أمانى ضرغام عندما أعلن عن الرغيف الجديد أبو عشرة قروش، تذكرت مقولة (عض قلبي ولا تعض رغيفي) لأن ببساطة رغيف العيش هو أهم وجبة غذائية لملايين الأسر المصرية، المهم عندما لم أجد اعتراضا من أحد أو حتي شكوي قلت أكيد الناس دي عاملة ريجيم وبياكلوا في اليوم ربع رغيف زي حالاتي، ثم طقت في دماغي وقلت طيب العيش الجديد ده أكيد زي العيش أبو شلن أول ما طلع كان مليان رده وزي الفل ما أجرب وعنها لف ابني مدينة نصر ومصر الجديدة ووسط القاهره أنه يلاقي مفيش، كبر الموضوع في دماغي أكتر بعت حد يدور في الكيلو 4 ونص وفي شبرا وشبرا الخيمة والوراق وطلبت من أحد أقاربي أن يبحث عنه في الدقي ثم الجيزة والهرم والعمرانية وبرضه ولا حس ولا خبر! ومازال البحث جاريا في المحافظات وأستحلفكم بالله من يجده يتصور جنبه صورة ويبعتها لي ع الفيس بوك!
