* سمير أحمد: كان متجوزها عشان طبعا يهديها * وليد الخليلي: أهو أنا دلوقتى بس عرفت سر عملية التجميل فى مناخيرك * دينا ياسين: آدى حزب النور.. بيعمل كل حاجة فى النور * أحمد أسعد: دى حياته الشخصية يعمل اللي هو عايزه أثار التصريح الذي نشره "صدى البلد" على لسان الفنانة سما المصري عن زواجها من النائب السلفي أنور البلكيمي، الشهير بنائب التجميل، حفيظة العديد من قراء "صدى البلد". حيث علق سمير أحمد قائلا: "كان متجوزها عشان طبعا يهديها، عمركم سمعتم عن صحابى من صحابة رسول الله أو أى سلفى صالح اتجوز من واحدة مثلا من صاحبات الرايات الحمر، أى سلف كان يمشى على نهجه البلكيمى وطبعا ما خفى كان أعظم.". وفى نفس السياق، قال وليد الخليلى: "أهو أنا دلوقتى بس عرفت سر عملية التجميل فى مناخيرك يا معلم أكيد ما كانتش عاجبة الهانم"، وعلق سيد صالح قائلا: "كل ابن آدم خطاء"، وقال محمد سعيد: "يا ترى دفعولك كام علشان ترمي بلاكي على الراجل، شكلك وحش وباينة قوي". وقال عماد الصايغ: "ولسه هنشوف عشان تبقوا تنجحوهم، فهؤلاء أساءوا للإسلام وللسلف الصالح فإنهم يتاجرون بالدين". أما أم هيا وميدو فقالت: "لو ده صحيح يبقى طبلت عليك يا بلكيمى ههههههههه أتاريك حبيت تجمل مناخيرك علشان تعجب الست"، وعلق أحمد عمارة قائلا: "ولسه ياما ها نسمع ونشوف إمال إيه!"، وقال أحمد جواد: "إن كان هذا الكلام صحيح فحسبنا الله ونعم الوكيل فيك يا بلكيمي جزاء ما سببت من أذى لحزب النور، وعلى الرغم من أن تصرف الفرد لا يدل بشكل مطلق على المجموع ولكنك محسوب على السلفيين للأسف، منك لله يا أخي إن صحت هذه الرواية". وعلقت دينا ياسين هدهود قائلة: "آدى حزب النور.. بيعمل كل حاجة فى النور"، وقال محمد جمعة: "النائب المحترم يجري عملية تجميل ويتزوج من سافرة، كل هذا ونقول بما لا يخالف شرع الله، الله المستعان"، وعلق أحمد أسعد: "دى حياته الشخصية يعمل اللي هو عايزه، أما المشكلة فى القصة الغامضة بتاعة الهجوم المسلح".