عيد ميلاد مجيد وكل عام وأنتم والاسرة الكريمة بخير رسالة معايدة بعثتها لكل صديقاتي وزملائي وجيراني المسيحيين وكلفتني 001 جنيه، وبادفع زيهم في عيد الاضحي وعيد الفطر ومولد النبي ورأس السنة الهجرية وشم النسيم مش انا لوحدي ال بعمل كده كل المصريين بيعملو كده حتي وصل الأمر لرسائل المعايدة في السنة تتخطي 4 مليارات جنيه، رغم اننا لو كل واحد خطف رجله ولف وسلم علي كل اللي عاوز يعيد عليهم مش هيكلفه الموضوع أكثر من اسبوعين لف أو ثلاثة! لكن الحكاية مش كده الحكاية ان احنا كسلانين والفلوس في البلد كتير حتي انني عندما سألت احد خبراء الاقتصاد تحل الحكاية دي ازاي الفلوس إللي ضايعه في الهواء بالشكل ده فرد عليّ بسؤال هي 001 جنيه دي فيها كام دولار ومن ساعتها شعرت بالاهانة وقررت الانتحار.