تداول رواد موقع التواصل الاجتماعى "فيس بوك"، مقطع فيديو لضابط شرطة يدعى "عمرو شريف" معلقا على حادث ياسمين النرش صاحبة واقعة المطار الشهيرة وواصفا ما فعلته ب "المشين". وقد بلغت مدة الفيديو الدقيقتين ونشره الضابط تحت عنوان "كلمتين وبس" وقال فيه : "فيديو واقعة تعدى واحدة ست على ضابط شرطة شغال في المطار.. الضابط تعامل بمهنية زائدة عن اللزوم.. بس طبعا كلنا كظباط مقهورين جدًّا من اللي حصل.. إحنا وكل الناس المحترمة اللي معانا، كلنا مقهورين، بس السؤال، هنا: الناس عايزة إيه من الظباط، لا كده نافع ولا كده نافع". وتابع : "حظ الست الكويس أنها وقعت مع راجل محترم زيادة عن اللزوم، يعنى الظابط لو مد إيده عليها كانت الشرطة والداخلية بلطجية، الراجل أتعامل بالبراحة يبقى الداخلية تستاهل، أنتم عايزين إيه؟ ده استفزاز وقلة ذوق". ووجه الضابط رسالة إلى المواطنين فقال لهم : "تعالوا على نفسكم شوية وخليكم حلوين معانا علشان إحنا كويسين معاكم". جدير بالذكر أن ياسمين النرش هى سيدة كانت متجهة من القاهرة إلى الغردقة فى مطار القاهرة ودخلت فى مشادة كلامية وتراشق بالألفاظ مع أحد الضباط المتواجدين هناك عندما منعها من العبور بعد رحيل طائرتها.