عمروالليثي: مساء الخير على مدار اكثر من 150 سنة حكمت اسرة محمد علي مصر حتى انتتهى حكمها بعد قيام ثورة 23 يولية عام 52 لينتهي حكم المنطقة فعليا بخروج الملك فاروق من مصر بعد تنازله عن العرش لابنه الملك احمد فؤاد وتنتهي الملكية تماما من مصر في العام التالي ومنذ رحيل العائلة وهي تعيش في المنفى تاريخ طويل من الانجازات والاخفاقات حدث له تشويه احيانا وتلميع احيان اخرى الا ان ما تبقى على ارض الواقع هم افراد العائلة الذين عاشوا خارج مصرولم يستقروا فيها الا بعد وفاتهم وعودتهم لمصيرهم الاخيروما تبقى منهم لازال في الشداد مصير العائلة المالكة رغم ما نشر وما قيل لا زال في اسرار وغموض يستحق الاختراق والبحث فماذا حدث لاخر ملكين لمصر في المنفى وما هي قصة عضو قيادة الثورة مع الملكة فريدة ولماذا لم ينصفها الرئيس جمال اعبد الناصر ماهي الاسباب الحقيقية لطلاق الملكة ناريمان وعودتها من ايطاليا هل عاد الملك فاروق الى الملكة فريدة قبل وفاته هل الملك فاروق لم يمت ميته طبيعية ام مات مقتولا هل تعمد رؤساء مصرالاساءة الى عائلة فاروق دون وجه حق كيف عاشت بنات الملك فاروق الثلاث في اوروبا كيف تزوج الملك احمد فؤاد من فضيلة وهل اعتنق ابناء مصر الاسبق اليهودية بعد طلاق والدتهم هل يمكن ان يعود الملك احمد فؤاد الذي لايتحدث العربية الى مصر .. للاجابة على هذه التساؤلات تابعونا بعد هذا الفاصل فاصل اجتمع معظم افراد العائلة المالكة المصرية في عزاء الاميرة فريال والغريب ان بعضهم لم يرالبعض الاخر منذ سنوات طويلة ولا يجمعهم شئ تقريبا الا المناسبات الرسمية والتي غالبا ماتكون توديع احدهم الى مثواه الاخير ويكفي انهم حتى لا يشتركوا في اللغة فمنهم من يتحدث الانجليزية واخرون الفرنسية المهم ان العربية لا تجمعهم فماذا حدث في عزاء اخر بنات الملك فاروق الاميرة فريال فاصل لوتس عبد الكريم*كاتبة وصديقةالملكة فريدة والاميرة فريال: فريال اكترواحدة اقتربت منها اواقتربت مني فالحقيقة خدت من قلبي حتة زي ما بيقولوا يعني كانت جوه قلبي فانا كنت متعلقة بيها لاني اكتشفت فيها النصاعة بياض القلب النقاء البساطة والتلقائية زي امها يعني هي يمكن اكتر سذاجة من امها يعني الام كانت تبدو حريصة في احيان كتير وكتومة لا فريال مفتوحة زي الاطفال د/ماجد فرج* مؤرخ وصديق العائلة المالكة : الاميرة فريال كانت بتعشق مصروكانت بني ادمة شعبية كانت بنت بلد جدا وكانت بتتكلم عربي حتى ان العربي بتاعها كان مصري شعبي وكانت بتقول كلمات انا ساعات كنت بستغرب وانا بسمعها من اميرة فكنت بسئلها دايما انت ازاي قدرت تحصلي على المفردات دي فكانت تقول انا اتعلمت العربي من خدم السرايا وكنت احب اتكلم معاهم وكان كل الحوار اللي بيني وبينهم كان بلغتهم وحتى خفة دمها وهزارها وقفشاتها كلها مصرية قوي مصرية شعبية حتى مش مصرية زي بقية العيلة الاعلامي احمد المسلماني*صديق العائلة المالكة: كانت دايما بتقولي انها فلاحة من عابدين وانت فلاح من بسيون قلت لها طبعا الفلاحين من بسيون احسن عشان هما فلاحين اصلا وانتوا من فلاحين القصورفهي كانت دمها خفيف ولطيفة وطيبة ومتواضعة وتقول انا تربية الخدم والسفرجية والناس اللي موجودين وكنت بقعد معاهم طول الوقت كانت مش شايفة نفسها بنت الملك طول الوقت ولاأي حاجة بالعكس كنت الاقي فيها تواضع مذهل انا لازلت اسير هذه الشخصية فاصل لوتس عبد الكريم: لقيتها بتكلمني في التليفون وبتقولي هقولك خبروحش قوي قوي قلت لها ياساتر يارب ايه..؟ قالت لي مش ابو جلمبووصل بتنكت كمان على المرض وعلى نفسها هي كان جالها cancerمن 7 سنين في المعدة فاتت ال7 سنين فجاة لما راحت اغمى عليها كانت ماشية مع اخوها في باريس وقعت منه ودوها المستشفى لقوا ان المرض اتفشى وانتشر ووصل العضم فهي بتكلمني وتقولي وصل العضم قلت لها ايه دا قالت لي اه وبتضحك استمريت بعد كده اكلمها يوميا وانا مش مصدقة اقول لا لسه واشوف كل يوم انا في المانيا وهي في سويسرا بنكلم بعض ياهي تطلبني يا انا اطلبها خدتي ايه النهاردة كلتي ايه مين عندك مين بيزورك فجاة لقيتها بتصرخ في التليفون انا حسيت ان جوايا شعورمقبض جدا جدا ان دي ممكن تكون اخر مكالمة الصبح الساعة 7 الصبح اتصل بيا يوسف اللي هو معاهم وواخد باله من حاجتهم وقالي فريال البقية في حياتك ..انهرت.. الاعلامي/احمد المسلماني:وهي في النعش كنت حاسس انها بتضحك هي قالت لي قبل الوفاة قالت لي على المرض الخطير فتاثرت جدا في التليفون كان في رمضان فقلت لهاولايهمك وهتبقي كويسة الكلام اللي بيتقال في ظروف زي كده قالت لي انت بتضحك علي تاني زي ما بتضحك طول الوقت قالت لي انا مش خايفة انا معملتش حاجة في حياتي وحشة ولوعملت حاجة وحشة انا من حسني حظي ان انا حجيت والحج ضيع اللي قبليها مفيش حاجة بعديها وانا كده مستريحة للقاء ربنا فاصل عمروالليثي:ماتت الاميرة فريال لتلحق بشقيقتها فادية التي توفت عام 2003 وفوزية في عام 2005 وهذا يجعلنا نرجع الى نصف قرن الى الوراء لنتعرف على المصيرالذي كان ينتظر العائلة المالكة في مصربعد توارث الحكم فاصل د/ماجد فرج:فمشكلتنا مع الملك فاروق ان هولم يعد بالدرجة الكافية ان هويتولى الحكم لو كان الملك فؤاد عاش 4 او 5 سنين اطول من حياته اللي حصلت كان تاريخ مصراتغيركان الملك فاروق كان قدران هو يخلص دراسته في انجلترا ويرجع مصر مؤهل لحكم مصرلكن للاسف ان هو مقدرش يكمل دراسته مقدرش ان هو يكمل تدريبه فجاء مصر وعنده 16 سنة على ما بقى ملك تحت الوصاية تم 18 سنة وعملوها حتى هجرته عشان كان فيه اطماع الاميرمحمد علي توفيق في ان هويستولي على العرش فنعتبر ان الملك دا اللي عنده 17 سنة دا طفل معندوش أي خبرة ولاأي معلومة اوتدريب يقدريمسك بيه الحكم فوقع تحت ايدالمغرضين المحيطين بيه من اشكال والوان كل واحد عنده مصلحة يغريه بطريقته لكن طبعا ليه عذره انه مكانش جاهز فاصل احمد المسلماني:فاروق الصغيركان مبشروكان شخصية لطيفة وشخصية جذابة وعنده كاريزما ومشروع حتى زعيم سياسي ان مات نتيجة الناس اللي حواليه اللي الهوه بكل اشكال الفساد حط الوفد في دماغ اكتر من اللازم ووصل في عداؤه مع الوفد والحركة الوطنية الى اقصى الحركات فتحول فاروق من شاب مبشرالى شاب مزعج شاب متلفت لاى ملذات الحياة كان بكتيره يدير فصل مش يدير مملكة كبيرة مصرية فاصل لوتس عبد الكريم:في المجتمع المصري بصفة عامة جواز الصغير دا حاجة كويسة قوي يقولك يتحصن فبالتالي ابتدت نازلي ام الملك تعتنق الفكرة وكانت تخاف ان اميرة من الاميرات تخطفه لانها مكانتش بنت اميرة ولابنت امير انما هي بنت عيلة ارستقراطية ابوها عبد الرحيم صبري كانت ليه مكانه في الوفد انما ماوصلتش لدرجة الامراء فهي كانت عاوزة تجوزابنها من واحدة من الشعب مش عايزة اقول من الطبقة الشعبية انما من الشعب لا اميرة فبالتالي وقعت عينها على صافيناز فاصل عمروالليثي:في نفس الوقت تقدم الشاه محمد رضا بهلوي ولي عهد ايران للزواج من الاميرة فوزية وفسرالبعض قرارفاروق بزواج شقيقته من ولي عهدايران بانها وسيلة لتدعيم الصورة التي ارادها لنفسه منذ البداية الاوهي الخليفة الاسلامي فاصل لوتس عبد الكريم : كان فيه اعداء في ثوب احباء فقاللي جابت 3 بنات كان ممكن تجيب بعد كده 4 بنات كمان وتجيب ولد فيه كتير ما كانت بتخلف اللي ما بتخلفش خالص هي دي معلش تروح زي ثريا مرات الامبراطوربتاع ايران دي مكانتش بتخلف خالص لكن دي خلفت ماهي كان ممكن تجيب ولد اذن مش دا السبب..السبب ان كان فيه ناس الحوا عليه بفكرة الطلاق وطلعوها في دماغه د/لطيفة سالم*استاذ التاريخ المعاصر: كان فيه نوع من النفور التام بين الملكة نازلي وما بين الملكة فريدة لان الملكة نازلي اول ملكة في مصر جوزها يموت وما تبقاش ملكة ويعملوا لها قرار خاص انها تبقى الملكة الام زي ملكة انجلترا مثلا فيبقى ليها الاولوية مثلا او يبقى ليها مكانة بمعنى اصح في البروتوكول الملكي في البلاط فكان فيه نوع من الغيرة وتتبعي لحاجات صغيرة جدا تحسي ان هي حماه لوتس عبد الكريم:هي نازلي كانت تحب السحر قوي وكانت بتعتقد فيه والملكة فريدة كانت بتعتقد فيه برضه يعني كانت بتصدق ان فعلا عملت لها سحران هي ابعدتها عن اولادها وعن جوزها تقولي يعني انابعدت عن زوجي وبعدت عن اولادي وبعدين بعدت انا كمان عن نفسي لان انا بقيت مشردة في البلاد وبعد كده اصبت بالمرض ومين عارف يحصل ايه بعد كده فاصل د/ليلى تكلا*صديقة العائلةالمالكةالمصرية: الملك فاروق كان زي والدته عاطفي شوية وعشان كده هوكان عايزاللي يخلي باله منه ويدلعه وهي كانت عايزة اللي يدلعها كانوا صغيرين قوي لما اتجوزواوهي كان عندها كبرياء ومازال فضلت بهذا الاعتزاز بالنفس لوتس عبد الكريم:وبعدين هي نفسها قالت انا رجعت في كلامي و هورجع في كلام والله والله امام الله انا بشهد ان هذا ماقالته لي ان هورجع في كلامه وانارجعت في كلامي وموضوع الطلاق دا قفلنا بابه خالص جم الاعداء اقنعوه هما اللي اقنعوه انه يطلقني وهما اللي اقنعوه انه لازم يتجوزواحدة تانية عشان تجيب له ولي عهد الاعلامي/احمد المسلماني:انا اعتقد ان الخيار نفسه كان لك اعتقد ان فريدة مكانتش مناسبة لفاروق ولافاروق مناسب لفريدة ، النقطة التانية ان فريدة كانت بنت ناس طبعا باباها من الناس المرموقة في مصرمن الشخصيات الكبيرة وفكرة الزواج من ملك فكرة مربكة هي متربية تربية عالية تكاد تكون متربية تربية اعلى من تربيته رغم ان هوابن ملك الا ان الخلافات الثقافية ، الخلافات الاجتماعية والخلافات النفسية بينهم فريدة تبان ان هي ما تنفعش زوجة لفاروق،وفاروق برضه ما ينفعش زوج لفريدة عشان كده حصل انفصال بناء على طلب الملكة فريدة ودا شئ مش سهل ان ملكة تترك المملكة وتسيب اسم الملكة وترجع تاني لوضعها الاجتماعي السابق وتسيب كمان قصرالملك فاروق الاسرة العلوية في القاهرة مش أي مملكة عشان خاطرهي مش مبسوطة مع زوجها لانه زوج مزعج سئ السمعة لا يلتفت لا الى السياسة ولا الى المنزل لما فيه واحدة تضحي بملك ومملكة ولا تنحرف ولا تخرج عن السياق العام وتضحي بهذ ا الملك معناه انها كانت سيدة قوية وسيدة جليلة وعظيمة فاصل أ/احمد حمروش*من الضباط الاحرار: الملك كان معروف بسلوكه الفاضح عند كل الناس مكانش حاجة مستخبية يعني عشان كده لما طلق فريدة الناس وقفت معاها واستغربت من عملية الطلاق لان الطلاق ابغض الحلال في الدين وطلعت برضه مظاهرات ضد الحكاية دي فاصل الاعلامي/احمد المسلماني:الشعب احب فريدة وطلاق فريدة اول خطوة في ثورة 23 يولية اول فقدان لشعبية حقيقية للملك فاروق هوطلاق الملكة فريدة التي كان يحبها الشعب وعشان كده قالوا الكلمة الشهيرة "خرجت الطهارة من بيت الدعارة" لان كانت سمعة القصرالملكي سمعة سيئة وكانت فريدة رمزالنقاء المصري وصبرالزوجة المصرية النبيلة عشان كده طلاقها كان بداية تدهور اسرة محمد علي، الملك فاروق كمان نتيجة حماقة مذهلة حلت ليه قرران هويغطي على طلاق زوجته المحبوبة من الشعب بان هو يطلق اخته ودي حاجة ما يعملهاش عيل صغير عشان الناس تتلهي في الطلاق دا طبعا فكرة ما تجيش الا على ذهن صبي ماجن مش على ذهن مسئول وانا مش عارف مين الاحمق اللي حول الملك اللي نصحه هذا النصح الغريب د/ليلى تكلا: لما توفق فوزية في حياتها لان طبعا فوزية اتربت في قصورتكاد تكون اوروبية في اسلوب الحياة نفسه في الاكل في الشرب في اللبس في الخروج في التمتع بالحياة في ظل طبعا نظام معين فبالتالي لم توفق فوزية في هذه الزيجة وطبعا كانت مسالة طلاقها دي كانت قصة عريضة لانه في فترة جوازها اتخلع الرضا بهلوي نفسه واتنفى الى جنوب افريقيا وبقى هو محمد رضا الابن اللي هوجوز فوزية بقى هو الامبراطور وبالتالي كان من الصعب قوي انه يحصل نوع من الطلاق فعملوا له حجة ان هي تيجي تحضر فرح اختها فايزة كانت سنة 45 وان هما داعيين الامبراطور والامبراطورة فوزية وبعدين جت وما رجعتش وبعدين حصل الطلاق الاعلامي/احمد المسلماني:جاب الامبراطورة فوزية واعلن طلاقها المفاجئ من شاه ايران وبالتالي انهيار هذا البيت كان لابد ان يؤدي الى انهيار هذه المملكة وفاروق عجزعن ادارة نساء الاسرة المالكة امك واختك وزوجتك ودي كانت البداية في انهيارالاسرة المالكة المصرية د/شوقي يوسف رشاد*نجل د/يوسف رشاد طبيب الملك فاروق: اسباب عدم شعبيته كان معظمه لوالدة الملك فاروق الملكة نازلي وتصرفاتها كانت بتسافركتيروكان لها اخطاء كبيرة مما جعل الملك عليه ضغط جامد فاصل د/ليلى تكلا:هي كانت عاطفية شوية كانت مالكة حبت الحب ولو كانت امراة احبت الحب كانت حياتها بقت اسهل لان الملكة عليها كثيرمن القيود واحبت الحب بمعنى ايه يعني هي كانت بتحب الطبيعة كانت بتحب الناس وكانت بتحب الخروج وكانت بتحب انها تطلع وتنبسط وتروح سينما وتروح هنا وهنا وتحب بناتها جدا وابنها لاخروقت د/لطيفة سالم:لما سافرت نازلي وخدت ولادها سنة 46 كانت مسافرة للعلاج ان هي كانت مريضة بالكلى لدرجة كانت الكلى عاملة لها مشاكل كتيرقوي لدرجة ان الدكاترة في مصر قالوا انها مش هتعيش كتيرفنصحوها انها تسافر للخارج وخصوصا ان هي سافرت بعد مافقدت احمد حسنين اللي هو كان بالنسبة لها شئء كبيرقوي فهناك تصادف انه كان فيه حد من القنصلية المصرية في مارسيليا كان اسمعه رياض غالي وكان شاب اقدر اقول عليه انه هوناصح اومفتح اوواعي طبعا تصدرالولاء والخدمة والمجاملات فوق الحد بالنسبة لملكة والبنتين اللي معاها وقعد يعني باختصار شديد فتحية الصغيرة اتعلقت بيه وكان صعب ان هما يتجوزا لاختلاف الدين ادى ان هو يحول دينه ويعتنق الاسلام الاعلامية راوية راشد/مؤلفة كتاب نازلي ملكة في المنفى: الملك فاروق ازعجه جدا شعر كأخ اكبران اخواته البنات راحت ضحية امراة ماهياش حكيمة بالدرجة الكافية وكان عايزيرجعهم باي طريقة سافرفي الولاياتالمتحدة في ذلك الوقت احمد باشا خشبة وحاول يعمل مباحثات وضغوط سياسية ضخمة وصل الامرانه تم سحب وايقاف جوازسفر الملكة ومحاولة الضغط على الحكومة الامريكية ماخلاص معندهمش باسبورتات يبقى لازم يترحلوا ولكن من خلال اتصالات الملكة نازلي باعضاء الكونجرس الاميريكي اجلت الترحيل عشان القانون بيقولك اعمل التماس اعمل توضيح عشان توضح موقفك وفعلا محامي شهير تقدم للمحكمة وعرض المسالة واخد حق الاقامة المؤقت مش اللجوء السياسي للملكة نازلي وكان رد الفعل للملكة نازلي انها عجلت بالزواج د/ليلى تكلا: مقدرتش تقف في طريق زواج بنتها من الشخص الذي تصورت ان هو دا الحب الحقيقي اللي هو في حياتها مقدرتش تمنعها لان هي حرمت من الحب وكانت حياتها قاسية د/راوية راشد: كان رد فعل الملك فاروق كان عنيف جدا ولا احد يعلم لماذا هذا العنف تم خلع الالقاب والتفريق بين الاميرة فتحية وزوجها رياض غالي ومصادرة جميع ممتلكات الاميرة فتحية والملكة نازلي ولما نرجع للاحداث حضور شريف باشا صبري اخو الملكة نازلي اجبرعلى الموافقة ويقال ان هو بعدها مات بشهور قليلة لانه اصيب بذبحة صدرية لانه عار ان يتم خلع اللقب عن الملكة الام د/ ماجد فرج: علاقته بوالدته اتقطعت تماما من ساعة مارحت امريكا وجوزت بنتها ضد رغبته نزع عنهااللقب وصادر ممتلكاتها فاصل عمرو الليثي:اختار فاروق الوقت الذي تموج به مصر بالانفعالات وتزوج ناريمان فاصل احد مالكي مقتنيات العائلة المالكة: دي عقد الزواج لاخر وثيقة ملكية اخر عقد زواج ودا النسخة الوحيدة الاصلية المتبقية كانت نسختين نسخة لصاحب الجلالة الملك ونسخة تانية والصياغة الخاصة بهذا العقد صياغة وقورة وجميلة رسالة الى الوطن من خلال هذا الزواج .... فاصل اكرم ادهم النقيب *نجل الملكة ناريمان واخوالامير احمد فؤاد نجل الملك فاروق: الشئ الغريب ان هي كانت مشدودة عصبيا وهي كانت بتولد لان هي ولدت في قصر عابدين وكان فيه الدكتورمجدي باشا هوكان رئيس الفريق الطبي عشان موضوع الانجاب وكان لازم يبقى فيه 4 اطباء يكونوا في خلفه في مواجهة لبطنها عشان يشهدوا ان هذا رضيع اوهذا المخلوق طالع من بطنها ان هما شاهدين ان دا منها وطبعا فاروق كان في الخلف فدا من الاعراف والعادات الملكية داخل البيت الملكي المصري اوالبيت العلوي واحمد فؤاد اتولد طبعا دي كانت فرحة عارمة بالنسبة لفارق وطبعا بالنسبة لناريمان وبالنسبة لوالدتها اصيلة فهو ولي العهد طبعا عمروالليثي:لم يكن مولد الامكير احمد فؤاد سوى بداية النهاية وظهرت بعد 10 ايام فقط من ميلاد احمد فؤاد اندلعت احداث المواجهة بين قوات الاحتلال ورجال الشرطة في الاسماعيلية د/ماجد فرج: يوم 25 يناير هجمت القوات البريطانية على مديرية الامن في الاسماعيلية وضربوها بالمدافع وبالدبابات وماتت من ضباط البوليس في الاسماعيلية كتيرفتاني يوم على طول 26 ينايروصل الخبر الى القاهرة فالناس حصل عندها نوع من انواع الاستنفار فابتدوا يردوا على الهجوم وعلى الاهانة الكبيرة اللي حصلت في الاسماعيلية بان هما يهاجموا كمل الممتلكات او المكاتب او الشركات او أي حاجة ليها علاقة بانجلترا فنزلت الجماهير للشوارع وابتدت تكسر وتخرب في الممتلكات البريطانية حتى النوادي البريطانية وابتدت ناس تنضم للحدوتة دي وكل واحد له مشكلة ابتدى مع الفوضى الاخوان المسلمين ابتدوا يضربوا في البارات ودور الملاهي وكل واحد له مصلحة ابتدى وسط الزحمة يصعد الموقف فاصل عمرو الليثي: في اليوم التالي احترقت القاهرة ؟ احمد المسلماني: حريق القاهرة برضه من الاشياء التي عجلت دا كان حريق ماجدي بس كان حريق سياسي بانهاء هذا النظام السياسي من اشعل حريق القاهرة ..؟ ولا حد يعرف الكل بيتهم الكل لكنه كان لاحراق فاروق واحراق فاروق واحراق فاروق لكن محدش يعرف مين يمكن فاروق حد صورله ان كده يؤدي الى تغيير الخريطة السياسية لان دا حدث مش مفهوم لمصلحة مين د/ماجد فرج: قيل ان الظباط الاحراركان لهم يد فيها وقيل احزاب سياسية كان ليها يد فيها قيل كل من له مصلحة في ان يكسر حاجة او يحرق حاجة عملها اليوم دا فحريق القاهرة مسالة انتقام جمعي من اطراف كتير على اطراف كتير ا/احمد حمروش : حريق القاهرة على طول بعده حصلت الاحكام العرفية وفتحت المعتقلات واهم حاجة بعد الاحكام العرفية انه اقيلت حكومة الوفد وانا اذكرانه كان ليا ابن عمي الله يرحمه اتعين شيخ ازهر في الفترة دي واعطى تصريح احل فيه دماء الجنود البريطانيين في منطقة قناة السويس ونشرت الصحف البريطانية هذا الخبر في صفحاتها الاولى لما اتعمل حريق القاهرة اقيل .... فاصل عمروالليثي: في صباح يوم 23 يوليو عام 1952 استيقظت اسرة الملك فاروق على خبر سئ ورأوا الدموع في عيون الملك للمرة الاولى وبدا يخيرهم بين الخروج معه من مصراوالبقاء بجواروالدتهم الملكة فريدة وبعدها ب3 ايام كان الملك ومعه من وافق على مصاحبته على متن اليخت المحروسة في طريقهم الى ايطاليا فاصل احمد المسلماني:بقيت الملكية ايام بعد ذلك وتم تعيين احمد فؤاد الملك المؤقت للبلاد لكن لم يتصوران الثورة تفكر منذ البداية في اقامة الجمهورية وانا لااميل الى الراي انها كانت تريدان تبقي على النظام الملكي د/لوتس عبد الكريم:لغاية مافاروق مشي هو والاميرات وخيروهم تحبوا تقعدوا مع امكم لان هي كانت ممنوع تخرج لان هي مطلقة هوالملك بس يطلع هووالاميرات وادوهم 5 دقايق عشان يفكروا هما اختاروا انهم يروحوا مع ابوهم ما اختاروش يقعدوا مع امهم كانوا بيحبوا ابوهم اكتر من امهم ، فاروق صبغهم بطريقته يعني هما لما كبروا خالص بعد ما ماتت كانوا بيحكوا لي ان الكلام دا كانوا بيقولوا احنا بننتمي اكترالى فاروق مش فريدة كانوا على سوء تفاهم مع الملكة بسبب انها طلبت الانفصال هما واخواتها والعيلة كانوا حاسين ان هي السبب في انهم اتدهورت حالتهم وانهم انطردوا وفي ان الثورة جت وانها لوكانت استمرت مع فاروق مكانش دا حصل خالص لانها كانت فال حلوعليه وكان الشعب بيحبها جدا جدا وكانت هي برضه جنبه تنصحه تقوله دا لا ، ودا اه .. وهي بتقول لوكنت جنبه لحظة توقيع الطلب اللي طلبوه علي ماهر والبلاوي دول مكانتش خلته يمضي ابدا تنازل عن العرش لولي العهد الان دجي كانت حبكة محبوكة وقعوه تمام في شرك احمد المسلماني: الاميرة فريال قبل خروجها من القصر مكانش على بالها كانت في قصرالمنتزه وبعدين لما جه الملك فاروق قالها يالا فورا اتحركي ركبت العربية قالت لي انا فوجئت ان فيه قدامي موتوسيكلات وموكب قالت لي عمري ما مشيت في موكب فلما لقيت موكب قلت فيه حاجة وفعلا رحت قابلت الملك فقالها لمي حاجتك خلال ساعة قالت له رايحين على فين قالها خلاص هنسيب مصر ياتروحي مع مامتك اوتيجي معايا قالت له اجي معاك قالها واخواتك التانيين هيعملوا ايه قالت هما ورايا انا اقول يمين يمين شمال شمال فمشيوا وراه وراحت مع الملك في الخارج وهي في يخت المحروسة قالت كلام سياسي خطيرقالت ان الثورة حاولت تضرب يخت المحروسة بالطائرات ولكن قائد يخت المحروسة قدريهرب يزوغ من الطائرات احمد حمروش: غيرصحيح هواحنا ماصدقنا انه خرج هنقتله ليه يعني طالماان هووافق على الخروج وخرج فعلا يبقى انتهت سلطاته في مصر وانتى النظام الملكي فاصل احمد المسلماني: قالت كمان انها خرجت بلا أي مجوهرات انا كنت في مصيف هوفيه حد في مصيف بياخد مجوهراته معاه مجوهراتي كانت في قصرعابدين فخرجت بلا أي مجوهرات هي شنطة لبس راحوا بيها وقعدوا هناك وخلاص وبعدين لا يوجد ادنى شك انا بالنسبة لي اجزم تماما ان هذه الاسرة لم تسرق شيئا خارج مصر يعين قعدت الست حاجة وسبعين سنة في وضع مادي بائس طول الوقت بره ايه الالماظ اللي عندها ايه الثورة اللي عندها ما كانت باعته في كل الظروف الصعبة اللي مرت بيها لما اشتغلت مزارعة ولا فلاحة كانت باعت هوالواحد بيجيب دا ليه ما عشان الايام السودة ماهي مرت بكل الايام السودة ماباعتش أي حاجة فاصل د/ماجد فرج: كانوا قاعدين بيصيفوا في قصرالمنتزه وحصلت حركة الجيش كان نتيجتها انهم خدوا بعضهم وطلعوا على قصر راس التين علشان كان فيه اليخت الملكي راسي وطلعوا على المركب سافروا ومكانش معاهم حسب كلام الاميرة فريال الله يرحمها كانت هي اكتر واحدة كبيرة فهي فاكرة التفاصيل اكتر من أي حد تاني واحمد فؤاد كان عنده 6اشهر فمعاصرش قوي الاحداث لكن حسب كلام الاميرة فريال مكانش معاهم حتى جاكتات لانهم كانوا في الصيف ومكانش عندهم أي استعداد للخروج ومكانوش فاهمين ايه اللي بيحصل غيرانهم شايفين الناس اللي حواليهم قاعدين يعيطوا ومنهارين تماما واحد قررانهم يخرجوا من البلد فخرجوامن البلد بمنتهى البساطة والسرعة وكانت حتى تسخرمن كلمة صناديق الدهب اللي كانت شايلاها المحروسة فكانت دايما تضحك وتقول لو كانت معانا صناديق دهب كان دا بقى حالنا احنا ربنا اعلم احنا عايشين ازاي نهاية الجزء الاول
