قال عبد الفتاح السيسي، المرشح لرئاسة الجمهورية، إن برنامجه الاقتصادي يركز علي محاور أبرزها خلق فرص عمل للمصريين وضبط الحد الأعلي والحد الأدني للمرتبات وتصحيح الخلل في دعم الوقود. وقال السيسي في حوار له مع وكالة رويترز، إن هناك حاجة لاجراءات لتحفيز الاقتصاد وضخ أموال فيه كي يحدث تحسن حقيقي وإن الوضع الاقتصادي صعب ولكن من الممكن أن يشعر المصريون بتحسن الأوضاع خلال عامين من العمل الجاد. وقال السيسي 'لازم نعترف أن الوضع الاقتصادي في مصر صعب مش بس في خلال ال 3 سنوات الماضية ... المصريين كانوا بيتطلعوا إلي حياة أكثر استقراراً من الواقع اللي احنا بنعيشه ده ... احنا بنتكلم علي أكتر من 50 بالمئة من الشعب المصري بيعانوا من الفقر. وفيه حجم كتير من البطالة.' وأضاف السيسي 'محتاجين إجراءات لتحفيز الاقتصاد وضخ أموال كثيرة جداً في شرايينه عشان يحصل تحسن حقيقي يشعر به المواطن ويهدأ ويستقر ومصر تدخل في مراحل أفضل من اللي هي فيه دلوقتي'.
