وتحس انه يشعر بثقل واكل بسلة علي الريق، والقاعدة الي ميدو قاعدها دي بيبرز فيها كل مفتنه، ما بين قربك وخوفي عليك سبنا يا ميدو نولع فيك». وقال «رامز»: إن ميدو بيتكلم فرنساوي كويس أصل كان عنده مركب صيد في مارسليا، وميدو تحس انه لابس بلغة في رجلة مش جزمة، كل حاجة عند ميدو كتير، كرش اوفر فخاد اوفر، ومعندوش صابونة في ركبته ده عنده كيس اريل، وهما صحابك الي في المغرب محدش قالك علي المقلب ده». ويأتي برنامج «رامز بيلعب بالنار»، استكمالًا لسلسلة برامج المقالب التي أعدها رامز جلال خلال أشهر رمضان، خلال السنوات الماضية، وهي «رامز توت عنخ آمون»، و«رامز قرش البحر»، و«رامز ثعلب الصحراء»، و«رامز قلب الأسد» و«رامز واكل الجو».
