مفيد فوز ى : اتحدث اليكم من القرى التى ضربها السيل وعصفت بيها العواصف لوت الكبلات واسقطتها على الارض والسيل دخل البيوت هاجمهم فى عزالنوم اتحدث اليكم من قرية الشديدة وارجو ان تكون ما تزال شديدة عصفت السيول بقسوة ضربتها واخشى الا تضربنى ضربة شمس حيث قيل لى ان شمس اسوان رهيبة لكن هذا استديو الشارع الذى منه نتحددث ونذهب ونقابل الناس ونسمع اصوات المضارين ونتحدث مع العلماء والمسئولين بامانة بالغة قالوا لى اشرب حاجة حلوة اى حاجة علشان الاملاح اللى فى الجسم متعملش لى شكل من اشكال الدوار انا بقول تفاصيل صغيرة لكنها مهمة واحنا فى الشارع طبعا انا سايب الاستديو وجايب ناس جنبى ههه ومقعدهم كدا على يمينى وشمالى معاهم منجة وعصير وناقص زبادى كمان المهم جئت الى هذا المكان اسمع ما يقولة المتضرريين من السيل ناس كانوا نايميين فى امان الله فجأة دخل السيل بشكل عاصف اومهم من نومهم على حد تعبيرطفلة قالت لى قمنا لقينا الدنيا خربانة الدولة على اعلى مستوى ذهبت لترى ماذا جرى لناس مصريمكن فاتت ايام على السيل ماجرتش فورا وركبت الطائرة وجأت هنا لحظة وقوع السيل, لأ ليه لان مادام الدولة على اعلى مستوى كل الاجهزة بتتكرروكله بيتحرك وكله بيجرى وكله بيعمل نوع من الخدمة ومن العطاء لكن اردت اروح بعد ايام من التجربة القاسية اللى عاشها اهالى القرى المتضررة من السيول علشان اعرف يا ترى اخذوا تعويض ولا لأ يا ترى اتحصروا اجتماعيا ولا لأ يا ترى الناس اللى فى اسوان هناتجوز البنات يقعدوا فى بيت واحد يا ترى هيدوهم شقة واحدة ويشردوا الباقى والا لأ من داخل قلب هذا المجتمع الذى تشرد فيه الناس لولا التكافل الاجتماعى الذى هو سمة من سمات المصريين لحدث الشرد اكثر وتشرذم اكثرواكثر من داخل هذه القرية قرية الشديدة صوت وصورة فى حديث المدينة فاصل مفيد فوزى :مهندس محمد البكرى انا فى الموقع اللى انافيه انا فين دلوقتى؟ م/ محمد البكرى :الموقع ده يبعد عن مدينة اسوان حوالى 17 كيلو مفيد فوزى :المنطقة اسمها ايه من فضلك؟ م/ محمد البكرى :هو طريق مصر اسوان الصحراوى مفيد فوزى :اه واضح انه المنطقة فيها ابراج سقطت بفعل الاعصار العنيف م/ محمد البكرى :تمام حضرتك اه سرعة الرياح مفيد فوزى :انا عايز اقول لحضرتك انه انا محترم الجهد الذى جرى محترم ايضا السرعة الشديد ة فى هذا الانجاز محترم ان الكهرباء وصلت كمان فى اسوان محترم ان الكهرباء اتوزعت الى القاهرة م/ محمد البكرى :تمام حضرتك مفيد فوزى :اذا دى حقائق ثابتة لازم تحتاج الى ايضاح اكثر م/ محمد البكرى : تمام مفيد فوزى : السؤال هو ما الدرس المستفاد من هذه التجربة؟ م/ محمد البكرى : حضرتك الدرس المستفاد احنا جبنا سيادة الوزير معا اساتذة من كلية الهندسة جامعة القاهرة علشان تحليل الحادث على اساس يبقى الدروس مستفادة للى جاى انشاء الله مفيد فوزى :ايه هى الدروس المستفادة؟ م/ محمد البكرى :الدروس المستفادة لسة حضرتك النتيجة مجتلناش مفيد فوزى :يعنى ايه يعنى ايه النتيجة ما بنتش يعنى ايه؟ م/ محمد البكرى :حضرتك التحليل نفسه تحليل اسباب الدوامة وسقوط الاعمدة دى ما وصلناش لسة من توصيات علشان ناخذ بيها مفيد فوزى :ايه المعنى المبدئى لسقوط هذة الابراج؟ م/ محمد البكرى :ما حضرتك فى رياح سرعة جامدة جدا ادت الى تويست فى العمود من فوق يعنى القاعدة ثابتة من تحت لكن حصل فى تويست للعمود من فوق مفيد فوزى :اذا حدث مرة اخرى ان جت سيول من هذا النوع هتشيل العمود من فوق؟ م/ محمد البكرى :حضرتك السيول مكتش فى هنا سيول بدليل ان الاعمدة من تحت لم يحصل فيها مفيد فوزى :بتقول ان التربة من تحت ثابتة؟ م/ محمد البكرى :ثابتة مفيد فوزى : وان لا يحتاج الامرالى تدعيم من تحت؟ م/ محمد البكرى :لألأ ما يحتاجش مفيد فوزى :طب تسمح تقولى لما التويست بيحصل الرياح تقطم العمود والشبكة من فوق؟ م/ محمد البكرى : ايوه يا افندم ما قطمتوش يعنى حصلت له التواء مفيد فوزى : وسقط والدليل اهو. م/ محمد البكرى :ايوه يا افندم التواء وسقط مفيد فوزى : تسمح تقولى ايه اللى ممكن فى المستقبل يخلى هذه الاعمدة ثابتة لا تخضع لهذا التويست؟ م/ محمد البكرى : طبعا على ضوء النتايج اللى هتجلنا مفيد فوزى : ما انا عايزاعرف النتايج ايه انا عايز اطمن الناس الناس اللى بتشوفنا دلوقتى يا محمد بية؟ م/ محمد البكرى : ايوه مفيد فوزى : عاوزاعرف يعنى احنا لما نعيش تجربة والتجربة دى بيبقى فيهاعمال بتشتغل ومهندسين وعقول الوزيرجاب معاه اساتذة الهندسة مش معقول هستنى لسة لما اللجان تقعد مع بعضها وتطلع توصيات دا انت معرض لسيول اخرى ولا انا غلطان؟ م/ محمد البكرى :لأ حضرتك مفيد فوزى: يعنى ممكن فى خلال 5 ايام يحصل سيل اخراو اعصار اخرهو السؤال بتاعى يعنى احنا هنستفيد من هذه التجربة فى ايه هتقولى برضه لم تأتى بعد نتائج؟ م/ محمد البكرى :التوصيات مفيد فوزى : مهندس عبد المنعم ربيع انت مسئول عن النقل فى الكهرباء لعموم الجمهورية ولكن انت عندك منطفة محددة ايه التجربة اللى استفدناها من هذا الاعصار؟ م/ عبد المنعم ربيع :ان انا ابقى مستعد ازاى ان انا اواجة هذا الاعصار مفيد فوزى : قول يا اخويا ازاى تبقى مستعد لمواجهة هذا الاعصار؟ م/ محمد البكرى : المهمات اللازمة تكون مدبرة اللى هى الابراج مفيد فوزى :ماهى موجودة يعنى ايه المهمات اللازمة؟ م/ محمد البكرى :ابراج غيرالابراج اللى انهارت مفيد فوزى :اه يعنى هتجيبوا ابراج جديدة؟ م/ محمد البكرى :الابراج اصلا احنا حطينها متخزنة من الشركة المصرية مفيد فوزى :مش ممكن يحصل تانى الاعصار يعمل التويست ويعمل نفس الهدم ونفس الماساة ونفس الضرر؟ م/ محمد البكرى :ممكن الاعصار يتم لان دى ظاهرة ومعمول حسابات ازاى احنا نتفاداها مفيد فوزى :ايه الحسابات علشان الناس تعرف؟ م/ محمد البكرى :ان انا بجيب معدات مفيد فوزى : ما خلاص عرفت ان فى معدات اناعايزافهم بعقلى كدا والناس تفهم معايا ايه اللى ممكن نعملة نتحسب له فى المستقبل؟ م/ محمد البكرى :فى الظواهر الطبيعية ونشوف تصميم دراستها مفيد فوزى :اه اذن انت رايك الشخصى فى...... م/ محمد البكرى :نقط طبعا اى تصميم بيبقى فيه نقط ضعف مفيد فوزى :قول لى نقط الضعف علشان نستفيد؟ م/ محمد البكرى :ان الظواهر الطبيعية مش محسوبة كليتا مفيد فوزى : ليه انا اعرف ان هذه المنطقة بيسموها مناطق غير امنة فى الجغرافيا الجولوجية والسيول. م/ محمد البكرى :ايوه ماهو علشان الدراسة مفيد فوزى :انت من اسوان؟ م/ محمد البكرى : انا من اسوان مفيد فوزى : طب يا راجل ده سنة 93 كان عندكوا سيل اخطر من ده ودخل على اسوان نفسها. م/ محمد البكرى :الابراج دى واجهة متساوية مفيد فوزى : الابراج دى نقطة الضعف ايه هى؟ م/ محمد البكرى : نقطة الضعف طبعا هوفى التصنيع فى جزء معين فى البرج فى يعنى ما واجهش الظاهرة دى مفيد فوزى :قولى ايه هو نقطة الضعف؟ م/ محمد البكرى : هو بس الظاهرة دى كانت صعقة محملة بالرعد والثلج كثيف ودوامية يعنى ملوش اتجاه معين فاهى اثرت شالت البرج من تحت لفوق مفيد فوزى :يعنى منين من القاعدة؟ م/ محمد البكرى : عملت لفة اتعملت علية تويست كدا مفيد فوزى :من القاعدة؟ م/ محمد البكرى : لا الفاضى كله لف كدا مش من القاعدة الجزء الحديدى مفيد فوزى :طب ايه نقط الضعف هنا بقى؟ م/ محمد البكرى :نقطة الضعف ممكن تكون فى المتريل بتاع البيمز اللى راكبة ديت تدرس وتشوف ازاى مفيد فوزى : هل حاليا بتدرس؟ م/ محمد البكرى : اه بتدرس طبعا مفيد فوزى : هل بيحدث يا باش مهندس عبد المنعم انه فى عملية مداومة الكشف على هذه الابراج؟ م/ محمد البكرى : فى صيانة دورية مفيد فوزى :الله امال اللى حصل ده ايه مادام فى صيانة وفى تصوير وبتقولها انت بفخر امال ايه اللى خلى هذه الظاهرة الطبيعية؟ م/ محمد البكرى : دى ظاهرة غير محسوبة ظاهرة ديت الابراج دى ايضا تعرضت لنفس ظاهرة وظاهرة تختلف عن دى ومكتش فى مشكلة فيها وكانت عادى وامنة ومفيش مشكلة 50 سنة ادى الابراج شغالة مفيش مشاكل مفيد فوزى :الظاهرة دى علمتكوا ايه ؟ مواطن : الظاهرة دى علمتنا طبعا علمتنا نعيد الدراسة تانى ونشوف يعنى بالنسبة للتصميم وفى لجنة مشكلة مفيد فوزى :انا مش عاوز اللجان المشكلة اللى هتقولى فيها اسم الوزير استنى يا حسن بيه هتقولى اسم الوزيرومشكلة باسم الوزيرومعه وكيل الوزارة ونائب الوزيرانا مليش دعوة بدة الناس عاوزة تفهم ايه اللى ممكن يحمى الابراج من اعصارقادم وميهمهمش الوزيرعلى فكرة هيحصل لك حاجة هتترفض هتترفض لما لما اتكلمت مع مفيد فوزى وقالك ملكش دعوة بالوزير انا مالى بالوزير انما هنا وانا بكلمك بكلمك عن الكهربا اللى ممكن تتعطل فى الدنيا كلها مش انت راجل مسئول النقل؟ م/حسن ابو زيد : ايوه مفيد فوزى :لهذه الشبكات؟ م/حسن ابو زيد : اه مفيد فوزى : انا بسالك ايه المصيبة اللى ممكن تحصل فا انت قلت لى هيعاد من جديد وضع الابراج؟ م/حسن ابو زيد :دراسة الابراج مفيد فوزى : ونمرة اثنين المتريال المواد اللى فى الابراج. م/حسن ابو زيد :مضبوط يعنى هما اخذوا اجزاء من اللى اتكسرت ديت مفيد فوزى : وبيحللوها؟ م/حسن ابو زيد : وبيحللوها فاصل مفيد فوزى :لأ استنى انا بسالك ايه اللى اتعمل انت كنت بتحكى لى عن البيارات مش عاوزك بقى تردد لى اسماء المسئولين كفاية ان المحافظ جة بات معاكوا وده معناة ان الراجل بيشاركوا مش كدا وهى توجهات ايضا من الدولة ان الناس دول خليكوا قلبكم جنبهم متسبوهمش لان دول فى العراء ايه اتعمل علشان خاطر هيبتدوا يعملوة يعنى انا عرفت دلوقتى ان الناس اللى سكنة فى حضن الجبل بدأ من فبراير هيعزلوا عندك فكرة ولا معندكش فكرة؟ مفيد فوزى : هيعزلوا كل اللى ساكنين فى حضن الجبل تحسبا لازلازل و اعاصير من هذا القبيل هل تتكرر السيول مرة اخرى والله السيول ممكن تتكرر؟ مواطن :وممكن ما تتكررش لان كمان كان فيه مخرات السيول اللى فوق كانت مقفولة لما جم فتحوا الضغط العالى فتحوا المخرات دى نفسها بالجرارات والبتاع فتحتهم مكنس فى سيول بتنزل علينا هنا يعنى من 100 سنة عن الجدود وجدود الجدود مفيش مية من 100 سنة نزلت مفيد فوزى :تعتبر دى اول مرة؟ مواطن : اول مرة صراحة اشوفها مفيد فوزى :هل دى مفاجأة لمصر؟ مواطن :اول مرة تحصل عندينا مفيد فوزى: طب انا كنت بسأل الدكتور الفرماوى وهو رجل مسئول فى مصر بما يتعلق بتطوير العشوائيات قال لى ان المناطق دى على خريطة الدولة تعتبر مناطق غير امنة بيقصد ايه بغير امنة؟ مواطن : بيقصد اعلى الجبل مفيد فوزى:انما ما بيقصدش السيول؟ مواطن :لأ ما بيقصدش السيول محدش بيجيب سيرة سيول لان الجبل ده كما ن امن وجعلنا الجبال اوتادا مفيش حجر نزل علينا هنا يعنى انا باطلب ايه بدل ما اروح من هنا ومن هنا منا قاعد يبنى فوق الجبل حتة ورا بيتى كنت بنيها طلع ليها قرارازالة مفيد فوزى :قولى انت دلوقتى بعد ما تهدم بيتك هتعيش فين بعد كدا؟ مواطن :والله لسة قاعد عند جماعة جيرانى هنا مفيد فوزى : ولامتى هتقعد عند جماعة جيرانك؟ مواطن : والله هشوف هتعمل معايا ايه مفيد فوزى :محافظ اسوان التى تضررت من السيول هل حضرتك لما تيجى تعوض واحد من الناس اللى فى القرية مثلا زى الشديدة الراجل بيقولى يا فندم احنا هنا طبايعنا بنتجوز ونعيش فى بيت واحد هل هذا البعد الاجتماعى وبعض السمات الاجتماعية موضوع حسابة؟ محاظ اسوان : موضوع حسابة تماما وتم الحصر الحصر اللى تم كله خد التعويضات بتاعتة طبقا للتقييم سواء من 2000 لحد 5000 عدا اذا كان واحد مسافر ومش موجود فى بيتة وقت مروراللجان عليه وكل اللى اتحصروا وصلوا حوالى 1350 عدا يمكن حوالى 62 انهاردة بيتم المرورعليهم ثانى لكى نعطيهم التعويضات اللازمة ليهم مفيد فوزى :الشخص يا فندم الواحد ده ما انتم هتدوله بيت ولا شقة.؟ محافظ اسوان :لأ بيت مفيد فوزى :بيت؟ محافظ اسوان : ايوه مفيد فوزى :ده يعيش فيه هو وعائلتة اللى اتجوزوا طبقا للتقاليد المعروفة فى اسوان؟ محافظ اسوان :ده هياخذ بيت 300 متر تقريبا على نفس المساحة اللى هو فيها دلوقتى مفيد فوزى : نعم نعم اه ليه حضرتك بيت فى اسوان فى الشديدة بالذات وكانت ايه ظروف المبيت ؟ محافظ اسوان :الحقيقة انا كنت يوميها فى المطار بودع السادة الضيوف كان العيد الذهبى للسد العالى وانا جاى من المطار كانت الساعة تقريبا 12 وصلت الاستراحة كلمونى الشعببين هناك الاهالى ان فيه سيل جامد عندناهناك وانا جاى فى الطريق كنت شايف فعلا عواصف ورياح وبعض من المطر فاضطررت انزل واغير واروح اقعد فى وسطهم اطمن على الموقف مفيد فوزى : لبست ايه هناك؟ محافظ اسوان :لبست جاكت اسود كدا وبنطلون جنس كدا مفيد فوزى :اه وقعدت معاهم محافظ اسوان :اه مفيد فوزى :لغايه امتى؟ محافظ اسوان: لحد الصبح الساعة وصلت لستة تقريبا مفيد فوزى :كنت بتعمل ايه يا افندم يعنى بطيب خاطرهم يعنى عايز اعرف التعاملات وجودك؟ محافظ اسوان : وجودى جاب كل التنفيذيين معايا يعنى طالما اتوجدت هناك كل التنفذيين جم بسرعة الحماية المدنية جات تشفط الميه لان كانت مشكلتنا الميه دخلت معظم البيوت والبيوت زى ما حضرتك شفتها هناك مبنية من الطوب اللبن المطر نزل فيه وفى كل اسوان مش فى الشديدة فقط ده وصل فى ادفوا وفى كمومبووفى اسوان وعندنا فى منطقة كبيرة جدا اللى هى منطقة قبلى وبحرى ولاعقاب عشان كدا تواجدى معاهم كان ضرورى جدا علشان التنفيذين يجوا والمواطن يشعر ان انا موجود معاه مفيد فوزى :انا عايزيا فندم اكلمك عن المستقبليات علم غائب فى بعض الاحيان فى حياتنا هل لديك قواعد عامة او اشياء مستفادة من واقع كارثة السيول فى اسوان؟ محافظ اسوان :هى الحقيقة الكارثة دى بتحصل عندنا كل 15 سنة يعنى مش حاجة سنوية او دورية واخر سيل كان 94 تقريبا مفيد فوزى :يعنى يا فندم هنسكت خالص؟ محافظ اسوان :لالالأ اطلاقا انا انهاردة فى مكتبى منتظرنى رئيس الهيئة العامة القومية للاستشعار عن بعض وعلم الفضاء علشان ادرس معاه واعمل برتوكول معاه للتنبؤات المستقبلية ان شاء الله السيول هتيجى منين السيول فين الاماكن المتوقعة للانهيارات الجبلية فين اعرف كل الكلام ده عن علم مفيد فوزى :انا شخصيا اكرة الطمأنينة الكاذبة يطلع مسئول يطمنا ينيمنا يخضرنا ونضل ساكتين لغايه ما تيجى كارثة اكبر انما لما يكون التحاور مع رجل علم مفيش طمأنينة كاذبة فى معلومات ربما كانت صادمة ولكنها معلومات فى نهايه الامر لابد ان نعرف ونفهم اتحاور الان حول قضية السيول مع رئيس هيئة الاستشعار وهو رجل فى نهايه الامر علمى كل الذى ارجوه منه هوان يعبر فى اجاباته عن معانى تصل الى حضراتكم ميبقاش حاسس ان هو قاعد فى مدرج فى كلية العلوم او كلية الهندسة واعتقد وصلته الرسالة مأساة السيول ارصاد ولا هيئة استشعار؟ عالم ارصاد : هى ارصاد وجزء منها هيئة استشعار مفيد فوزى :اد ايه تستشعر هيئة الارصاد بان في امطار او سيول قادمة لا محالة؟ عالم ارصاد :هيئة الا رصاد تستطيع ان تتنبأ بالسيول قبل موعدها من 3 الى 5 ايام على الاكثر مفيد فوزى : فقط؟ عالم ارصاد : فقط مفيد فوزى : هل هذه المنطقة كما نسمع ان دى منطقة حزام زلازل هل المنطقة دى اللى احنا فيها حزام سيول؟ عالم ارصاد :لأ مش حزام سيول اصل احنا برضهلو اتكلمنا عن السيول بتتفاوت فى شدتها احنا ما نقدرش نقول ان مصر فى حزام سيول يعنى سيول شديدة القوة مفيد فوزى :فى السيول هل الاستشعار يستطيع ان ينبه يحذر نعمل حساب؟ عالم ارصاد : اه طبعا هو المسئولية ان انا باقول ان الاستشعارمسئول فى الحتة دى مفيد فوزى :هل لدينا ثقافة العوائق والتحسب؟ عالم ارصاد :مش بالقدر الكافى مفيد فوزى : السيل اللى حصل حضرتك تفضلت مشكورا وجئت الى هنا من اجل اجراء برتوكول مع محافظة اسوان هل هذا الخبر تأخر كثيرا؟ عالم ارصاد :بالنسبة لى من ساعة حدوث السيل طبعا كان المفروض يبقى قبل كدا مفيد فوزى : قبل السيل وليس بعده. عالم ارصاد :قبلة بس بفترة قليلة مفيد فوزى : ايه الحكمة؟ عالم ارصاد :لان المفروض لماتحدث اعصار والصدمة المفروض الاستجابة تكون اسرع من ذلك لان احنا بتبقى فى بعض ظواهر بتحصل بعد الصدمة مباشرتا ما بنلقيهاش بعدها بفترة اطول مفيد فوزى : اه عالم ارصاد :يعنى كمثال مثلا السيل انا عايزادرس مثلا توزيعات المياه على الارض اشوف تجمعات الميه بعد فترة مثلا بعد شهرين مش هلاقى الميه دى هل طريقة البناء مصيبة وتحذر عالم ارصاد :اه مفيد فوزى :هل حذرتم منها؟ عالم ارصاد : يعنى اه حذرنا بعد الناس كلها بتحذر مفيد فوزى : ليه قلت بعد يا دكتور ايمن وانت راجل عالم فى مجالك لية قلت بعد؟ د/ايمن : لاننا. مفيد فوزى :وهى كلمة قاصية. د/ايمن : لان احنا عادة بننتظر بعد حدوث المشكلة علشان نتنبة كلنا مفيد فوزى : هل حدوث المشكلة حتى نتنبا؟ د/ايمن :لا مفيد فوزى : هل التنبية فى حياتنا بالكوارث؟ د/ايمن :هو ده الواقع للاسف مفيد فوزى :دكتورايمن الدسوقى رئيس هيئة الاستشعارعن بعد بكل اسف مرة اخرى اكره الطمأنينة الكاذبة. فاصل مفيد فوزى : قولى لى ده بيتكم؟ مواطنة :ايوه مفيد فوزى :دى اوضة ايه اللى هناك دى كانت اوضة نوم؟ مواطنة :دى اوضة ده المطبخ ودى اوضة معيشة حضرتك دى صالة مفيد فوزى :هو انت قمتى من النوم على السيل خلاص هنبتدى نقفل وهنام يعنى مش نمنا. مواطنة :اه دى حاجة وبعدين الميه ابتدت تنزل وانكسرت اوضة النوم من جوة ودخلت الميه مفيد فوزى :يعنى هجمتكم؟ مواطنة :اه بقت تدخل فتحنا الباب وكل اللى عملناه فتحنا لقينا حصيرة رميناها بره الارض بتزحلق فرمينا عليها الحصيرة وطلعنا فلقينا طلعنا فوق السطح خدنا الحوش وفى ممرطلعنامن هنا طلعنا على السطح لقينا الدنيا بحرادمنا والميه عليت كان ممكن تدخل علينا كمان هنا فطلعنا مشينا الجبل, جماعة من جيراننا جم خذونا فبيتنا فوق مفيد فوزى :بيتوا فوق فى الجبل؟ مواطنة :اه بيتنا فوق فى الجبل عند الجيران الصبح نزلنا لقينا المنظر اللى حضرتك شايفة الدنيا بايظة خالص يعنى مفيش اى معالم لبيت مفيد فوزى :مفيش اى معالم لبيت يعنى انت ضامن ان انا شربت الميه دى من الزير د ه مفيش اى مشاكل؟ مواطن :مفيش اى مشاكل طبعا مفيد فوزى :اشمعنا ليه يعنى؟ مواطن :لانها مية مكررة جايه من الصنابير الحنفيات والمرشحات فيها معقمات وكلور وكل حاجة مفيد فوزى :ودى زى الثلاجة يعنى اسقع؟ مواطن : دى احسن من الثلاجة لانها طبيعية مفيد فوزى :واحسن من الميه المعدنية؟ مواطن :واحسن من الميه المعدنية لان انت لو جيت منشوار من الخارج وشربت من الميه دى ما بيحصلكش اى تغييرات فى الجسم مفيد فوزى :اه والثانية؟ مواطن :الثانية طبعا لو شربت منها بيحصل لك تغير بيدخل على الرئة فبتعمل امراض ثانية معاها مفيد فوزى :اه هشرب بعد ما اخلص. مواطن :اتفضل مفيد فوزى :طيب عايزك تقولى انت قولت لى فى ملاحظة مهمة ينبغى ان تقال للناس اللى بيدبروا مساكن للمضارين ايه هى الملاحظة؟ مواطن : الملاحظة حضرتك المسئولين لما بيجوا من القاهرة من اسوان ومن جميع المحافظات عندناالعادات والتقاليد بتاعت الاجداد بتختلف من 150 سنة من 200 سنة فالاب بيزوج اولاده معاه سواء بنات او ذكور فبالاخص البيت بيكون عنده بنت او اثنين او ثلاثة او اربعة فبيتزوجوا معاه فى نفس البيت مفيد فوزى :بيعيشوا فى نفس البيت؟ مواطن :بيعيشوا فى نفس البيت مفيد فوزى :اذن معنى كدا هيعملوالك مثلا مسكن ملائم هيدوك شقة واحدة؟ مواطن :طبعا هيدوك شقة يبقى المجتمع كدا ضرر باهل اسوان وباهل ابو الريش خاصة مفيد فوزى :يعنى افهم من كدا لابد عند الحصر الاجتماعى ان تراعى هذه النقطة؟ مواطن :الحصرالاجتماعى تراعى كام ولد او كام بنت ومتزوجة ومعها كام من الاولاد مفيد فوزى :عشان كله بيعيش فى بيت واحد؟ مواطن :لان كله بيعيش فى بيت وهذا هيضر بيه لو اداة شقة واحدة فى اسوان هيبقى اتظلم انما لما ياخذ كذا شقة هيبقى فى عدالة اجتماعية مفيد فوزى :اسمك رقية رقية ايه؟ رقية احمد عبد الوهاب :رقية احمد عبد الوهاب مفيد فوزى :رقية احمد عبد الوهاب مولودة فين يا رقية؟ رقية احمد عبد الوهاب :فى اسوان مفيد فوزى :فى اسوان قولى لى ايه اللى حصل وايه اللى شفتية وانا مش هفتح بقى انا هسمعك بس قولى؟ رقية احمد عبد الوهاب :انا اول حاجة كنت نايمة وبعد ما جدتى صحتنى جالت لى الدنيا خربانة الدنيا خربانة جمنا صحينا وجرينا لجيرانا جالو لنا تعالوا بعد ما جرينا جمنا اتزحلجنا مفيد فوزى :اتزحلجتوا فى الميه؟ رقية احمد عبد الوهاب :اه بعد ما اتزحلقنا مفيد فوزى :وانتوا الدنيا خربانة كان السبب ايه انتوا الميه دخلت عليكم؟ رقية عبد الوهاب اه الميه دخلت علينا فتحنا الباب بعد ما فتحنا الباب الميه جعدت تضرب فى بعضيها والحيطة اتهدت مفيد فوزى :لغايه فين الميه جت لك؟ رقية عبد الوهاب :الميه لحد هنا مفيد فوزى :ياااااا هه بعدين؟ رقية عبد الوهاب :بعد كده جمناجرينا عند الجيران مفيد فوزى : جريتوا بقى؟ رقية عبد الوهاب :اه مفيد فوزى :انتى واخواتك؟ رقية عبد الوهاب :انا معنديش اخوات وحيدة مفيد فوزى : وحيدة؟ رقية عبد الوهاب :اه انا وجدتى وامى لما جرينا انا وجدتى وامى مفيد فوزى :هى جدتك يعنى قوية تقدر تتحرك؟ رقية عبد الوهاب : لأ مفيد فوزى : مين اللى شالها بقى؟ رقية عبد الوهاب : مسكتها امى مفيد فوزى: امك مسكتها؟ رقية عبد الوهاب :اه مفيد فوزى :روحتوا فين بقى؟ رقية عبد الوهاب :رحناعند جيراننا مفيد فوزى : هربا من السيل؟ رقية عبد الوهاب : بعد كده الحيطة اتهدت مفيد فوزى :الحيطة اتهدت من الميه؟ رقية عبد الوهاب :اه مفيد فوزى : بعد كدا؟ رقية عبد الوهاب :قلنا نروح عند الجيران بعد ما رحنا عندالجيران بعد ما جعدنا شوية لجينا الدنيا الحيطة كلها اتبتهدلت والسراير اتبهدلت والحاجة كلها اتكسرت والتلفزيون والثلاجة والتليفزيون والبوتاجاز وجع فى الميه مش لاجينا والمطبخ بعد كدا جمنا احنا قلنا نروح نبيت عند الجيران روحناعنديهم صحينا الصبح لجينا الحيطة اتهدت والسقف وقع بس الحمد لله احنا ماكناش فى الحمام لوكنافى الحمام مفيد فوزى :الله يعنى سقف الجيران وقع؟ رقية عبد الوهاب :اه مفيد فوزى : وبعدين؟ رقية عبد الوهاب :بس الحمد لله احنا طلعنا من قبل ما يجع يعنى كان فى الحمام طلعنا من الحمام بدجيجة ونزل هو والسقف مفيد فوزى :لو كان السقف وانتوا فى الحمام كان هيبقى عليكوا؟ رقية عبد الوهاب :اه مفيد فوزى :وبعدين؟ رقية عبد الوهاب :بعد كدا رحنا دخلنا البيت لقينا الحيطة مهدمة وبس قوضه واحدة فضلت ننام فيها والبطاطين متغرقة وكل حاجة وقلنا احنا مش عايزين حاجة بس يبنوا لنا البيوت وكل حاجة عايزين نبنى بيوت وقلنا نروح ونشكر السيد المحافظ مفيد فوزى : تشكروه ليه؟ رقية عبد الوهاب :عشان مفيد فوزى :جاب لكوا بيت؟ رقية عبد الوهاب :لأ هو جه هنا شكرنا وبيت معان هنا فى الحته دى وامن مركزى وحاجات مفيد فوزى :انت عارفة يعنى ايه امن مركزى؟ رقية عبد الوهاب :اه مفيد فوزى ايه الامن المركزى ده؟ رقية عبد الوهاب :ناس هنا بتقف هنا زى القوات المسلحة مفيد فوزى :اهاااااااااااااا دول كانوا حارسين المكان؟ رقية عبد الوهاب : ونشكر السيد الرئيس محمد حسنى مبارك على جيتة مفيد فوزى : يعنى لما جه هنا. رقية عبد الوهاب : اه مفيد فوزى : تشكرية اه ليه؟ رقية عبد الوهاب : حس بالدنيا خربانة وكدا مفيد فوزى : فهو جه يصلح بس تعبيرغريب الدنيا خربانة هى فعلا الدنيا لما السيول نزلت كانت الدنيا خربانة؟ رقية عبد الوهاب : والتلج نزل فى واحد نزل علية الثلج خلت وشة عنية دى ماتفتحش ولا اى حاجة مفيد فوزى : انت نجيت هه الحمد لله. رقية عبد الوهاب : بس الحمد لله احنا طلعنا بقوة البيوت تتهدم بس احنا نطلع بقوة وشجاعة مفيد فوزى : تتطلعى بايه؟ رقية عبد الوهاب : نطلع بقوة وشجاعة مفيد فوزى : اقف الان فى مواجهة السد العالى مشروع مصرالكبيرالانجازوالتصميم واستدعى ذكريات كثيرة وفى راسى صوت عبدالحليم حافظ وهو يغنى قولنا هنبنى وادى احنا بنينا السد العالى هذا التصميم الشديد رمزكبير للسمة المصرية اقف مزهوا وانا ارى بعينى هذا الفضاء الذى يسكنة السد العالى الفضاء من ناحية الرمز فى السماء والفضاء من ناحية هذا الجسم جسم السد العالى اريد ان اطمئن على السد العالى فسوف اقابل مسئولا فى السدالعالى افهم منه حقيقة الامر م/ ابرا هيم زيد : رئيس مجلس ادارة السد العالى وخزان اسوان مفيد فوزى : عفتنى عن اى حال عن انى اقول المنصب الطويل. ابرا هيم زيد : العفو مفيد فوزى : انا يا اخى لما وقفت فى مواجهة السد العالى شعرت بكثيرمن الزهو وحسيت ان احنا فى فترة من الفترات كنا نجتمع حول شئ عظيم فى حياتنا اعتقد انه استنفر كل الهمم المصرية ده اللى كان يعتبرالمشروع القومى فى ذلك الزمن من فضلك طمنى على السد العالى. ابرا هيم زيد : حقا سيادتك ان تفخر كمصرى كاحد المصريين بمشروع السد العالى فهو مشروع القرن مفيد فوزى : هل الاعاصير الغيرمسبوقة والسيول يمكن ان تؤثر على هذا السد العالى؟ ابرا هيم زيد : الحمد لله السد العالى مصمم على مقاومة الاعاصير ومصمم على مقاومة الهزات الارضية ومصمم ان شاء الله لحد 8 ريختر والتكوين البنائى او الانشائى للسد العالى بيقاوم ذلك عندنا الحمد لله فى الجزء الشمالى من بحيرة ناصريوجد عدد 13 محطة تابعة للهيئة تابعة للرصد الزلازل وبيديرها مركزالزلازل الاقليمى مفيد فوزى : هل هناك دائما يعنى عايزاقول ايه اشياء بتبلى مع الزمن ويحصل لها احلال زى التوربينات بتاعة الكهرباء؟ ابرا هيم زيد : التوربينات طبعا الاخوة فى الكهربا ء وفى وزارة الكهرباء وطاقة الانتاج المائى دائمى التطوير والتحديث وطبعا هما يقدروا يتكلموا فى هذا المجال اكثر من كثير مفيد فوزى : على فكرة انا نفسى اقول لك على حاجة. ابرا هيم زيد : اتفضل مفيد فوزى : اقولك على حاجة اعتراضية تدينى ودنك. ابرا هيم زيد : اتفضل يا افندم اتفضل مفيد فوزى : يا اخى فى كيلومتر مربع الواحد ادخل مكان يقولك حاسب ده السد العالى اجى اتكلم مع حد فى حتة يقولى لالالالالأ حيلك ده بحيرة ناصر اجى اناقش واحد يقولك لالالالأ دى بتاعت الزراعة اقف مع حد اقولة الا قول لى يقولى لالالأتبع الرى استنى استنى استنى ابرا هيم زيد : اتفضل مفيد فوزى : استنى يا ابراهيم من فضلك ايه الحكاية لماذا لماذا هذا التفتت وبعدين بسال بقول ازاى المحافظ بقى عنده هيمنة فى بلد زى اسوان على كل هذه الجهات التى تتبع ده وده يتبع ده فى الكيلو مترالواحد عارف قالو لى ايه انه يتعامل بالحسنى هذه التقسيمات هل هى لصالح البلد كن شجاعا وقل رايك؟ ابرا هيم زيد : لأ بالتاكيد يا فندم هما اكثرعلى سرد اساليب التحديث التحديث دائم ومتطور مفيد فوزى : طيب طيب انت حضرتك قلت لى التوربينات فى الكهرباء يتحدث عنها رجال الكهرباء حضرتك بتتكلم على جسم السد اذن انت متطمئن الى جسم السد؟ ابرا هيم زيد : بالتاكيد يا فندم مفيد فوزى : ضد الزلازل ضد الاعاصير ضد سيول ضد بلى ازرق؟ ابرا هيم زيد : الحمد لله مفيد فوزى : مفيش حاجة ممكن تمس جسم السد فى لحظة من اللحظات قالوا هيضربوا السد بقنابل ولا معرفش برصاص ولا تفجيربعض الناس هددت كدا بعبط؟ ابرا هيم زيد : هو يعنى ايوه ياافندم طبعا سمعنا مثل هذه التصريحات مفيد فوزى : خد بالك ان الناس فى مصر البسطاء يحبوا يعرفوا. ابرا هيم زيد : صح يا فندم كما سعت ذكرت هناك بعض التصريحات الغيرمسئولة على مثل هذه مفيد فوزى : انا المهم عندى حصل ولا ما حصلش؟ ابرا هيم زيد : لا يؤثرتماما لا يؤثرتماما السد العالى سد ركامى سد من صخور الجرانيت وملبس بالرمال ويقاوم اى من مثل هذه التصرفات والسد العالى مؤمن تماما تماما بالقوات المسلحة المصرية وهى ..على المصلحة العامة؟ مفيد فوزى : انت لما حصلت الاعاصير والسيول دى مجلكش شعور باى خوف؟ ابرا هيم زيد : ابدا والله بس كنا متواجدين على جسم السد وبنطمئن على جسم السد مفيد فوزى : يعنى ايه استنى متواجدين على جسم السد؟ ابرا هيم زيد : لابد ان نتحرك مفيد فوزى : يعنى عملتوا ايه يعنى؟ ابرا هيم زيد : متواجدين مفيد فوزى : وانت متواجد هتعمل ايه؟ ابرا هيم زيد : هقول لسعدتك عندنا معدات مفيد فوزى : اه ابرا هيم زيد : للطوارئ الحمد لله يعنى كان على بعد 30 كيلو من السد اقرب نقطة من السيول اللى حدثت فى اسوان كانت على بعد 30 كليو من السد شمال مفيد فوزى : يعنى ده امن يعنى؟ ابرا هيم زيد : احمد لله امن مفيد فوزى : اقدراسألك سؤال ولاتقولى؟ ابرا هيم زيد : اتفضل يا افندم مفيد فوزى : هتقولى تانى من بتوع الرى؟ ابرا هيم زيد : لأ اتفضل يا افندم تحت امرك مفيد فوزى : حقيقة ان التربة فى اسوان تربة عدوانية؟ ابرا هيم زيد : يعنى ايه عدوانية؟ مفيد فوزى : بانها تمتص المياه ابرا هيم زيد : يعنى هى التربة مختلفة يعنى هنا التربة فى صخرية مفيد فوزى : التربة هنا ابرا هيم زيد : اه فى من صخور الجرانيت اه حتى محطة الكهرباء منشأة فى جبل جرانيت وجسم السد مكون من صخور الجرانيت وفى اماكن اخرى فيها تربة طفلية انتفاشية ومختلفة يعنى مفيد فوزى : يعنى ايه انتفاشية ابرا هيم زيد : يعنى بتتأثربالميه يعنى لما تجيلها الميه مثلا من امطاروسيول ما الى ذلك بتنتفش وتتحرك بتنتفش وتتشقق بعد فترة مفيد فوزى : ايه اكثر شئ صادف جسم السد طوال هذا الزمن الطويل؟ ابرا هيم زيد : اكثر حاجة كانت فى اوائل التسعينيات زلازال كان 2ر5 ريختر ده اكبر حاجة حصلت فى تاريخ السد وفبراير الماضى كان حوالى 4 ريختر الحمد لله مفيد فوزى : ايه الرقم لا قدر الله اللى ممكن يؤثر؟ ابرا هيم زيد : اللى فوق ال 8 ريختر فاصل مفيد فوزى : اناعايز اعرف مشاكل الناس اللى هى فى الايوهء او الخيام؟ مواطن : احنا مشاكلنا هنا ان احنا يعنى البيوت كلها طبعا زى ما انت حضرتك شايف فى بطن الجبل مفيد فوزى : نعم مواطن : مفيش مشكلة هنا فى بطن الجبل بس المشكلة كلها فى الخوراللى هو بتيجى منه الميه احنا البلد هنا مقسومة بين خورين مفيد فوزى : انت بيتك اتنكب؟ مواطن : بالضبط اه على بعد 100 متر كده من هنا مفيد فوزى : سكنت فين مواطن :انا ساكن عند اقاربى مفيد فوزى : عند اقاربك؟ مواطن : اه مفيد فوزى : لكن ما روحتش مساكن الايواء؟ مواطن : لأ مفيد فوزى : ليه؟ مواطن : هو المحافظة قامت معانا بدوركويس مفيد فوزى : وبعدين انت لية ما سكنتش فى مساكن الايواء مواطن :احنا هنا يعنى زى ما تقول ايه احنا ناس اسرمع بعضيها فا المشكلة عندنا ان احنا نروح نسكن فى ايواء او خيمة اوحاجة زى كده طبعا فى يعنى فى قريب هيشيلنى خلاص مفيد فوزى : اه يعنى مادام قريبك هيشيلك خلاص . مواطن : اه تمام مفيد فوزى : طب ايه مشاكلوا؟ مواطن : مشاكلنا ان احنا هنا يعنى من ساعة الحادثة اللى حصلت مفيد فوزى : لا السيل من ساعة السيل....... مواطن : اه هنا المحافظة وقفت معانا كويس بس من ساعة سيادة الريس مشفناش اى مسئول غير حضرتك انهاردة مفيد فوزى : من ساعة الرئيس ما سافر؟ مواطن : من ساعة الرئيس ما سافر محدش سال فينا خالص الجماعة بتوع الشئون الاجتماعية قاموا بالدورالاول بتاعهم ان هما قاموا بزيارة عشوائية للبيوت مفيد فوزى : وبعدين؟ مواطن : قدموا برضه مساكن عشوائية لكن الناس اللى تستاهل ما قدموا الحق بتعها اللى ممكن تعوضهم بيها زى ما قدموالباقى الناس مفيد فوزى : اه على فكرة عايز اقولك على حاجة مهمة جدا لازم تبقى عارفها مبارك لما جة هنا وبص على النجع شديدة اوعى تفتكر ان هوجه مننا ولا عطفا؟ مواطن : ده دورة مفيد فوزى : اسمعنى لما اكمل كلامى ماتقاطعنيش. مواطن : اتفضل مفيد فوزى : اتعلم الحوار ازاى يبقى بينى وبينك. مواطن : حضرتك محاور طبعا واحنا عارفين مفيد فوزى : لالالالأ ان بكلمك كا راجل فى هذا المكان يعنى جه هنا مبارك لا منا ولا عطفا ولا شعبية انتخابات مش محتاج انما جه يشوف ناس بلده جرا لهم ايه اللى انت منهم انت فهمنى فاذا كان بعد الرئيس مسافر المسئولين محدش جه منهم يشوفكم ولا يطمن عليكوا. مواطن : واكن فى حاجة حصلت مفيد فوزى : فهمنى ليه الناس فى اسوان لما حصلت مساكن ايوهء وخيام رفضوا وراحوا يقعدوا عند جريبنهم وقالوا جريبى يشيلنى ده نمرة واحد نمرة اثنين لما جه يوزعوا المؤنه رفضوا ياخذوها وقالوا ما نخدش مؤنة من غريب نخده من قريب فهمينى طبائع الاسونلى فى هذه الناحية؟ مواطنة : حضرتك احنا اولا مجتمع كلنا نعرف بعضنا كلنا اقارب يا اما جعفرية يا اما عاببدة يا اما نوبيين يا اما بوشرية العملية ان كلنا داخل بعض وكلنا اقارب بعض حتى لو بصيت حضرتك للبيوت دى هتلاقى الاخ ساكن جنب اخوة جنب ان عمة جنب ابن خالة كلنا اسرة واحدة مفيد فوزى : فلما يقع بيت؟ مواطنة : فلما بيقع بيت تبص تلاقى حضرتك الجار دة قريبة مثلا خالة عمة ابن عمة فبيبتدى يقوله لأ متروحش فى اى مكان انا بيتى مفتوح وازاى تروح مكان تانى وانا بيتى مفتوح مفيد فوزى : يا سلااااااام اه. مواطنة : دى حقيقة شفناها مفيد فوزى : فى المجتمع ده؟ مواطنة : فى المجتمع مش بس الاقارب لأ كمان الجيران وظهرت بصورة جميلة جدا هناعندنافى الشيخ على فى جيرا اخوة مسيحيين واخوة مسلمين الاخوةالمسحيين على طول اول لما حصلت المشكلة فتحوا بابهم بالكامل لجميع اسر المسلمين اللى حواليهم مفيد فوزى : ودول بيتوهم كانت اتهدت؟ مواطنة : ودول بيتوهم كانت اتهدت خلاص العلاقة اصبحت علاقة اخوية وصداقة مفيد فوزى : طب فيمايتعلق بالمؤنة اللى اتوزعت المجتمع المدنى عرفت انه وزع مؤنه على الناس؟ مواطنة : ده حقيقى مفيد فوزى : رفضوا يخدوها وقالوا ما نخدش من الغريب ايه معنى الغريب هنا؟ مواطنة : لأ هو الغريب حضرتك مش المقصود به حاجة هوالمقصود ان احيانا كان المضوع بيتم بعشوائية اى حد نازل بيوزع اول ما ينزل بيعرف طبعا ده شعور جميل منهم واحنا كاهالى ابو الريش فرحنين قوى ومبسوطين من القصة دى بس احيانا لما يجى حد مثلا من القاهرة ويقول اناهوزع فا تبص تلاقى الناس متخوفة بعض الاحيان مفيد فوزى : تكش؟ مواطنة : تكش من ناحية ومن ناحية ثانية مش عايزين يظهروافى الاعلام بصورة انهم اللى بياخذوا الاعانات او او الى اخرة مفيد فوزى : هل ده كبرياء الناس فى اسوان؟ مواطنة : ثقة بالنفس اكثرمن انها كبرياء وعزة نفس اكثر من انها كبرياء مفيد فوزى : ياجمال انابكلمك دلوقتى مش لانك انت راجل بتشتغل فى الوحدة المحلية انابكلملك الرجل الاسوانى الذى ادير يعنى بيتك على راى بنت خالتك بقى ذكرى هه ذكرى مفيش ده كانت ايه الاوضة دى الحتة اللى انا قاعد فيها دى ليه؟ مواطن : فى الصيف بطلع سراير جريد سراير خشب لوح اى حاجة كدا بنام عليها هنا مفيد فوزى : ده كان ايه هن كان ايه قول لى تعالى قولى الجزء ده كان ايه؟ مواطن : لأ ده الجزء ده حوش مفيد فوزى : حوش؟ مواطن : حوش اه واسع كده مفيد فوزى : الله لكن ده كل حاجة؟ مواطن : ده المراتب كلها الميه غطتها يعنى ده لو نيمين العيال كانوا فطسوا من الميه الميه غطت بتاع مترو نص مفيد فوزى : متر ونص؟ مواطن : او مترين او اكثر كده ادى علامة فى الحيط هو الكنب انا فارش 4 كنب غرقوا بمساندهم بالتكايات اللى على الحيط مرتبتين على السرير السرير ومرتبة غرق 3-4 سراير والمراتب القطن ودى معرفتش اشيل انا يعنى مرتبة الكنب يرفعها سته و7 من الثقل يعنى مفيش حاجة زى ما شايف مفيد فوزى : تعالى يا جمال ورينى اه. مواطن : ادى مراتب وادى مراتب وادى مراتب مفيد فوزى : انما اقولك ملحوظة يا جمال تعالى مش ملاحظ ان الحمام الحمام اللى فوق هناك ده. مواطن : اه مفيد فوزى : يعنى زى ما يكون بيدى لك احساس برضه مصر ما بتتخلاش عن ناسها السلام ايه رايك؟ مواطن : الحمد لله مفيد فوزى : دول بتاعكم؟ مواطن : دول بتعنا وبقالهم اكثر من سنتين ثلاثة هنا مفيد فوزى : الله ومحصلش لهم حاجة؟ مواطن : ربنا بجى هو البيحمى الكل مفيد فوزى : مش حاجة غريبة؟ مواطن : والله علم ربنا مفيد فوزى : وهما برضه فى النهار كانوا يقعدوا كدا؟ مواطن : هنا وهنا مفيد فوزى : شئ غريب؟ مواطن : شئ غريب اه مفيد فوزى : الغسيل ده ايه اللى انتوانشرينة ده؟ مواطن : ده مطلعها من الطين مفيد فوزى : اه مطلعها من الطين؟ مواطن : يعنى ده مغسول اربع خمس مرات كدا علشان تنضف كل يومين يوم بعد يوم يغسلوها تانى تنشف يغسلوها تانى مفيد فوزى : اذن اقدر اقول ايه ساكنين فى حضن الجبل فى حضن الجبل؟ مواطن : والله انا مولود هنا 58 مفيد فوزى : ايوه ما انا فاهم لكن ده حضن الجبل الصخور دى مش يجى يوم تقع يا جمال. مواطن : والله بقالنا من سنين ما اتولدنا مفيش حجر وقع هنا مفيد فوزى : ايوه لكن هذه الصخورمن الممكن ان تستجيب لزلازال والصخور دى هتفضل تدحرج تدحرج تدحرج تاكل البشر.؟ مواطن : بس طلعنا اجدادنا وجدودنا مفيش حاجة ابدا ومفيش ميه بالشكل ده نزلت. مفيد فوزى : يعنى استنى سيول 93 مكتش بالخطورة دى؟ مواطن : لأ مكتش بالخطورة دى ده اخطر وانا لوفى مشكلة لو فى صرف صحى كان خذ الميه دى ومشى بيها لان انا عامل بيارات برة البلد دى كلها على بيارات تيجى عربية بتشفط ولو اتأخرت العربية علينا المجارى نفسها بتطلع يعنى انا بنزح كل شهرتيجى هنا العربية تاخذ الميه مفيد فوزى : ارجوك تقول لى الدولة فى هذا المشهد ايه اللى عملته من اجراء بعد هذه الكارثة؟ مواطن : والله انا صراحة اول حاجة باشكر لان محافظ اسوان بات معانا هنا مفيد فوزى : بات معاكوا فى الحتة دى فى الشديدة؟ مواطن : اه بات من الساعة 10 ونص 11 الا ربع كان هنا مفيد فوزى : غيرة المسئولين. مواطن : الحمايه المدنية مفيد فوزى : لأ استنى طول بالك.
