نقلا عن نوارة نجم هو كيري جه ليه بقى .. ؟ اهي زيارة كيري دي عاملة زي الفيديو بتاع المغير.. مالوش لازمة بس تهزيئة وخلاص هو كيري قريب المغير من ناحية الخال ؟ اصله جه ناس رفضت تقابله، وجميله اسماعيل قابلته وهزأته، وزيارته ماكانش لها ضرورة غير انه هزأ نفسه فوائد الزيارة بخلاف ان حمدين والبرادعي قالوا له ما بنقابلش اشكال وجميلة قالت له خد حسابك وما تورينيش وشك .. انه ثبت ان الاخوان مدعومين بامريكا كيري جه وهل هلاله ومرسي هيص له وقال له جانا كيري جانا.. سقفوا وقولوا معانا، يا مشبعنا يا مهنينا يا منورنا ومغذينا، البركة في كييييري