محمد القاضى : اهلا بكم وحلقة جديدة من 45 دقيقة نحن نعيش فى مجتمع ننتظر منه الكثير والكثير انشاء الله فى احتفال قومى بعيد العمال الرئيس مرسى خلاله هيلتقى بالعمال ويحتفل معهم بعيدهم وكلنا هنحتفل مع عمال مصر بعيد العمال كل سنة وكل عامل مصرى بخير وبصحة واستقرار - الرئيس محمد مرسى يلتقى بوزير القوى العاملة واتحاد عمال مصر - مرسى يؤكد ان العمل اساس النهضة وطريق التنمية ويشير الى انه سيزور جميع مواقع العمل قريبا - قنديل للعمال فى عيدهم اتعهد بتحسين اوضاعكم المالية - النقابيون فى اتحاد عمال مصربين المطالب والواجبات - العمال فى عيدهم يشكون سؤ الاوضاع ويطلبون الدعم الحكومى محمد القاضى : بنرحب فى حلقتا بضيفنا اللى هيكون معانا خلال هذه الحلقة محللا ومعلقا ومجيبا على كثير من التساؤلات أ. عبد المنعم الجمل رئيس النقابة العامة للارشاد والاخشاب وامين عام مساعد اتحاد نقابات عمال مصر اهلا بيك أ.عبد المنعم الجمل : اهلا بيك محمد القاضى : فى البداية بنرحب بيك كل سنة وكل عمال مصر بخير ايه رايك نبدا بفكرة استقبال الرئيس مرسى وزير القوى العاملة والهجرة واستقبل كمان رئيس اتحاد عمال مصر كنا نتساءل خلال هذا اللقاء ايه اهم الموضوعات التى طرحت وايه المنتظر الغد انشاء الله أ.عبد المنعم الجمل : احنا بنهنى كل عمال مصر فى عيد 1/مايو كان امبارح عقد لقاء مع د. هشام قنديل كان فى عدد كبير من المشكلات اللى بتقابل الاقتصاد او العمال اواوضاع خاصة بالعمال فى مصر ودى بردوا فى نفس الوقت اتنقلت لرئيس اتحاد عمال نقابات مصر رئيس الجمهمورية احنا بنامل ان يكون فى ارادة سياسية لحل المشاكل اللى تخص الاقتصاد والبلد كاكل محمد القاضى : الاحتفال غدا انشاء الله ايه المتوقع أ.عبد المنعم الجمل : كنا داعين رئيس الجمهورية وده تقليد متبع لاتحاد نقابات عمال مصر من سنين طويلة انه يحضر معانا الاحتفال بقاعة المؤتمرات بمدينة نصر لكن رئيس الجمهورية قال الافضل ان احنا فى قصر القبة محمد القاضى : ايه تفسير نقل الاحتفال هذا العام الى قصر القبة أ.عبد المنعم الجمل : احنا لاقيين الدعوة من خلال الرئاسة ان شايف فى اهتمام اكثر بالعمال وانه يستقبل العمال فى قصر القبة بمعنى ان كان راس الدولة وبالتالى ده اهتمام كبير بالعمال والحركة النقابية المصرية محمد القاضى : د. هشام قنديل وعد باتخاذ تدابير لحل كثير من مشاكل العمال هل جلساتهم مع رئيس وزراء مصر بعثت لديكم شيئا من الامل فى حل هذه المشكلات والى اين أ.عبد المنعم الجمل : احنا عرضنا كثير من المشاكل على د.هشام قنديل امس وكان فى ايجابية فى معالجة المشاكل وفى حلول فورية بالنسبة للنسيج فى مشكلتين اتحلوا امبارح خاصين بالنسيج قصة القطن وتدبير مبالغ مالية لصالح صناعة النسيج خلال يوم اويومين محمد القاضى : كويس قوى نسميها ارهاصات لحلول أ.عبد المنعم الجمل : اكيد محمد القاضى : بالمناسبة معانا على التليفون ايضا الاستاذ عمارة ابراهيم الامين العام لنقابة الحديد والصلب مساء الخير استاذ عماد أ.عمارة ابراهيم : مساء الخير محمد القاضى : المفروض ان فى زيارة للرئيس لمصنع الحديد والصلب بحلوان انطباعاتكوا ايه من هذه الزيارة أ.عمارة ابراهيم : شركة الحديد والصلب شركة كبيرة وعريقة انشاء ايام الرئيس الراحل جمال عبد الناصر زارها الرئيس انور السادات زيارة الرئيس محمد مرسى تتويج محمد القاضى : ايه الموضوعات اللى هتعرضوها عليه؟ أ.عمارة ابراهيم : الدكتور جاى يحتفل بعمال مصر ولاحداث تطوير احنا محتاجين 82 مليون دولارلتطوير الشركة والوحدات الانتاجية محمد القاضى : كل سنة وانتوا طيبين أ.عمارة ابراهيم : وانتوا بخير محمد القاضى : استاذ عمارة ابراهيم امين عام نقابة الحديد والصلب شكرا جزيلا نرجع لحضرتك خلينا نتكلم عن ونشير الى مطالب العمال لما بنتكلم عن مطالب عمال باتكلم عن مطالب صناعة استثمارات فى الفترة الاخيرة وزيادة الاحتجاجات والمشاكل والاضرابات والاعتصامات والمطالب الفئوية كانت هناك مطالب كثيرة تقول ان ده يمثل ظاهرة سلبية بالنسبة لعمال مصر البعض الاخر قال ان ده يجب ان يكون ناقوس خطر الجميع يلتفت اليه المرحلة القادمة يجب ان يؤسس لها بشكل جيد من خلال تشريعات تصب فى مصلحة العامل كما تصب فى مصلحة المستثمرانتم كنقابة ايه رؤيتكم فى هذا المجال جذب المستثمر والحفاظ على حقوق العمال من خلال تنظيم نقابى محترم يدافع عن المشروع أ.عمارة ابراهيم : هى عشان الاضرابات والاحتجاجات نتيجة ان مع بداية الثورة كان اول ناس احتجت كانوا العاملين فى المصارف او البنوك اعقبهم البترول وبعض الجهات الاعلى بعد الثورة محمد القاضى : هستاذنك معاناتليفون السفير عمر عامر متحدث باسم الرئاسة سيادة السفير اهلا بحضرتك السفير عمر عامر: اهلا بحضرتك محمد القاضى : لماذا تم اختيار قصر القبة للاحتفال بعيد العمال خلافا لما جرى العرف عليه فى السنوات السابقة السفير عمر عامر: احب اقول ده تقدير خاص من السيد الرئيس للعمال محمد القاضى : اعلن عن خطة للزيارات الميدانية اللى بيقوم بها الرئيس للمصانع والعمال ماهى تلك الخطة السفير عمر عامر: هى مش خطة هو ابدى اهتمامة بالزيارات على مدار العام لتشجيع العمال فى مواقعهم لزيادة الانتاج محمد القاضى : د. عمر عامر المتحدث باسم رئاسة الجمهورية شكرا جزيلا لك أ.عبد المنعم الجمل : العمال لما حسوا ان مفيش نظرة لهم فى الاحداث اللى حصلت ابتدوا يتحركوا لان لهم مطالب كان فى حاجات تخص رجال الاعمال معقدة بنعمل فى الفترة القادمة ان نحل المشاكل محمد القاضى : نحل المشاكل ازاى بس بعد ما نشوف هذا التقرير تقرير: تحتفل مصر والعالم بالذكرى السنوية بعيد العمال وهو اليوم الاول من مايو للفت الانظار الى اهمية العمال محمد القاضى : اهلا بكم من جديد عمال مصر فى قرة العين استاذ عبد المنعم الجمل الامين العام مساعد اتحاد نقابات عمال مصر علشان يبقوا فى قرة العين لازم عمال مصر يشعروا بالامان كثير من الشباب لما بنتكلم معاهم وشغلة الحكومة على لسانة كلمة واحدة فى القطاع الخاص انا لا اشعر بالامان ليه لانه غير مغطى باى شكل من اشكال الحماية أ.عبد المنعم الجمل : الاتحاد العام 5 مليون عامل مشتركين فى نقابات عمال مصر فى خارج التنظيم النقابى عدد كبير على الجانب الاخر احنا بنعدل عدد من القوانين العمل والتامينات الاجتماعية التامين الصحى قانون 45 الخاص بالحكومة وقانون 159 الخاص بشركات المساهمة طالبنا بتعديلها محمد القاضى : النظيمات النقابية صوتها عالى ولدينا التنظيمات النقابية صوتها بيكون على استحياء ليه ؟ أ.عبد المنعم الجمل : بتسمع عن مظاهرات بعد الغاء 7000 وظيفة و8000 وظيفة طلعت مظاهرات عشان خاطر قانون التامينات الاجتماعية احنا بنحاول حماية العامل داخل المؤسسات بالقطاع الخاص عملنا عدد من المؤسسات النقابية داخل القطاع الخاص وقدرنا نحصل على مزايا ليهم محمد القاضى : نشوف تقرير لزميلنا صبرى يونس من جوا اتحاد عمال مصر عامل : بنوجة نداء لرئيس البحكومة ورئيس الدولة ووزير الاستثماربعودة الغاز الطبيعى للمصنع صبرى يونس : ضمن الاحتفال بعيدهم السنوى عمال مصر يصرخون يهتفون بالعديد من المطالب عامل : هما عايزين يبعدوا اللصوص عن المصنع صبرى يونس : القيادات العمالية تتحدث عن خطط جديدة لرصد حقوق هؤلاء العمال صبرى يونس : الدول التى يطلق عليها اسم النمور الاقتصادية لا يطلق عليها هذا الاسم من فراغ ولكنه رؤى مستقبلية ربما تعود الى عشرات السنين محمد القاضى : بداية لك تعليق على التقرير أ.عبد المنعم الجمل : فى كثير من المشاكل اللى احنا دايما بنتكلم فيها الجزء اللى كنا هنتكلم فيه فى حل المشاكل دى هو المؤسسات بتعتنا الناحية الاقتصادية هيعدل اوضاع كثير جدا حتى مع فكرة الحد الادنى للاجور فى التطبيق حتى لو طبق احنا مش قادرين على ان احنا فعلا نحقق دلوقتى والا لازم يبقى فى حدود عشان يتحدد الحد الادنى عندنا مؤسسات النهاردة متوقفة وجود قوانين يعمل حالة من حالات الامان للعمال الموجودين الفترة الاقتصادية ضخ استثمارات فى نفس الوقت لابد ان يبقى فى تيسيرات للمستثمرين دعم للمستثمرين محمد القاضى : ليه دائما كلمة تشجيع المستثمر بتكون بديل او عكس الحفاظ على حق ا لعامل ؟ ايه العلاقة بين دى ودى ؟ أ.عبد المنعم الجمل : احنابنقول نعدل القوانين محمد القاضى : نسمع راى القيادات محمود عمر تحتفل مصر بعيد العمال كل عام ومصر بخير ومع احتفالات البلاد بهذه المناسبة كانت الدعوة الى العمل والانتاج باعتبارهما روح التنمية قيادات : الاعياد كلها شبه بعض محدش بيحس لابعمال ولا اى اعياد ولاعيد كبير ولا عيد صغر ولا اى عيد ولا الحكومة حاسة به قيادات : تعال اقعد معايا يوم جمعة يكون فى مظاهرة قيادات : عايزين مصر عايزين كله يعيش مرتاح عايزين سولار بنزين عايزين الاسعار التى ا رتفعت مرة واحدة يشوفوا لها حل قيادات : النا س كلها خلاص الناس كلها اشتكت والناس كلها تعبت والناس كلها من هنا اكد الجميع انه بالعمل والانتاج تتقدم البلاد نحو افاق جديدة محمد القاضى : شفنا راى العمال عازين يشتغلوا ايه الاسس أ.عبد المنعم الجمل : لابد من تعديلات قانون العمل قانون التامين الصحى التامينات الاجتماعية 47 للعاملين فى الحكومة اعادة فكرة تكثيف العمالة واعادةالنظر فى الاستثمارات التى تتم فى مصر لازم اعمل صناعات كثيفة العمالة بتعمل نمو اكبر محمد القاضى : هل ده فى صالح الاستثمار ككل ؟ أ.عبد المنعم الجمل : اه طبعا محمد القاضى : زملينا نعيم ابراهيم عاش تجربة فى بنها لانتاج شريحة تنتج منتجات ياريت تكتر تقرير: ازمة اقتصادية كبيرة تعانى منها مصر فى الوقت الحالى بسبب تراجع ايرادات السياحة ولعدم الاستقرار فى الشارع المصرى بعيدا عن مناخ ا لتظاهرات رصدت كاميرا البرنامج أ.عبد المنعم الجمل : التكنولوجيا تطورت وبقت النانون تكنولوجى اعطت ميزة للمكونات التكنولوجية الاخف والاقل العاملون فى مصانع الهيئة القومية الانتاج المحلى اكدوا ان مصر بسواعد ابناءها وعزيمة رجالها تستطيع ان تعود من جديد لتحقيق نهضة تنموية حقيقية ومن هنا اذا كانت الصناعة قاطرة التنمية الحقيقة فى مصرفهى فى حاجة الى الاوفياء من ابناءها يلتفوا حولها حتى ينهضوا بها ويسيروا قدما للامام محمد القاضى : نموذج مشرف نرجع للاستاذ عبد المنعم الجمل هناك كلام فى الفترة الاخيرة ان العامل المصرى لايؤدى العمل بالشكل الجيد وان اصحاب الاعمال بيضطروا الى العامل الاسيوى أ.عبد المنعم الجمل : ممكن يبقى مبرر ولكن مسئولية المؤسسات انها تدرب العمال مشكلتنا ثقافة التدريب عند العامل المصرى ان لابد ان يطور نفسة باستمرار احنا بندلل للناس عشان يجوا يتدربوا عندنا محمد القاضى : لكن فكرة الالتزام فى حد ذاتها مش بس ا لمهارة فكرةالالتزام بالمواعيد والوقت ومعدلات الاداء يقال فيها مشكلة أ.عبد المنعم الجمل : هى فكرة الالتزام بالمواعيد عندناازمة مرور مستمرة محمد القاضى : العامل الاسيوى أ.عبد المنعم الجمل : ده مقيم فى المصنع او جنب المصنع هينزل اى مكان ليه محمد القاضى : ما موقفكوا كنقابة من هذه الظاهرة أ.عبد المنعم الجمل : ظاهرة سيئة طبعا ويجب القوى العاملة تاخذ الاجراءات السليمة بتعتها لايزيد عدد العمالة الاجنبية داخل اى مؤسسة وفقا للقانون عن 10% ولابد ان يكونوا من العمالة النادرة مش اى عمالة محمد القاضى : التعبير الشهير بتاع على قد فلوسهم على مدى التاريخ حاسس انه مظلوم ومش لاقى جهة تقف معاه فا بيكون رد الفعل على قد فلوسهم أ.عبد المنعم الجمل : العامل المصرى لو وفرت له الشغل هيشتغل مش هيتاخر فيه محمد القاضى : عندنا ازمة فى الادارة فى مصر أ.عبد المنعم الجمل : اكيد محمد القاضى : خلال الفترة القادمة ماذاينقصكم فى تنظيماتكم النقابية فى اتحاد نقابات عمال مصر علشان ما يسمى بخدمة متكاملة للعامل المصرى أ.عبد المنعم الجمل : عايزين نحل مشاكل المؤسسات الاول محمد القاضى : اذن الاستاذ عبد المنعم الجمل رئيس النقابة العامة للبناء والاخشاب امين عام مساعد اتحاد نقابات عمال مصر شكرا جزيلا وشكرا لكم مشاهدينا غدا حلقة جديدة من 45 دقيقة تابعونا .
