أكد الرئيس عبد الفتاح السيسى، أن الدخول فى أسباب التعديات التى كانت واقعة على الكثير من أراضى الدولة وتم استعادة جزء كبير منها بجهد الدولة والشباب والمحافظين، سيدخلنا فى باب عصب لا مخرج منه، قائلا: "ما نستطيع أن نقوله هو أننا مش هنقبل ده يتكرر تانى.. ومش هنقدر نتعامل مع الفساد غير فى الجديد". ووجه الرئيس السيسى، فى كلمته خلال مؤتمر إزالة التعديات على أراضى الدولة، حديثه إلى كافة المحافظين، قائلا "لو سمحتم خلى شباب المحافظة جانبك.. اسمع منهم، واتكلم معاهم، واتحركوا مع بعض، وأنا كنت جاد وفضلت أدور على أى حاجة تقرب الشباب من مصر". وتابع الرئيس عبد الفتاح السيسى، إن كل المواطنين لديهم الحرية الكاملة فى توجههم السياسى، دون الحجر على فكر أى شخص، متابعا: "من حق أى واحد يفكر زى ما هو عاوز، بس مش من حقه إنه يموتنا، ما أقدرش أحجر على فكرك، بس خلى فكرك ما يهدناش، مش بقول لك غيّر فكرك، ولو شايف إنه صح خليه معاك". وأضاف الرئيس السيسى، قائلا: "اللى هيعيش معانا كده ليه مكان، واللى غير كده هنواجهه، مش هخلّيه يضيّع 93 مليون، ما حدش هيضيّع 93 مليون ونسمح له بالحكاية دى، لأ مش هيحصل".