موقف شجاع من وزير الداخلية منصور عيسوي برفض قرار رئيس الوزراء بالفصل ا لتعسفي للضباط المتهمين بقتل الثوار لانه لا يستند علي اي شيء قانوني، هو رئيس الوزراء عايزها دولة فوضي خلاقة ام دولة قانون؟! الذين طالبوا بوقف الملاحة في قناة السويس من الثوار يجب محاكمتهم بتهمة الاضرار بمصلحة مصر العليا والامن القومي والتحريض علي التدخل الاجنبي في شئون مصر. وقع الاخوان وحزبهم مع ساويرس وحزبه وقنوات السلفيين تهاجم ON TV وشباب الثورة ضربوا في بعض، كل ده صراع علي المصالح والتورتة اللي مالهاش صاحب!!. 45 مليون دولار انفقتهم امريكا علي دعم الديمقراطية في مصر بعد الثورة وهناك 65 مليون دولار في الطريق، وقنوات فضائية تنفق الملايين وصحف يومية جديدة ، واللي مالوش كبير يشتري له كبير والمزاد ولع والعملاء بقوا ابطال وبتوع كل العصور امتطوا الخيول واحنا بندور علي الحد الأدني للأجور فعلا »أرزاق« يا عملاء !!. الاخوة الاعلاميين اللي بيقطعوا في فروة الشرطة بيرضوا مين؟ ولمصلحة مين؟ وهما عايزين ايه؟ »روحوا منكم لله« !!. اسامة الشيخ يحاكم علي المشاركة في مسلسلات بميزانيات كبيرة وتركوا المخالفة الأكبر وهي شراء حق عرض هذه الأعمال بأزيد من سعر انتاجها واضعاف السعر الذي اشترت به القنوات الأخري!!.