عنوان الحلقة : ارتفاع الاسعار مع سخونة الاحداث السياسية ======================== محمد القاضى : اهلا بكم حلقة جديدة من 45 دقيقة حلقة بداية الاسبوع النهاردة هنشوف الناس بدات رمضان ازاى هنتكلم عن الاسواق وازاى بيتم المراقبة على الاسواق خلال هذه الايام مع السيد اللواء احمد الموافى ايه اخبار السوق فى هذه الايام اللواء احمد الموافى : الحمد لله السلع التموينية متوفرة وايضا رغيف الخبزوالسلع الرئيسية على البطاقات التموينية المهم السلع المعروضة فى السوق تكون صالحة للاستخدام الادمى من لحوم من دواجن من مواد غذائية سلع رمضان محمد القاضى : لك علاقة بالاسعار اللواء احمد الموافى : ايه الاسعار الموجودة فى الدولة الاسعار اللى بتدعمها الدولة مواد بترولية عيش انبوبة البوتاجاز بتباع بسعر محدد السلع الثانية عرض وطلب وفى تحديد لسعر السلعة وانت بتشترى لابد السلعة تكون محددة السعر محمد القاضى : طب فى سلع مش محددة السعر اللواء احمد الموافى : فى سلع مش محددة انت بتقولة بكام يقولك بكذا محمد القاضى : دى مخالفة ؟ اللواء احمد الموافى : اه محمد القاضى : افهم من كده انت لو دخلت محل ومش حاطت السعر على السلعة دى فى حد ذاتها مخالفة ؟ اللواء احمد الموافى : اه مخالفة عدم الاعلان عن الاسعار لكن انا يهمنى المنتج صالح والمنتج غير مغشوش محمد القاضى : قبل مانوصل للجودة نشوف موضوع الاسعار مع الزميل محمد عطية تقرير: محمد عطية .. رمضان غابت فرحتة عن الكثير من البسطاء اللذين اكتوا باسعار العديد من السلع الغذائية بالاسواق التجار اكدوا ان اسباب ارتفاع الاسعار تعود الى مامرت به البلاد من اضطرابات سياسية اثرت على حركة التجارة بالاسواق مواطن : أهم حاجة الدخل مفيش دخل اساسا فى نفس الوقت الاسعار مش مخلية حد يعرف يشترى احنا مش عارفين نشتغل اصلا البائعين مش عارفين يودوا ولا يجيبوا مواطن2: الجو تعبان فى رمضان مفيش بيع وشرا خالص الحاجة غالية الفراخ ب 20 جنية الناس تشترى ازاى مواطن 3 : محدش عارف الاسعار غالية من ايه الفلاح والا مواطن4 : مفيش حد حاسس برمضان السنة دى خالص مفيش بيع ولا شرا الناس بتخاف تنزل من بيوتها مواطن5 : مفيش بيع ولا شرا والسمك غالى الحالة واقفة هنقول ايه مواطنة : البامية ب 10 جنية سمك ب14 جنية رز ب5 جنية فين الشغل فين الحركة اللى هنشتغل بيها فين الاكل ناكل عيلنا مفيش شغل مواطن6 : الاسعار كده كده غالية مولعة اللحمة بتبيع وتيجى اخر الجمعة تحط من جيبك المواطنون اكدوا ان هذا العام شهد ارتفاعا كبيرا فى ارتفاع كل شئ بالاسواق مما جعلهم يعرضوا عن شراء احيتاجاتهم الاساسية مواطنة2: عشان فى سرقة من الاساس لو كان فى رقابة كانت الحاجة تبقى كويسة مواطن8: الاسعار وحشه جدا جدا كل حاجة بتغلى والناس مش لاقية مواطن9: الحركة والدخل الاول كان الواحد لنص رمضان كان بيبقى معاه الدخل لفلوس العيد وفلوس اللبس دلوقتى ماشى يوم بيوم ومش مكفى يومه الناس ماشية مكفية يومها بالعافية مواطنة3 : مفيش مفيش مفيش ولادى معاهم تاكسى بس الايجارات غالية ومفيش مفيش وربنا يصلح حال البلد جميعا يارب مذيعة : اذن مطلوب من الحكومة الجديدة ان تضع المواطن البسيط على راس اولوياتها فى المرحلة المقبلة فاصل محمد القاضى : احمد الموافى مساعد وزير الداخلية مدير الادارة العامة لمباحث التموين حضرتك قلت انتوا كمباحث تموين بتهتموا اكثر بالجودة والاسعار فيما يخص السلع المدعمة لكن فى كثير من الدول وبعض الدول فى الفترة الاخيرة لما لاقت مبالغة فى هوامش الربح اللى بيحددها التجار فرضت هامش ربح ما يزيدش عليه التاجرلماذا لا يطبق هذا فى مصر؟ اللواء احمد الموافى : هنا نظام التجارة العالمى التجارة الحرة الدولة بتتدخل اى دولة فى العالم هنا بتتدخل بعمل عروض اسعار محمد القاضى : فى المجمعات الاستهلاكية ؟ اللواء احمد الموافى : اه محمد القاضى : باسعار اقل يعنى اللواء احمد الموافى : اه اقل لكن التدخل فى الدعم للسلع الاساسية محمد القاضى : يعنى انا بتكلم فى السلع الاخرى اللى هى مش مدعمة اللى هى مفروض عرض وطل الدول الراس مالية السوق العالمى الحر تدخلوا لتحديد هامش ربح اللواء احمد الموافى : اى دولة بتتدخل من جيبها لتحديد الربح فى الاسواق محمد القاضى : لأ دا حددوا هامش ربح يعنى مثلا 10% بعض الدول زودت هامش الربح اللواء احمد الموافى : كان زمان بعض الادارات مختصة لتحديد هامش الربح وتحديد اسعار كل شئ كان فى ا لسبعينات والثمانينات كل شئ محددة اسعارها معدش دلوقتى خالص هوالمفروض ان التاجر بيلتزم بالسعر اللى بيعرض بيه منتجة وانت كمواطن بتشوف وبتشترى لكن الاسعار اللى الدولة بتتدخل فيها وبتدعمها بتحدد اسعارها محمد القاضى : ايوا علشان هى بتدعمها اللواء احمد الموافى : بتدعمها لكن كل السلع بتخضع للعرض والطلب الاسماك مفيش حد بيشترى بات السمك سعره اقل التاجر بردك مصمم ان هو بيعمل نفس السعر لوشفنادول اوروبية او اى دول السعر فى النهار بكذا وفى الليل بيبقى اقل محمد القاضى : هناك اراء اقتصادية بتقول ان فكرة السوق الحراللى يسمح للتاجر يحدد هامش ربح ويبيع بالاسعار اللى عايزها هذه اكذوبة وقع فيه الدول النامية لكن كثير من الدول المتقدمة لأ الدولة بتتدخل وبقوة فى ظل النظام لتفرض هامش ربح حينما تجد غلوا فى تحديد هوامش الربح من قبل بعض التجاراو المستثمرين السؤال مدى تطبيق هذا وخصوصا فى ظل الظروف اللى بنعشها الان ؟ اللواء احمد الموافى : المفروض الدولة او بعض الشركات لها دور المجمعات لها دور ان تشترى المنتج من الفلاح لكن تجارة التجزئة بتخفض تخفيض كبير فلا بد ان نشجع الفلاح ونخفض اسعا رالاسمدة وندعم الفلاح علشان المنتج النهائى وايضا الالبان الاسواق تنتشر على مستوى الجمهورية علشان ا لطبقة الوسطى يحصل انخفاض فى الاسعار محمد القاضى : ايه رايك فى الجودة ؟ بس خلينا نبدا الجودة بالكنافة او بسلع منتعشة فى شهر رمضان نشوفها فى تقريرونرجع نكمل تقرير: يحل بنا شهر رمضان ومعة يكثرالاستهلاك على كافة المستويات غير ان عدد من السلع يلقى رواجا ملحوظا فى هذه المناسبة مثل الكنافة والقطايف وغيرها من المواد المرتبطة بالشهر الفضيل مواطن10: كاى مهنة لها موسم احنا موسمنا بيبقى فى شهر رمضان بنتوقع فيه الخير انشاء الله الزيادة احنا عارفين السنه د ى هيحصل انخفاض للبيع لكن النسبة منخفضة النسبة كبيرة طبعا امر طبيعى عشان الحالة السياسية اللى احنا فيها محمد القاضى : رمضان كلة خير يزداد الاقبال على هذه الاكلات فى رمضان وكل ذلك ما يبرره لدى المستهلكين مواطن11: هى عادة قديمة قوى وحاجة حلوة فى الاكل بتتاكل مرة فى السنة بس مواطن12: زى مثلا شم النسيم الفسيخ ادمنا طول السنة ومع ذلك بيزيد الاقبال عليه بردوا كده فى شم النسيم فدى بردوا تعتبر حاجات مرتبطة باية بعادات من زمان من عندنا مواطنة4: مينفعش يعدى رمضان من غير الكنافة والقطايف مذيع : ولا تحلو مائدة الشهر الكريم دون هذه الكنافة التى اعتاد عليها المصريون فى شهر رمضان فاصل محمد القاضى : احنا بنتكلم عن دور الدولة فى ان ازاى تسيب سلعة اى ان كانت حتى لو سلعة استهلاكية سلعة كمالية ازاى حضرتك يتساب ان تتباع الكيلو منها فى الغيط اوفى المصنع ب 10 جنية يوصل للمستهلك ب 100 جنية ؟ اليس هناك الية للتدخل لراب هذا الصدع اللواء احمد الموافى : المنتجات الزراعية مفروض الدولة تتدخل والشركات حتى يصل المنتج الى المستهلك باقل الاسعار عندنا فاقد النقل والتخليف مفروض منتجنا يحترم شوية محمد القاضى : ننتقل الى الجودة مراقبة الجودةازاى من خلال ايه اللواء احمد الموافى : المصانع المعروض فى السوق ياخذ منه عينية لمعامل التحليل شغلتنا كجهاز رقابى معلومات وتحليلات احنا شغلتنا كمواد غذائية لابد ان انا معلوماتى اتاكد ان المصنع هل مستلزمات الانتاج صالحة والاغير صالحة ايه المواد اللى بتدخل فى الانتاج هل المواد صالحة والا منتهية الصلاحية والا مواد خغشوشة كل ده لابد نجمعه ونبدا نوجه بها حملات علشان ضبها ان كانت غير صالحة للاستخدام الادامى محمد القاضى : ايه طبيعة علاقتك كجهاز لمباحث التموين مع منظمات المجتمع المدنى العاملة فى هذا المجال او فى مجال حماية المستهلك وايه علاقتك مع جهاز حماية المستهلك ؟ اللواء احمد الموافى : كل الشكاوى اللى بتتبعت لى بيتم عمل حملات عليها فى تنسيق مع وزارة الزراعة والجمعيات الزراعية ليصل المنتج الى المستهلك والمجمعات باسعار اقل من المعروض ونعمل اسواق متحركة ومتنقلة ستعمل على خفض الاسعار المنتجات المستوردة المتابعة لابد يخضع المنتج لكافة الفحوص الطبية حتى السلع الغذائية والادوية محمد القاضى : يقال ان خلال هذه الفترة زادت نسبة منتجات مصانع بير السلم مطلوب ايه من المواطن علشان ياخذ بالة من هذه الظاهرة ؟ اللواء احمد الموافى : القضايا اللى تم ضبطها فى السنة ونص او السنتين اللى فاتوا اذا كان سلع غذائية او مش غذائى علامات تجارية السوق مفتوح حتى قطع غيار السيارات الادوية كل حاجة الكهربة كل شئ اللى بيقلد منتج علشان يبيعة فى الاسواق بالتنسيق مع الجهات الرقابية علشان المهرب من الخارج نقف على حقيقتة علشان عندك السجائر المضروبة محمد القاضى : ماركة معروفة اللواء احمد الموافى : فى معروف وفى تقيلد محمد القاضى : تقليد للاسم لو شك يعمل ايه ؟ اللواء احمد الموافى : هو كل المنتج المشكلة ان احنا بنجرى ورا الارخص لابد اتاكد من السلعة اللى هنشتريها المواد الطبية كل شئ السلع اللى بتعرض باسماء شركات عالمية لكن مضروبة فى السوق دى كان فيها حتى كروت الشحن شركات تلعب فى الاسعار وتزود محمد القاضى : ازمة البنزين والسولارنطمن ازاى ان ده ما يتكررش تانى ؟ اللواء احمد الموافى : احنا عارفين احنا بننتج اد ايه واستهلاكنا اد ايه لابد الدولة تستمر فى الضخ العطل فى مسطرد اثر فى الانتاج المحلى الحمد لله بعد 30 الامور استقرت محمد القاضى : نشوف فئة دعاة الازهر فى توعية المستهلك زميلنا نعيم ابراهم عامل لنا تقرير عن دور دعاة الازهر فى هذه المرحلة نشوفة ونرجع تانى تقرير: فى شهر رمضان المبارك يجتهد علماء الدين فى نشر تعاليم الاسلام واهم ما اجمعوا عليه هو حرمة اراقة الدماء الشيخ رمضان عبد الرازق : انادى على المصريين جميعا مذكر لهم بحديث النبى صلى الله عليه وسلم كل المسلم على المسلم حرام مالة ودمة وعرضه وايضا حديثه صلى الله عليه وسلم لزوال الدنيا باثرها اهون من سفك دما مسلم الشيخ محمد احمد الدلوع : قتل النفس الله سبحانة وتعالى بعد الشرك به وهذا دليل على حرمة هذا الامربل قال الله سبحانة وتعالى فى كتابة العزيزومن يقتل مؤمنا متعمدا فجزاه جهنم خالدا فيها وغضب الله عليه ولعنه واعد له عذابا عظيما اربعة امور عواقب من يقتل مؤمن متعمد مذيع : علماء الدين ايضا اكدوا اهمية الاقتداء بالرسول الكريم محمد صلى الله عليه وسلم فى الدعوة الى نبذ العنف وحقن الدماء اعلاء مصلحة الوطن نصت عليه كل الديانات فمعا نتخذ من الشهر الكريم بداية نحفظ بها بعضنا البعض محمد القاضى : كل المؤمن على المؤمن حرام وكل الوطن وكل المصرى على المصرى حرام بما فى ذلك مش دمه بس حاجتة واستغلال الحاجات خلينا نغلق حوارنا بانك تقول كلمة للمستهلك المصرى عايز تقول له ايه اللواء احمد الموافى : لأ من غشنا فليس منا ده حديث رسول الله صلى الله عليه وسلم وانا عايز اقول لابد كلنا ان احنا نرغم التاجر على البيع بالثمن اللى احنا عاوزينة لو احنا كلنا جمعيات استهلاكية ولو احنا كلنا جمعيات اهلية وكل الناس دى كلها بلاش اضغط على سلعة معينة لو ضغطنا لابد حصول ارتفاع فى الاسعار زى الدولار غلى لابد يبقى فى هيئة تقول باستورد بكذا اتكلف عليا كذا لابد ربحك يبقى فى حدود كذا محمد القاضى : سيادة اللواء احمد الموافى مساعد وزير الداخلية مدير الادارة العامة لمباحث التموين كل الشكر والتقدير ولكم الشكر مشاهدينا والى اللقاء فى حلقة جديدة تابعونا.