مفيد فوزى : سؤال هل تعرفون مصر جيدا ؟ لا اظن هسأل السؤال لنفسى هل تعرف مصر جيدا؟ الاجابة لا اظن هحكى لكم حدوته صغيرة جدا من التاريخ يعنى فى يوم من الايام طلع المشير عبد الحكيم عامر بطيارة هليكوبتر – فى الصحراء الشرقية وكان بيرصد كل المواقع جه فى باله ان فى قرية فى حضن الجبل قرية صغيرة هبط بالطائرة الهليكوبتر ودخل وشاف وعرف القرية دى بلغة اهل سيوة – انها (جرانه)هى قرية اسمها ام الصغير ولها تفسير ولها تاريخ هاله جدا مشاعر الفقر اللى شافها قرر من هذه الحظة ان القوات المسلحة فى ذلك الحين تبعث معونة لاهل هذه القرية ثم اصبح ده تقليد كل محافظ يبعث لهذه القرية معونة دقيق جاز سكر شاى القرية الان تتعدى تقريبا 500 والناس فيها ( بتزرب )بتخلف بتخلف بطريقة غير عادية 10 -12-14 ويقولك ارادة الله ويلغوا ارادة العقل ما هو الولاء الكامل والاحساس العميق بأن ارادة الله فوق اراتهم .. هذه القرية معزولة لا فيها تليفون ثابت ولا تليفون محمول ولا شبكة محمول والكهربة الساعة 6 وقبل 6 مفيش كهربة تبتدى من 6 تخلص 12 واللى عنده تليفزيون بتفرج عليه لكن الناس فيها فى حالة امن وكل انسان عنده درجة من الوداعة الشديدة ولا فيش هنا تلوث صوتى ولا تلوث بيئى ولا اى شئ قرية تشرق الشمس فالناس تروح الارض وبالليل يناموا الساعة 10 الساعة 11 ولا يرو ى فى الشوارع سوى بعض النساء متلفحات بلبس ومجموعة من المعيز بتجرى فى البلد زى ما حضراتكوا شايفين مفيهاش ابدا اى مظاهر تعتبر مظاهر غريبة مفيش غير التسلية يقعدوا مع بعض والمجالس واحيانا يفكر بعض الناس يعمل فرح فمفيش وسيلة علشان خاطر يبلغ لازم حد يروح مطروح اذا كان حادث مهم يبلغوا نقطة الحدود المهم ان هذه القرية المعزولة بتبعد عن القاهرة 770 كيلوهى ابعد قرية مصرية لم يزورها احد ولا يعرفها احد كل اللى يعرفوها الساده المحافظين زارها الفريق الشحات لما كان محافظ قبل كده الراحل كمال منصور لما كان محافظ كان الفريق الشحات من حين لاخر يطل عليها يشوف يبص بيعملوا ايه خصوصا فى هذه القرية المعزولة تكاد تكون فى حالة انعدام وزن .. الحياة فى قرية معزولة ومعكم مفيد فوزى . فاصل مفيد فوزى : اية اللى بيتقال عن البلد هنا ياعم مهدى؟ عم مهدى : والله مفيد فوزى : بيقولوا ايه؟ عم مهدى : بيقولوا واحد يتولد واحد يموت مفيد فوزى : مش فاهم يعنى ايه مش فاهم يعنى ايه لما واحد يجى يتولد؟ عم مهدى : اذا واحد اتولد يطلع فى البلد او يموت مفيد فوزى : اذا واحد يتولد يطلع فى البلد او يموت؟ عم مهدى : دى العادة مفيد فوزى : دى العادة جت منين يا عم مهدى انت عندك كام سنة؟ عم مهدى : 71 سنه مفيد فوزى : طب انت عندك فكرة بالبلد كلها اهو؟ عم مهدى : من مواليد 37 مفيد فوزى : لكن انت جيت سمعتها؟ عم مهدى : اه سمعتها اه مفيد فوزى : لكن مش صحيح؟ عم مهدى : لأ مفيد فوزى : انتوا عددكوا هنا اد ايه فى البلد عم مهدى : احنا عددنا 477 مفيد فوزى : زايدين اد ايه؟ عم مهدى : والدى توفى سنه 66 كان عنده 145 سنة مفيد فوزى : يعنى القرية دى عدد الناس فيها 400 عم مهدى : و77 مفيد فوزى : ما بيزيدوش؟ عم مهدى : لأ بيزيدوا الحمد لله مفيد فوزى : بيزيدوا؟ عم مهدى : اه الحمد لله مفيد فوزى : لكن الراجل يجيب كام ولد عنده كام ولد تقريبا؟ عم مهدى : مش واحد ده لغاية 10 مفيد فوزى : يعنى ايه 10 عشرة اية؟ عم مهدى : عشرة اولاد مفيد فوزى : هنا بيخلف 10 اولاد؟ عم مهدى : اه مفيد فوزى : 10 فى حد هنا من الرجالة؟ عم مهدى : واحد عندة 2 ستات 17 فرد مفيد فوزى : موجود؟ عم مهدى : اه موجود مفيد فوزى : هو انت مأرى والا فأرى فجرى : فجرى فجرى بالجيم مفيد فوزى : بالجيم اه بانطقها فأرى هو انت فأرى فجرى : لأ فجرى مفيد فوزى : متجوز كام واحدة؟ فجرى : متجوز واحدة وبعدين اتجوزت واحدة ثانية مفيد فوزى : وعندك اد ايه عيال؟ فجرى : عندى 14 عيل مفيد فوزى : كام ؟ فجرى : 14 مفيد فوزى : انتوا تكاليين قوى يا فجرى؟ فجرى : اه مفيد فوزى : انت بتشتغل اية الصبح يعنى انت بتصحى الصبح تعمل ايه ؟ فجرى : باشتغل فى مدرسة مفيد فوزى : بنشتغل ايه فى المدرسة؟ فجرى : فراش مفيد فوزى : فى مدرسة هنا فى البلد؟ فجرى : اه مفيد فوزى : فيها كام ولد؟ فجرى : فيها عدد 200 – 150 مفيد فوزى : فيها مدرسين؟ فجرى : اه مفيد فوزى : وبيخدوا علام كويس؟ فجرى : اه مفيد فوزى : انت مبسوط من كدة؟ فجرى : اه اه مش متعين انا بالعقد شغال بالعقد مفيد فوزى : بكام فى الشهر؟ فجرى : ب 200 مفيد فوزى : امال بتصرف ازاى على 14 فهمنى طب فهمنى يعنى الناس اللى بتشوفنا تقول لك ايه يارب طب يسأله قولى قولى ازاى فجرى : فى بلح مفيد فوزى : اه بلح فجرى : فى فدان زيتون وبلح نص بلح ونص زيتون مفيد فوزى : يعنى انت عندك فدان نصة بلح ونصة زيتون؟ فجرى : اه وربنا الحمد لله مفيد فوزى : بتبيعه فجرى : اه مفيد فوزى : لمين ؟ فجرى : هنا عندنا فى السوق مفيد فوزى: بتديه للتجار ؟ فجرى : والبلح لمصنع سيوة مفيد فوزى : انت بتديه للناس؟ فجرى : اه مفيد فوزى : للتجار؟ فجرى : اه والبلح مصنع سيوة مفيد فوزى : بردوا بتديه للناس؟ فجرى : اه مفيد فوزى : انت شخصيا بتاكل زيتون وبلح فجرى : انا ؟ مفيد فوزى : اه فجرى : فى زيتون وبلح لكن انا باكل مفيد فوزى : ما تأكلش زيتون وبلح؟ فجرى : لأ نأكلها لكن حاجه كده مفيد فوزى : مش كثير يعنى ؟ فجرى : اه مفيد فوزى : امال بتفطروا ايه الصبح انت بتفطر ايه الصبح؟ فجرى : جبنة ومربى وزيتون وحاجات كده مفيد فوزى : وبتغدوا ايه لحمة؟ فجرى : اه نتغدى لحمة مفيد فوزى : بتتعشى ايه؟ فجرى : حاجة خفيفة يعنى مفيد فوزى : حاجة خفيفة؟ فجرى : اه مفيد فوزى : زى ايه؟ فجرى : زى بطاطس محمر وحاجات كدة خفيفة مفيد فوزى : بيتك فيه كام اوضة ؟ فجرى : فى 4 مفيد فوزى : قولى الستات يعنى يناموا ازاى ؟ فجرى : كل واحد له الاوضة بتاعته مفيد فوزى : كل واحدة اوضتها ؟ فجرى : اه مفيد فوزى : والثانية فى اوضتها ؟ فجرى : اه مفيد فوزى : الاولانية كام ولد؟ فجرى : الاولانية 12 ولد مفيد فوزى : 12 ؟ فجرى : اه والثانية عندها 2 بس مفيد فوزى : اه ! دستة يا مفترى دسته؟ فجرى : ده قدر ربنا فاصل مفيد فوزى : البلد دى اتعرفت ازاى ؟ مواطن: البلد دى الناس عايشين تواريخ زى سيوة دى جزء من سيوة هى كانت اصلا مفيش طريق من سيوة كانت اول محطة ام الصغير مفيد فوزى : دى اسمها ام الصغير؟ الاسم ده ليه؟ مواطن: الاسم ده من اول بداية نشأت البلد هنا لما جت اول اسرة جت جابت اول عيل صغير نطق على امه اول لها سموها على اسم ام الصغير يعنى حنان القرية المكان المتاح للمية وعادوا هنا سموا ذلك الاسم ام الصغير مفيد فوزى : هى كلمة قرية زى كلمة – جارا – بالسيوى مواطن: زى كلمة جارا بيسموة جار كلمة قرية وكلمة جارا هو بيقول قرية ام الصغير جرية ام الصغير احنا بنقول الوادى الضيق ام الصغير ايوا هى جارا تسمى على جارا الجبل ده عشان كدة بيسموه جار مفيد فوزى : انتوا الشتا هنا برد قوى ؟ مواطن: يعنى مفيد فوزى : يعنى ايه يعنى ؟ مواطن: ان كان هنا فى شتا فى مطر يبقى برد قوى ان كان الجو معتدل مفيد فوزى : عندكوا الجواز بيتم من كام سنة للبنت ؟ مواطن: من 18 سنة مفيد فوزى : من 18؟ مواطن: النهاردة القانون كان فى الاول 16 دلوقتى 18 سنة مفيد فوزى : انت بتعرف المعلومات دى منين؟ مواطن: امال يعنى مفيد فوزى : بتسمع فى الاذاعة؟ مواطن: بنسمع فى الاذاعة مفيد فوزى: هو انت بتشتغل حاجة فى الدولة يعنى انت شيخ بلد مجلس محلى ؟ مواطن: انا دلوقتى وكيل شيخ مفيد فوزى : يعنى ايه وكيل شيخ ؟ مواطن: يعنى بالنيابة عن الشيخ كله عشرة كل شيخ يبقى عنده عشرة معاه مفيد فوزى: ازاى فهمنى يعنى مهدى شيخ البلد؟ مواطن: ايوا اه مفيد فوزى: مهدى شيخ البلد؟ مواطن: اه مفيد فوزى : وانت ؟ مواطن: انا طبعا بعده على طول مفيد فوزى: انت تبع وزارة الداخلية؟ مواطن: لأ مش حكومى لأ مفيد فوزى: انت مش حكومى ؟ مواطن: لأ مش حكومى لأ انت موظف فى المجلس دلوقتى معاش مفيد فوزى: وانتوا كام واحد ماسكين البلد؟ العشرة دول ؟ مواطن: العشرة دول كبار بنسميهم يعنى ال 10 اللى هما بيحلوا كل مشكلة بيجيبوا العشرة دول يحلوا مشكلتنا ومشاكلنا ما تتطلعش بره والحمد لله كلنا كبار وعايشين فى مكان واحد وان كان فى مصلحة للكل العشرة دول هما اللى ماسكين البلد مفيد فوزى: الستات هنا ما بتطلعش ابدا؟ مواطن: ما بتطلعش الستات عندنا ابدا مفيد فوزى: حريم لأ ؟ مواطن: خالص مفيد فوزى : ما يبنش على حد مواطن: لألأ للبيت والواجبات اللى قاعدين بقى تطلع تروح لجيرانها تروح لاقاربها مفيد فوزى: فى تجمعات؟ مواطن: لأ مفيد فوزى: انتوا ما عندكمش تلوث صوتى وحاجات زى ما بيحصل فى الدنيا كلها يبقى الاصوات فظيعة ملء الاذان مواطن: مفيش مفيد فوزى: مفيش؟ مواطن: لألأ مفيد فوزى : وبتستنشقوا هواء كويس؟ مواطن: الحمد لله مفيد فوزى: امال بتناموا الساعة كام بالليل؟ مواطن: والله كان من الاول دلوقتى فى دش فى سهرات مفيد فوزى: انا مش شايف طبق فوق اى مواطن: لأ فى فى مفيد فوزى: فين ده؟ مواطن: فوق مركز الشباب مفيد فوزى: انا باتكلم على بيت – يعنى بتنام نوم عميق ؟ انا عايز اعرف نوعية الناس اللى بعاد عن الزيطة والزمبليطة فى الصالون .. بتنام نوم عميق مواطن: بالنسبة للى بالنسبة لي انه سنى انا ما ننمش نوم عميق مفيد فوزى : ما تنامش ؟ مواطن: لأ ما ننماش نوم عميق زى الشباب بالنسبة للى زى حالتى ده فى السن ده ما ننمش كثير لان لازم نصحى على طول مفيد فوزى: تعني غفوة وتصحى مواطن: اه تصحى على طول اه مفيد فوزى: املك فى ايه فى الدنيا؟ مواطن: والله بالنسبة لي انا اتمنى السعادة للوطن كله مفيد فوزى: لأ انا عايز انت مواطن: بالنسبة لي انا انا عايز اتوفى على كلمة لا اله الا الله وان محمد رسول الله .. لان البني آدم ما دام عدى 60 سنة و70 سنة يبقى الانسان ايه خلاص ايه يطلب من ربنا سبحانه وتعالى انه يدى له الشهادة عند الموت مفيد فوزى: ده الامل ؟ مواطن: الحمد لله مفيد فوزى: سلاموا عليكوا .. بتعمل ايه ؟ مواطن: مش باعمل حاجة عيان مفيد فوزى: عيان بايه ؟ مواطن: شلل .. دلوقتى الحمد لله مفيد فوزى: دة بتعمل بيه ايه ؟ مواطن: بنسمع القرآن الأخبار مفيد فوزى: بتسمع الراديو؟ مواطن: اه قرآن والنشرة مفيد فوزى: بتسمع قرآن والنشرة ؟ مواطن: اه مفيد فوزى: عندك اولاد؟ مواطن: عشرة مفيد فوزى: عندك عشرة ؟ مواطن: اه هما دول اثنين اهما مفيد فوزى : انت عندك عشر ولاد مواطن: اه مفيد فوزى: اكبرهم اد ايه ؟ كام سنة ؟ مواطن: 35 سنة مفيد فوزى: 35 سنة تعرف اسمائهم ؟ مواطن: ايوا مفيد فوزى: قول كدة مواطن: ابو بكر وعبد الله وهاجر مفيد فوزى: غيره مواطن: ونورهان بس مفيد فوزى: الله ونسيت الباقين ؟ مواطن: اه مفيد فوزى: لسة بتخلف؟ مواطن: لأ مفيد فوزى: قفلت ؟ مواطن: قفلت اه مفيد فوزى: قولى يا عبد المنعم ليه الستات بيلبسوا كلهم لبس واحد لون رمادى؟ عبد النبى : دى التقاليد بتاعتنا مفيد فوزى: يعنى المفروض اللبس ده يغطى الجسم كله؟ عبد النبى : اه مفيش حاجة تبان خالص من الحريم عندنا مفيش الا الوش بس وبعد ما تطلع من البيت لازم يكون فى ملاية مفيد فوزى: رمادى ؟ عبد النبى : ايوا مفيد فوزى : وفى النص حاجة حمرا؟ عبد النبى : لأ الكلام ده مش هنا عادى بيلبسوا جلابية والقميص من تحت والجلابية من فوق والطرحة طبعا بس ده فى البيت تيجى تطلع فى حاجة اسمها الملاية مفيد فوزى: تلبسها على جسمها ؟ عبد النبى : على جسمها كله مفيد فوزى: هو انت يا عبد المنعم متزوج طبعا مش كدة ؟ عبد النبى : اه مفيد فوزى: وعندك عيال؟ عبد النبى : اه عندى مفيد فوزى: امال انت لما شفت مراتك اول مرة شفتها ازاى ؟ عبد النبى : فى القرية دى الصراحة انا لما كبرت شوية حطيت عينى عليها وهى صغيرة مفيد فوزى: شفتها ازاى يا عبد المنعم ؟ عبد النبى : قريبتى مفيد فوزى: ايوا شفتها ازاى ؟ ماهى متغطية؟ عبد النبى : لأ النبت ما بتخطيش يعنى تحط طرحة كدة مفيد فوزى: وهى صغيرة؟ عبد النبى : اه مفيد فوزى: هو انت شفتها ياعبد النبى حطيت عينك عليها وهى طفلة ؟ عبد النبى : وهى صغيرة مفيد فوزى: عندها كام سنة؟ عبد النبى : 14 سنه مفيد فوزى: البس اهو يا عبد النبى اهم عاملين زى ابطال حسين كمال – محدش يشوفهم ابدا هو عيب لو الواحد بص على ست هنا عيب؟ عبد النبى : بالنسبة عندنا هنا اه مفيد فوزى : هو انت لما كنت بتغازلها فاهم يعنى ايه بتغازلها يعنى بتقول لها كلمة حلوه بتقول ايه ؟ عبد النبى : لمراتى مثلا مفيد فوزى : اه طبعا عبد النبى : تقول لها بحبك وهى كمان تقولى بحبك مفيد فوزى : هنا مش عيب ؟ عبد النبى : لأ بالنسبة للراجل ومراته بس يعنى مش ادام ابوها ادام اخوها مفيد فوزى : متقولش ادام ابوها ولا ادام اخوها ؟ عبد النبى : لأ الكلام ده بيكون انت وهى مع بعض والباب مقفول علينا مفيد فوزى : ومحدش يسمع كلمة احبك دى؟ عبد النبى : غير الاثنين بس مفيد فوزى : فقط؟ بتعلموا ايه وانت معندش تليفون ولا تليفون ثابت ولا محمول لما يبقى فى خبر والا مصيبة والا حاجة حصلت بتبلغوا ازاى عبد النبى : احنا اللى عايزينه شبكة محمول بس علشان نكلم الناس مفيد فوزى : مش يمكن انت من غير المحمول ده انت مستريح يا عبد البنى ؟ عبد النبى : بردوا المحمول احنا لينا اقارب .. وناس ممكن واحد يموت لازم واحد ينزل ويجى يبلغ مفيد فوزى: يقول ان فلان مات ؟ مفيد فوزى: اه يكون الواحد مثلا مات وشبع موت مفيد فوزى: ولا يعرفوا عبد النبى : ولا نعرفوا مفيد فوزى: انتوا معزولين يا عبد النبى عبد النبى : معزولين اه لكن عايشين العيشة دى عجبنا يعنى بصراحة احسن عيشة بالنسبة لنا الكل بيقول احسن عيشة الجو هادى مفيش مشاكل مفيش مفيد فوزى: معندكمش اعتصامات يا عبد النبى ؟ عبد النبى : لأ مفيد فوزى: ولا مظاهرات ؟ عبد النبى : ولا مظاهرات فاصل مفيد فوزى: نفسك يبقى عندك محمول ؟ مواطن: والله نفسى يبقى عندنا محمول ونتكلم ونادى بيها المصالح بس يا خسارة مفيد فوزى: مفيش شبكة ؟ مواطن: مفيش شبكة مفيد فوزى: مفيش شبكة ولا خط ارضى ولا حاجة خالص مفيش حاجة للاتصالات خالص الله يعنى انت لما تحب تبلغ اقاربك فين ؟ مواطن: احنا الاقارب عندنا فى البلد مفيد فوزى: بس وملكش حد مواطن: لنا لنا فى سيوة لينا اقارب فى مطروح مفيد فوزى : لما تحب تبلغ انت متجوز ؟ مواطن: متجوز مفيد فوزى: لما بلغت انك انت متزوج بلغت ازاى ؟ مواطن: قبل الزواج بثلاث اربع ايام كدة مفيد فوزى: بتبعث حد؟ مواطن: لو مصر مثلا بيطلع مطروح او سيوة بيبلغ مفيد فوزى: يطلع يقول ؟ مواطن: اه لان مطروح فيها اتصالات مفيد فوزى: انما انت نفسك فى المحمول؟ يا ارضى يا محمول؟ مواطن: اى حاجة الواحد يتكلم فيها وخلاص مفيد فوزى: انما انت نفسك فى المحمول؟ مواطن: اى حاجة مفيد فوزى: عايز تتكلم انت ؟ مواطن: اى حاجة يؤدى مصالح مفيد فوزى: اه طبعا ما انا عارف هتتكلم غزل يعنى! مواطن: التليفون عشان اؤدى مصالحى مفيد فوزى: اه ما انا عارف مواطن: الواحد يؤدى مصالحه عنده مشكلة عنده واحد مثلا متوفى عنده فرح هناك يعنى حاجة زى كده انا كمان مش عارف اتصل مفيد فوزى: انتوا بتقوموا بالليل مفيش ولا اصوات ولا عزلتكوا دى انت مبسوط بيها؟ مواطن: بالنسبة للعزلة دى انا مبسوط بلدى باشتغل فيها والحمد لله باسترزق فى بلدى مبسوط والحمد لله بس يعنى الظروف اللى احنا فيها المواصلات والاتصالات هى بس المشكلة مفيد فوزى: بس؟ مواطن: بس الحمد لله الحاجة متوفرة هنا مية حلوة بس الاتصالات والمواصلات هى مفيد فوزى: اول مرة جيت اول مرة مواطن: بس ما اخذتش بالى مفيد فوزى: جيت 770 كيلو عشان يجى هنا ؟ مواطن : ماحضرتك عملتها مفيد فوزى: بس حبينا نعرف يعنى ايه قرية معزولة؟ عندك كام ولد ؟ مواطن: عندى 4 بنتين وولدين مفيد فوزى: وقفلت ؟ مواطن: التقفيل ده من عند ربنا بقى مفيد فوزى: لكن انت ما قفلتش عندك رغبة يبقى عندك اد ايه ؟ مواطن: والله مفيد فوزى: لكن انت العزوة بتعتك تبقى كام ولد؟ مواطن: يعنى مفيد فوزى: ما يقلش عن كام ؟ مواطن: كل اللى يجيبه ربنا كويس واحد ثانى اثنين بس مفيد فوزى: بس مفيد فوزى: ازيك انت شايل ايه ؟ مواطن: ده برسيم مفيد فوزى: هو الحمار بينهأ ليه؟ عشان شاف البرسيم ؟الله ده كله بينهأ مواطن: لما شافوا البرسيم مفيد فوزى: ولا هعرف اسمعك؟ مواطن: عايزين يأكلوا مفيد فوزى: هو دى طريقة المواصلات الوحيدة فى البلد مواطن: اه مفيد فوزى: اسمها ايه دى ؟ مواطن : كروزه مفيد فوزى: كروزه؟ مواطن: اه مفيد فوزى : تسمع عن التوك توك؟ مواطن: اه مفيد فوزى: فى توك توك هنا؟ مواطن: لأ مفيش مفيد فوزى: انت تعرف ايه التوك توك؟ مواطن: ابوا ثلاث عجلات ده مفيد فوزى: ست عجلات ثلاثة مواطن: اه مفيد فوزى: زى المتوسيكل مواطن: ايوا مفيد فوزى: عندك كام ولد؟ مواطن: عندى 4 مفيد فوزى: عمرك كام سنة ؟ مواطن: 35 مفيد فوزى: بتشتغل فى ايه ؟ مواطن: فى الزراعة مفيد فوزى: بتحش البرسيم ؟ مواطن: واعلف مفيد فوزى: وتعلف وتديه لمين ؟ مواطن: لمين اهل البلد مفيد فوزى: اه كل واحد عنده حمار مواطن: اللى عنده حمار اللى عنده معزة اللى عنده بقرة مفيد فوزى: هى المعزة بتاكل برسيم ؟ مواطن: ايوا مفيد فوزى: ما انا ما افهمش ما عنديش فكرة وانا لازم اتعلم منك مش انت تقول لى كل حاجة انت ابو العلام انت اللى معاك البرسيم انا عندى البرسيم؟ معنديش بيقولوا ان فى ناس بتعمل عصير برسيم ده صحيح ؟ اصل مفيش حاجة اسمها عصير برسيم ابدا مواطن: لأ لأ لأ اذا كان علفة هيعملوة عصير ازاى ؟ مفيد فوزى: علفة يعنى علف ؟ مواطن: اه مفيد فوزى: اللى انت لبسه فوق راسك ده بيمنع عنك الشمس ؟ مواطن: انشاء الله مفيد فوزى : يعنى انت لما تلبس اللبس ده ما يخلكش تاخد ضربة شمس ابدا مواطن: والله دى حاجة بتاعت ربنا لأ بس هى حماية من الشمس اه مفيد فوزى: انا معطلك مواطن: لأ مفيد فوزى: انت مودى البرسيم فين مواطن: على الكراسة وعليهم مش اكثر من كدة مفيد فوزى: حمارك مؤدب قوى فاهم يعنى ايه مؤدب؟ مواطن : اه محترم يعنى مفيد فوزى: محترم اه يعنى ما بيزعقش ولا يصرخ ولا بتاع فاصل مفيد فوزى: عايز اقول لحضارتكوا معلومة سمعتها وانا فى الطريق عند النبع عرفت انه ايام حرب الكويت ساعة الغزو الصدامى الرهيب اللى بعتر العالم العربى سمعت ان هل هذه القرية قرية ام الصغير بعثوا معونة للكويت بعتوا لهم المعونة دى بلح وزيتون من قرية مصرية بسيطة ومعزولة عن الدنيا مكنتش عايز ابدا انسى ده .. هذه القرية البسيطة اللى عملت هذه المعونة ربنا حباها بعين طبيعية درجة حرارة المية اللى طلعة دى 45 درجة وعرفت ان اهل البلد بياخذوا المية دى فى جراكن ويسبوها لغاية ما تبرد علشان يقدروا يشربوا منها انا هكلم المهندس هشام لانه مسئول عن هذه المياة الجوفية عايزك تقول لى ما مدى الاستفادة من هذه العين مهندس هشام: العين دى بتستغل هنا فى الزراعة الناس هنا بدات الزراعة بدأت توصل للمساحات الزراعية بتعتها طبعا وجود المية ممكن يكثر الكثافة السكانية هنا فى نفس الوقت المية اللى طالعة بعد التحليل بتعها اللى عملتة شركة المية للمجسات الكيمائية طلعت من السطح صالحة للشرب د رجة حرارتها بتمر بمرحلتين للتبريد فى احواض تبريد بحيث تبقى صالحة للزراعة فعلا بدأت الناس مساحات الزراعة بتعتها تزيد مفيد فوزى: درجة الحرارة دى 45 دى جية منين المية دى من باطن الارض مهندس هشام: اه من عند ربنا مفيد فوزى: يا سلام مهندس هشام: ونعمة بالله مفيد فوزى: يا سلام وتفضل كده متدفقه مهندس هشام: دى سيادتك طبعا لما بيتحفر فى تحت الارض بنقول عليها عروق او انهار مية موجودة تحت الارض ده يعتبر نهر من الانهار الموجودة تحت الارض دى رزق للناس اللى عايشين فى المنطقة دى وسبحان الله مفيد فوزى: اتأمل ثوانى هذه المية المتدفقة رغم ان درجة حرارتها 45 علشان اقول انها قدرة الخالق جل جلاله مفيد فوزى: عندك كام سنة ؟ طفل: 11 مفيد فوزى : 11 ؟ طفل: اه مفيد فوزى: مولود يوم ايه ؟ طفل: مش عارف مفيد فوزى: مش عارف تلميذ فاهم يعنى ايه تلميذ تلميذ فى مدرسة بتروح مدرسة طفل: ايوا مفيد فوزى: مدرسة ايه ؟ طفل: ام الصغير مفيد فوزى: سنة ايه ؟ طفل: رابعة مفيد فوزى : ليك اخوات بنات ؟ طفل: ايوا مفيد فوزى: اسمهم ايه ؟ طفل: حنين مفيد فوزى: والثانية ؟ طفل: ياسمين مفيد فوزى: عيب انك تقول اسماء البنات ؟ طفل: لأ مفيد فوزى: يعنى مش متضايق ؟ طفل: لأ مفيد فوزى: طب ما تقوم تقف تورينى طولك وانت لابس جينز قم تعالى ايوا لابس جينز اهو لبستة امتى طفل: النهاردة مفيد فوزى: الله ليه؟ مش لابس جلابية لية زى العيال زميلك ؟ طفل: علشان انتوا جايين مفيد فوزى: اه علشان التليفزيون جاى اه عايز تبقى مطقم تعرف تغنى طفل: لأ مفيد فوزى : بتسمع مين امال طفل: مفيش مفيد فوزى : محدش بتسمعة ؟ ما بتسمعش راديو تعرف يعنى اية راديو طفل: ايوا مفيد فوزى: ايوا ايه الراديو ده ايه؟ طفل: بيغنى عنده قران مفيد فوزى: ايوا طفل: شيوخ مفيد فوزى: الراديو شيوخ وقرآن ؟ طفل: ايوا مفيد فوزى: تعرف تقول حاجة من القران الكريم طفل: ايوا مفيد فوزى : اتفضل طفل: عندى هقول المطففين بسم الله الرحمن الرحيم "ويل للمطففين اللذين اذا اكتالوا على الناس يستوفون واذا كالوهم او وزنوهم يخسرون الا يظن اولئك انهم مبعثون ليوم عظيم يوم يقوم الناس لرب العالمين كلا ان كتاب الفجار لفى سجين وما ادارك ما سجين كتاب مرقوم ويل يومئذن للمكذبين اللذين يكذبون بيوم الدين وما يكذب به الا كل معتد اثيم اذا تتلى علية اياتنا قال اساطير الاولين مفيد فوزى: صدق الله العظيم طفل: صدق الله العظيم
