لحظة سعادة عاشتها المذيعة بعد حصولها علي الرقم الجديد للنجم الشهير كي تطلبه وتجري معه حوارا لبرنامجها المعروف.. امسكت المذيعة بتليفونها المحمول وكان من حسن حظها أن النجم رد عليها مباشرة. آلو صباح الخير.. أهلا يا افندم صباح النور انا فلانة من الاذاعة وسعيدة جدا بسماع صوت حضرتك.. انا اللي اسعد يا افندم تحت امرك.. والله عندي سهرة اذاعية وكنت أريد ان اتشرف باستضافتك فيها وتكون نجمها.. ونتكلم فيها عن جديد ابداعاتك الأخيرة.. الناس كلها بتحبك.. شكرا مرة ثانية وأنا بحب الاذاعة وكان لي مسلسلات فيها معروفة.. يا افندم مش عايز اقولك اد إيه انا سعيدة.. قول لي ممكن نسجل امتي؟.. أي وقت تختاريه.. بس فيه سؤال. أمرك يا أفندم.. ح تدفعوا لي كام. دي تسجيلات لاذاعتنا.. آه.. سلمي عليها معلهش انا بصور أو اسجل بفلوس، فيه فلوس أهلا وسهلا.. وهنا أسدل الستار علي الحوار.