منال الاتربي: مشاهدينا السلام عليكم ومساحة جديدة للراي حول دعوات الجهاد في سوريا للاجابة على هذه الاسئلة في حوار مساحة للراي مع الكاتب الصحفي الاستاذ طارق اسماعيل نائب رئيس جريدة الاهرام استاذ طارق ايه تفسيرك لاتهام المانيا لمصر بالارهاب الكاتب الصحفي. طارق اسماعيل: يعني انا عاوز ارجع للمشهد من الاول من اول مابدات امريكا تغازل التيارات الاسلامية كانت المغازلة مش اقتناعا بالتيار الاسلامي هما كان لهم اهداف انهم بياخدوا يحقوا بيه مصالح معينة وبعيدن يخلصوا منهه بعد كده زي اسامة بن لادن وشاه ايران وصدام حسين بيدل على ان امريكا تتعامل مع الامور وفق مصالحها وهما لما جم يساندوا التيار الاسلامي كان لهم اهداف كان يجب على التيار الاسلامي ان يفهم لماذا اقبلت عليه الولاياتالمتحدة وهي ترى ان التيار الاسلامي هو العدو الرئيسي لها ؟ امريكا كانت تريد من التيار الاسلامي خطوات محددة ان يكون هناك تيار سني يواجه التيار الشيعي في ظل امتداد التيار الشيعي وبدا يمثل خطر على النفوذ الامريكي في المنطقة فقالت انه دول يخلصوا على بعض واحتوي التيارات المتطرفة انما الحقيقة انه لما جيت تحتويهم تضخموا عليك واصبحت الرغبة انك تسترضيهم فبدات الامور تهرب وبدات المسائل ما تمشيش الاهداف زي ماهما عايزينها وبالتالي بدات المدرسة الاوربية تستشعر الخطر لان المدرسة الاوربية غير المدرسة الامريكية .. النظرة الامريكية ضيقة عكس المدرسة الانجليزية اللي هو فاهم بيعمل ايه وبيتحرك ازاي من هنا لقت اوربا انه فيه خطر.. منال الاتربي: ولكن الاخوان لماذا لا يفكرون لماذا تهتم اميريكا بمصالح الاخوان الان الكاتب الصحفي. طارق اسماعيل:لا هما مش مهتمين بمصالح الاخوان .. هما للاسف بصوا بنظرة ان امريكا هتكون عامل مساعد لهم في ان هما يقدرا يتمكنوا ويبسطوا نفوذهم منال الاتربي: دائما قوة الحاكم بالقوة الشعبية ولا تاتي من الخارج الكاتب الصحفي. طارق اسماعيل:امريكا عمرها ماهتخليك قاعد مستقر عشان نتفضل محتاج لها بدليل احنا عندنا ازمة اقتصادية طب ليه امريكا ماخحليتهاش ؟؟؟ عشان تفضل كده في المحنة وتفضل محتاج لها وتنفذ تعليماتها منال الاتربي: اذن هي تبحث دائما على تنفيذ مخطط الفوضى الخلاقة الكاتب الصحفي. طارق اسماعيل:باظبط وهما فوجئوا ان السياسية الامصرية رايحين للشيعة ورايحين للاتحاد السوفيتي في مشهد مرتبك وفي نفس الوقت اوربا مش فاهمة احنا بنعمل ايه.. هو عامل سيناريو لمصر عشان كده لما رحنا زيارات لبعض الدول الكبرى زي الاتحاد السوفيتي او الصين لم تتم المقابلة بحفاوة لانه هما شايفينا ماشيين وفق المخطط الامريكي منال الاتربي: تعليقط ايه حول تعيين المحافظين الجدد الكاتب الصحفي. طارق اسماعيل:انا عايز اسال سؤال بسيط محتافظالاقصر هذا الرجل ينتمي الى الجمكاعة الاسلامية والاقصر دي بلد سياحي يعني فيه فنادق بتقدم خمرة وسياح بييجوا بزي معين حاجة من الاتنين يا انت هتقبل بذلك ودتا مخالف لمبادئك يا اما هترفض ذلك يبقى هتدير السياحة هناك ايه الفكر دا ؟؟!! وبالنسبة لباقي المحافظين كل محافظة ليها طبيعة وخصوصية منال الاتربي: ونحن نتحدث عن الاخواتن بعض القياجدات الاخوانية تشكل تحريض على العنف هل ترى ان مثل هذه التصريحات تزيد غضب الشعب المصري الكاتب الصحفي. طارق اسماعيل:ازاي انا اعمل مبادرة لنبذ العنف وبعدين اطلع اقول ان اللي هيطلع هسحقه.. يجب ان ننتقي الفاظنا منال الاتربي: يعني كنت تفضل ان يعبروا عن رايهم بسلام ويوم 30 الكرف الاخر يعبر عن رايه بسلمية من اين ياتي الاشتباك الكاتب الصحفي. طارق اسماعيل:كان المفروض انهم يعملوا رسالة انهم بتوع السلمية بس همتا ماسابوش حد انا ارى ان احنا نختاج الى نوع من الحكمة وارى ان البعض يجب ان يختفي من المشهد منال الاتربي: الجهات المسئولة لماذا لا تتخذ اجراءا صارما ضد هذه التصريحات الكاتب الصحفي. طارق اسماعيل:اللي انا متخيله انه فيه اجراء اتخذ ضد احد الاشخاص اللي هاجم مؤسسة معينة انه لا يجوز ايه اللي اقحم المؤسسات في مظاهرة سلمية احنا نعبر عن راينا منال الاتربي: ماهو المشهد الاخطر الذي يتحكم في المصريين الان الكاتب الصحفي. طارق اسماعيل:اخشى ما اخشاه ان يتحول التعبير السلمي الى فوضى احنا في خطر فيه ناس في ايديها تنزع الفتيل واتمنى اتخاذ القرارات الموضوعية لنزع الفتيل منال الاتربي: من يملك نزع الفتيل الكاتب الصحفي. طارق اسماعيل:قيادة السياسية بقرارات يعني انا مستغرب ما نشيل الوزارة ولا النائب العام يه اللي يضيرنا وغيه مليون نائب عام ايه التمسك بحاجات انا شايفها انها مش صعبة منال الاتربي: نرى في الدول المتقدمة الحكام والمعارضون يجلسون على مائدة واحدة لصالح الدولة لماذا هنا لا نلتزم بقواعد الديموقراطية ونحن نتشدق بها وننادي بها الكاتب الصحفي. طارق اسماعيل:الحوار لابد ان يتبعه قرارات لصالح الوطن لما بدا الحوار قعدات مالهاش نتايج بدا الحوار يفقد معناه يعني انت قعدت مع القيادات لازم الحوار يستتبعه قرارات وطرف يقنع التاني منال الاتربي: يعني النهاردة احنا قاعدين علشان نتفق او لا نتفق الكاتب الصحفي. طارق اسماعيل:لازم نقعد واقول الدوافع اللي عندي ايه وتكون موضوعية مش سفسطة وجدل وتضييع وقت لازم اقول انا متمسك بفلان عشان واحد اتنين تلاتة والتاني يقول ان فلان اخفق في واحد اتنين تلاتة والحوار دا يوصلنا لنتيجة اما اني اتمسك لمجرد فرض الراي دا مش هيؤدي لنتيجة .. لازم يكون فيه نوع ممن التناولات واذا فاكرين ان اامور هتمشي بالعافية فدا هيؤدي الى منعطف خطير منال الاتربي: ودا هيؤدي ان انا نصل لشعبنا بالدمار الكاتب الصحفي. طارق اسماعيل:لانه لو كل تمسك برايه الى اين سنصل تاي حد متخيل ان هو الطرف الاقوى يبقى غلطان وقوتنا في وحدتنا منال الاتربي: السفيرة الامريكية صرحت ان واشنطن لن توافق على الحكم العسكري الكاتب الصحفي. طارق اسماعيل:هي نفسها مرتبكة هي لما شاركت فيما يحدث في مصر هي في وضع مأساوي لانها في امريكا حاسين انها جزء من اللخبطة اللي حاصلة في مصر دي منال الاتربي: تريد ان تقول ان امريكا بكل ثقلها تقف وراء الاخوان الكاتب الصحفي. طارق اسماعيل:انا مش متخيل دا محدش هيقف ورا حد والكلمة الاخيرة هتبقى كلمة الشعب منال الاتربي: تتصور ان كلمة الشعب ستحدد يوم الثلاثين من يونيو الكاتب الصحفي. طارق اسماعيل:طبعا منال الاتربي: كيف ترى هذا اليوم الكاتب الصحفي. طارق اسماعيل: انا ارى انه سيكون يوم حسم وانا اؤكد ان مصر قبل 30 يونيو غير مصر بعد 30 يونيو منال الاتربي: انا طالبة جملة فيها امل انهي بيها الحلقة الكاتب الصحفي. طارق اسماعيل:انا متفاءل جدا ومتاكد ان دا هيكون بداية لصالح مصر وان شاء الله مش هيحصل كل السيناريوهات اللي تتقال والمصريين خايفين على بلدهم وهنجتاز اللي احنا فيه منال الاتربي: شكرا للاستاذ طارق اسماعيل نائب رئيس تحرير الاهرام وشكرا لكم مشاهدينا الكرام والسلام عليكم
