* نشطاء: بلادي وإن ضاقت عليا أديها لابني الصغير.. وياتري المسلماني كتب الخطاب ده؟.. اللي خد منك الفيل قادر يرجعهولك كتب – محمود هاشم: انتشرت التعليقات الساخرة، من مستخدمي موقع التواصل الاجتماعي “تويتر”، على مذكرة الرئيس المخلوع، حسني مبارك التي قدمها للمحكمة اليوم، وافتتحها ببيت الشعر القائل:”بلادي وإن جارت عليَّ عزيزة .. وأهلي وإن ضنوا عليَّ كرامُ”. وكتب المستخدمون والنشطاء على الموقع: “يا واد يا واطني” و” اللي خد منك الفيل قادر يرجعهولك”، وتساءلوا هل كتب الصحفي أحمد المسلماني، مذكرة الرئيس المخلوع، بعد أن كان قد كتب خطابه الذي ألقاه في 1 فبراير قبل خلعه بعشرة أيام، أم لا. ورصدت “البديل” عدداً من تعليقات مستخدمي الشبكات الاجتماعية على الخطاب كان أبرزها: - “وإن جارت علي عزيزة ” حتى عزيزة اتبرت منه.. طول عمرهم مش مقدرين قيمتك يا ريس - يا واد يا وطني.. الرئيس متحدثا عن تل أبيب - عزيزة دي اللي ماتت في قطر الصعيد ولا العبارة ولا مسرح بني سويف ولا الدويقة؟ - بعد توقعات بالحكم بإعدام المخلوع مبارك يرد: عبوكوا كلكوا خسارة فيكم القصيدة - مبارك يقولك بلادي وإن جارت عليا عزيزة.. شوية يطلعلك الديب يقولك بانت سوزان .. دي مش محاكمة كفار - بلادي وان ضاقت عليا اديها لابني الصغير مع تحيات حسني مبارك - يا واد يا وطني مع كامل الاعتذار للشيخ خالد عبد الله - إحنا شعب قلب قاسي.. أوي أوي .. إحنا مش بنحس كده وكده. - لا تغضب أيها النسر الجريح .. اللي بيعمل خير لوجه الله مش بيستني جزاء من البني أدمين . - يا تري اللي كتبله الخطاب ده احمد المسلماني برضه ؟ - مبارك بيقول: بلادي وإن جارت علي عزيزة .. والعادلي بيقول إن جاءكم فاسق بنبأ فتبينوا.إحنا آسفين يا ريس وحقك علينا يا عادلى - يا عيني يا ضنايا، اللي خد منك الفيل قادر يرجعهولك - كده فهمت:شعب مصر الغالي = الفلول, والجيش حمى الثورة = حمى الفلول من الهلاك على يد الشعب, مبارك:بلادي عزيزة = الفلول بيتسامحوا في حقهم