تعليقا على مقطع الفيديو المتداول للشيخ أبوإسلام، الذي يتحدث فيه بطريقة غير لائقة عن السيد المسيح ويردد مرارا وتكرارا لفظ "الواد ربنا يسوع"، نعتت الناشطة السياسية نوارة نجم الشيخ بأنه "كافر". وتساءلت نجم، عبر حسابها على موقع التواصل الاجتماعي "تويتر": "هو أبوإسلام بيشتم سيدنا عيسى وستنا مريم وربنا ليه؟ هو مش مفروض إنه شيخ؟ فيه شيخ يقول (الواد ربنا ببرابيره)؟ أنا عمري ما سمعتها من ملحد". وواصلت: "طب بقى الراجل أبوإسلام ده كافر. وأنا مش باكفَّره بأمر خلافي، ده بيشتم نبي وسيدة نساء العالمين وربنا.. يبقى إيه؟". وأضافت: "هم السلفيين المساكين دول يشتموا سيدنا عيسى عشان بيكرهوا المسيحيين، ويشتموا سيدنا علي عشان بيكرهوا الشيعة؟ طب ما إنتوا كده تبقوا كفار"، متابعة أن الأمور التي يُطلق عليها "تكفيرية" هي ما تخرج الناس من الملة بأمور خلافية، لكن "اللي بيشتم ربنا يبقى مؤمن ليه طيب؟ هو بالعافية؟". واستنكرت نوارة عدم إدانة الإخوان أو السلفيين للشيخ أبوإسلام: "أنا عمري ما سمعت سلفي ولا شوفته ولا قريته بيدين كلام أبوإسلام ولا أفعاله"، مؤكدة أن "السكوت علامة الرضا"، ومضيفة أن هذه "ليست أول مرة سيدنا عيسى يتشتم. على (بالتوك) على طول اللي عاملين بيشتغلوا في الدعوة بيشتموا سيدنا عيسى، بس الواحد كان بيقول مهاطيل. لكن ده أبوإسلام، ده المفروض إنه شيخ، وطالع على قناة المفروض إنها دينية. اللي هو بيقوله ده كفر بصرف النظر عن هدفه. ثم ايه هدفه يعني؟". واختتمت الناشطة السياسية تغريداتها مشددة على أن "الكلام اللي قاله على سيدنا عيسى وستنا مريم لو اتقال له نفس الكلام على أبوه وأمه، اللي عملوا جريمة في الكون وخلِّفوه، مش حيقبله".