1- الصحرا الواسعة ( كانت الوطن) كنت أحس بزغللَّه وألمح من وقت للتانى حاجه بتتحرك. قُلت ده سراب . لكن بدأ يظهر شبح حُصان أسود بينى وبين خيالى بقى بالنسبه لى زي الضجر من المقابلات التقيله كنت باعرف اتهرَّب منه، لكن بقى له فى كل مكان نصيب و بقى بيطير واتطور بقى بيلذق على جسمى أمسكه .. ما الحقوش جبت له مضرب حصانى الضلمه مش يعنى بس الحنين . 2- بطَّل ألاعيبك مُندمجين في طقس مُرعب . فيديو جيم... فيس بوك.. تنين ألكتروني نفخ شوية نار وح يذهق مش مستوعب فرحتهم الحريق بيقرب منه . ما كانش قُدامه الا يوعدهم بألعاب تانيه مُبهره لحد ما يبعدوا. 3-التغيير مالوش نهايه في كل جمعة يبدأ كرنفال . يرفرف الحمام علي الكتاف، يفكرنا بالشهدا. يهدي الكفوف القمح ويقوي القلوب الحريه كامله أو مافيش . واقعي لو طلبت المستحيل. ما فيش تغيير من غير خيال . شوفت الشعور بالوطن ازاي؟ مين يصدق؟ الشفافيه مش سد خانه. افرح زي ما انت عاوز ، سيب أوهامك ، تتحرق دخانها يطلع السما حلقات ، السما تعرف تبددُه شاعر مصري [email protected]