شجع الفنان الكوميدى "محمد هنيدى"، الفتيات فى مصر على تحقيق أحلامهم والوقوف فى وجه الصعاب مهما كانت ظروفهم الاجتماعية أو المادية، فى هاشتاج دشنه بعنوان "بنت ب100"، عبر موقع التواصل الاجتماعى "تويتر" وعلق فى تغريدة له عبر حسابه الشخصى قائلا: "حملة بتشجع البنات إنهم يحققوا أحلامهم مهما كانت ظروفهم شاركونا على الهاشتاج وابدأوا التويتة بكلمة تقدرى". وسرعان ما تفاعل مغردو "تويتر" مع دعوات "هنيدى" وحملته للبنات وانهالوا بالتغريد تعليقا على الأمر حتى وصل الهاشتاج إلى مركز متقدم على مستوى مصر عبر "تويتر" خاصة بعد تشجيع "هنيدى" منذ قليل حينما قال: "الهاشتاج تريند شاركوني في حملة #بنت_ب100 وشجعوا البنات انها تحقق احلامها". فقالت "@wafaa_khairy1" : "اللي متستناش كلمه حلوه من حد، اللي تراعي اهلها فغيابهم قبل وجودهم، ومتستناش صدقه هاتفيه من ولد ،اللي تمشي واثقه فنفسها"، بينما "@hadirsaid14 " غردت قائلة: "اتعلمى .. جاهدى .. اتعبى .. هتنجحى". وغردت "@janawebs1" قائلة: "انا اعرف واحدة ست كبيرة اتجوزت بدري جوزها مات وهي عندها 20 سنة وعندها 3 صبيان وبنت ربتهم لوحدها احسن تربية وجوزتهم كلهم"، فيما قالت "@MonaNab27020449" : "اللى مش كل هدفها ف الحياه راجل اللى طموحها ف الدنيا تفرح اهلها بيها اللى مؤمنه بنفسها اللى كرامتها رأس مالها". وفى نفس السياق، قال "@AhmedWalid9597" : "اللي تعيش علي طبيعتها ،مايحكمهاش غير تربيتها وضميرها مالهاش دعوة بالناس"، بينما "@BassmaaYoussef" غردت قائلة: "متسمحيش لحد إنه يقلل منك ومن قدراتك، متتنازليش عن أحلامك تحت باند مينفعش إنتي بنت ، عيشي حياتك إنتي تقدري". بينما "@osamashalaby241" غرد قائلا: "اللي صاينه عرضها وشرفها اللي ضحت عشان بلدها اللي قدمت اخوها وابنها شهيد للوطن الام والاخت والحبيبه دي بالف راجل"، أما "@EDeecha" قالت: "اللى لو محتاجة فلوس وظروفهم ضيقة تشتغل، اللى تشيل المسئولية مهما كان حجمها".
