د. الشوادفى منصور شرىف المشير عبد الفتاح السيسي وزير الدفاع والإنتاج الحربي والقائد العام للقوات المسلحة المصرية....... أنا ما باحبوش لأنه قضي علي احلامي ان اكون رئيسا للدولة المصرية العظيمة..... وانا قاعد شغال بقالي سنين. اعمل عجين الفلاحة للشعب المصري اللي ما بيطمرش فيه ......اوزع زيت وسكر ولحمة وحلاوة مولد النبي والفطرة في عيد الفطر واللحمة في عيد الاضحي وفي الشتاء اوزع البطاطين والذي منه...... وعملت حزب قد الدنيا يتسم بالقوة وله من اسمه نصيب..... ولبست كل الاقنعة من اقصي اليمين لأقصي اليمين وعاديت الاخوان.... اهلي وعشيرتي وتحالفت مع السلف وتحالفت مع القرضاوي في قطر واردوغان في تركيا حبيبي والتمويل والحمدلله ميه ميه...... وبعدين ييجي السيسي يضحك علي اللي مابيطمرش فيهم بكلمتين يضيع كل انجازات وكفاح 40 سنة واحلامي ان..... اقعد مكان حبيبي مرسي t وnoD صxiM اللي خذلنا وضيع كفاح اخواني اللي مشرفين في العقرب ويرجعنا 80 سنة خلف القضبان.... بعد ما ركبنا البلد ودلدلنا رجلينا...... قولت اغير جلدي وابقي ناصري! ولم لا...... الناس لسه بترفع صوره في كل مكان وعملت تيار شعبي لميت فيها كل الحبايب والمنتفعين وبقالي مريديين ومحبين من الشباب الناصري والثوري وتحالفت مع جبهة البوب وانصاره، رغم انني راجل فقير علي قدي لكني وسيم ومناضل وعندي تاريخ نضالي مشهود له وقفت للسادات وانصاره ومبارك وفلوله علي مدي اربعين سنة وبلاط وارصفة ميدان التحرير في 25 يناير بتناديني من وقت للتاني..... وعندي اتصالات كويسة بكل الاحزاب الكرتونية والقوي السياسية والحركات الثورية بتوع الجمهوري والديمقراطي وسراييفوا..... خلاص كانت الامور استوت علي الاخر والناس بتناديني يا ريس..... يقوم ييجي اخواني واصدقائي الناصريين من الفنانين والسياسيين والاعلاميين...... يبيعوني ويقولوا..... السيسي ده جمال عبد الناصر القرن الواحد والعشرين.... قولولي اعمل ايه في الناس اللي مابيطمرش فيهم دول...... عموما جا تلي فكرة....... ألبس قناع المجلس العسكري السابق واقدم نفسي للشعب ده...... اني واحد منهم، تاريخي العسكري مشرف ودعمت الثوار في 25 يناير وخلصنا علي مبارك اللي كان موقف حالنا ما خدش غلوة.... ودعمت الاخوان ولم لا.... ودول الفصيل المنظم وركب ثورة الشباب وتحالفوا مع الامريكان حبايبنا وفي سنة ونصف هيأت لهم المناخ للوصول للحكم وكله بلجنة عليا للانتخابات لا تعقيب عليها وكله بالصندوق ..... لكنهم خابوا وخذلونا وخانوا العيش والملح في اول محطة وكرشونا...... ولكن الشعب ما سكتش عليهم وطلع في 30 يونيو 2013 وخلص عليهم..... واخواني وحبايبي في الجيش وعلي رأسهم الفريق اول السيسي استجابوا لنداء الشعب بإسقاط حكم المرشد..... وتولي امر مصر احبابي...... والمناخ اصبح مهيأ تماما لي لتحقيق حلمي في الرئاسة خاصة ان الامريكان احبابي ورصيدي في الشارع ممتاز حتي الاخوان انفسهم مش هاينسوا افضالي عليهم وها يدعموني لأكون رئيسا لمصر ويتحقق الحلم اللي قضي عليه مبارك واعوانه...... يطلع الشعب اللي ما طمرش فيه اللي عملناه معاه في ثورة يناير وغيره وغيره..... ويقول السيسي رئيسي. عرفتوا ليه انا بكره المشير عبد الفتاح السيسي..... ده إن شاء الله هيطلع عينيكوا وهيصحيكوا من الفجر وتشتغلوا كل يوم علي الاقل 10 ساعات، بعد ما كنتوا بتشتغلوا 27 دقيقة ايام مبارك، وتناموا للظهر ايام المجلس العسكري ومرسي...... وسهرانين طول الليل قدام التليفزيون تتفرجوا علي مصطبة العكش مفجر الثورة وعلي القهاوي والميادين وشغالين اعتصامات ومليونيات واصبحتوا محلليين سياسيين....... دا نتوا ها تشوفوا ايام اسود من الخروب مع السيسي بتاعكوا ده....... وانو فاكريين الامريكان والغرب هايسيبو السيسي بتاعكوا ده... بعد ما هدم مخططاتهم في المنطقة من ايام كونداليزا رايس وهدم نظريتهم....... الفوضي الخلاقة وتمكين الاخوان واعوانهم يحكموكوا 500 سنة... ويرجع تاني ايام القومية العربية....... ويبني مفاعلات نووية ويقضي علي البطالة والعشوائيات ويبني جيش قوي وترجع مصر زي زمان زعيمة لدول عدم الانحياز....... ابقوا قابلوني يا اللي ما طمرش فيكوا ضيعت عمري في خدمتكوا وانجازاتي ونضالي وكفاحي وزيتي وعدسي وفولي وشاييي وسكري الخ الخ 40 سنة وفي الآخر تقولوا السيسي رئيسي....... عرفتوا ليه انا بكره السيسي...... نعم بكرهه بكرهه...... ألا قد بلغت اللهم فاشهد... وسجل يا تاريخ.