تويتر يسخر من منصات التحرير في جمعة “لم الشمل”: 6 منصات يا كفرة أومال لو هتبعطروه هتعملوا كام

* مصطفى النجار: بعد بناء 6 منصات حتى الآن بالتحرير.. لم الشمل ... ستبقى أحلامنا مستمرة :)
* ناشط: عملوا 6 منصات لحد دلوقتي في التحرير لجمعه لم الشمل عندما يتحول الميدان لقطعة بيتزا كبيرة
كتب محمد كساب:
سخر مستخدمو موقع التدوينات القصيرة “تويتر” من وصول المنصات بميدان التحرير إلي 6 عشية الاستعدادت لمليونية ” إسقاط العسكر وفلوله “، للمطالبة بتسليم السلطة في 30 يونيو وعدم وضع الدستور تحت حكم العسكر وعدم ترشح فلول النظام السابق بانتخابات الرئاسة.
وكتب النائب البرلماني د. مصطفى النجار عبر حسابه الشخصي ” بعد بناء 6 منصات حتى الآن بميدان التحرير ..لم الشمل ... ستبقى أحلامنا مستمرة :) “.
بينما كتبت الناشطة السياسية أسماء محفوظ تدوينة ” قرفانة من كمية المنصات اللي في التحرير لكن ممكن نحلها باننا كلنا نمسك يفط عليها جملة موحدة ونرفض سيطرة المنصات على الميدان بشكل سلمي “.‏
وعلق آخرون بعبارات ساخرة وتهكمية من بينها: ميدان التحرير مليان منصات ، اللي وراه حاجه بكرة يعملها .
بانت من النهارده أن بكرة هيبقي يوم هلس 6 منصات فى التحرير ؟ طب ابو سوسو هايعمل ايه دلوقتى ؟
ميدان التحرير الآن أصبح فيه منصة لأنصار أبو إسماعيل و منصة للقوي الثورية و منصة للإخوان ومنصة للنور ومنصة للوفد
عملوا 6 منصات لحد دلوقتي في التحرير لجمعه لم الشمل اومال لو هيبعطروا الشمل هيعملوا كام واحدة
تتعدد المنصات فى التحرير والهتاف واحد يسقط يسقط حكم العسكر
عندما يتحول ميدان التحرير إلي بيتزاية مقسمة إلي 6 قطع ‫#6_منصات_يا_كفرة‏