مساحة للرأى

التاريخ : الاثنين 25/3/2013
الضيوف : د. صلاح جودة الخبير الاقتصادى
التقديم : نادر دياب
التحرير: سكينة حمدى اسماعيل
اعدتة للنشر: سكينة حمدى اسماعيل
نادر دياب : بسم الله الرحمن الرحيم اهلا بكم فى مساحة جديدة للراى فى حلقة الليلة نستكمل الحلقة عن الازمة الاقتصادية وتاثيرها على الازمة السياسية وتاثيرها على المشهد العام على قرارات المؤسسات الدولية فى تقديم المساعدات الاقتصادية المنتظرة لمصر وهل الصكوك تشكل حلا اقتصاديا هذا ما نحاول ان نتعرف عليه فى حوار الليلة مع د. صلاح جودة الخبير الاقتصادى د. صلاح اهلا بحضرتك معانا
د.صلاح جودة : اهلا وسهلا
نادر دياب : من المعلوم ان الاقتصاد والسياسية وجهان لعملة واحدةيمكن تصريحات اخيرة صرح بها الدكتور حازم الببلاوى بيقول ان الحكومة تتحمل نتيجة القرارات الاقتصادية والسياسية هل ده معناه من وجهة نظر حضرتك انه هناك غياب للرؤية السياسية والاقتصادية لدى المسئولين عن الدولة الان
د.صلاح جودة : هو د. محمد مرسى تولى الحكم يوم السبت 30/ 6/ 2012 د. هشام قنديل تولى الحكم الخميس 2/8/2012 احنا النهاردة بعد 2/8/2012 يعنى بنتكلم فى 228 يوم تامة كان مفروض د. قنديل اول ما يجى يا اخونا البرنامج الاقتصادى ولاسيما الدكتور قنديل لم يكن اسمه مطروح على الساحة كان مفروض هو والمجموعة الاقتصادية اطرح المشروع اللى هنفذه خلال شهر 2-3 -7-10 انشاالله سنة ادى المشروع ده يبقى فى نوع من انواع الشفافية والمراقبة والمحاسبةانما الناس تقولك الدكتور قنديل ما قلش حاجة اقول طب هو قال لكوا اناناوى اعمل خان العهد او مقلش او معملش هو ما قلش هعمل وانت لم تطلب منه يعمل وهو ما قدمش برنامج وانت ليس معك برنامج تحاسبة على التقصيرفملناس نتكلم فى الحكاية دى
نادر دياب : يعنى مفيش شفافية خالص يا دكتور صلاح؟
د.صلاح جودة : بالضبط الاداء الاقتصادى للمشهد الاقتصادى الموجود كله اعتبارا من يوم الخميس 2/8/حتى الان النهاردة حضرتك يوم 25/3 بنتكلم فيه 2013 السؤال مجموعة من القرارات تم اتخاذها احناارجأناها ليناير ونزلت فى الجريدة الرسمية الناس قالت غلية الاسعار رغم ان الضريبة الحالية مفيش نوع من السريان موجوج اثنين لما انا اكون رايح اعمل نوع من انواع الترويج لمحور قناة السويس 3 محافظات اسماعيلية والسويس وبورسعيد واعمل محور تنمية سينا واحد وسينا 2 شمال وجنوب سينا اطلع اروج الكلام ده فى مؤتمر ديفوس يوم الاربعاء 23 يناير 2013 فى سويسرا اطلع بوم 23 الاربعاء ويوم 24 الخميس يوم الجمعة والسبت يبقى فى مشهد غليان فى مصر بالكامل يوم الاحد 27/ ينايريتم فرض قانون الطوارئ على 3 محافظات وفرض حظر التجول على ال 3 محافظات اللى انا طالع هناك اروج لهم علشان مستثمرين يجوا ادينى عقل حضرتك اى مستثمر يجى حضرتك وانت بتقول له تعالى استثمر لى فى الحتة دى وانا فارض عليها حظر كلام مغيب
نادر دياب : خطوة للامام ثم يعود للخلف
د.صلاح جودة : ياريت بيعود بنفس الخطوة ده بيرجع 3 للخلف لما انا اقول انا هفرض ضريبة للبورصة على الارباح التجارية الراس مالية وهبعث دول باثر رجعى موجود البورصة نزلت بعد هذا التصريح بيوم هو لحد دلوقتى لم يفعل انما نزلت 9 مليار جنية السؤال لما النهارده النائب العام يطلع قرار بفرض المعاملات وحذر الاموال على 23 مستثمر مصرى
نادر دياب : جاب نتيجة عكسية وهرب رؤوس الاموال
د.صلاح جودة : صحيح القرار تم الغاؤه من المحكمة المختصة لان مكنش فى اوراق كاملة لكن خلال الفترة ال 5 ايام دول الاقتصاد المصرى خسر مالايقل عن 13 مليار جنية مصرى من قلب البورصة بالاضافة الى مجموعة من المستثمرين بترتب حالها حالياوتاخذ بعضها وتمشى برهفى خلال ال8 اشهر خرج من مصر 8 ونص مليار دولار
نادر دياب : شايفين يا د. احداث المقطم واحداث مدينة الانتاج الاعلامى
د.صلاح جودة : والاتحادية شوف اللى جاى ايه مصر كان بيجلهاسنويا ما لا يقل من 13 الى 15 مليار دولاراستثمارات مفاجأة ناس تجيب القفف بتاعت الفلوس بتعتها والشنط وتيجى تستثمرمصانع نستثمر فى البورصة نتوسع نعمل كذا السياسة والاقتصاد وجهان لعملة واحدة
نادر دياب : ده اللى خلى التصنيف الائتمانى
د.صلاح جودة : باختصار شديد فى 3 مؤسسات عالمية امريكية الجنسية موجودين فى الولايات المتحدة الامريكية دى مؤسسات عالمية تقوم بتصنيف الدول والشركات والبنوك والمصانع وكل حاجة يعنى ايه تصنيف الدولة تدى الدولة شهادة تقدير او شهادة نجاح لاقتصادها زى ما فى الجامعة عندنا الدرجات العلمية انت بتاخذ امتياز او ممتاز
نادر دياب : مضبوط
د.صلاح جودة : فى جيد جدا فى جيد فى مقبول فى ض فى ض ج بعد ض ج نترفض من الكلية ادى ال 7 خطوات اللى عندنا احناكنا فى درجة متقدمة نزلنا لحد ض ج معناها انا فى الجامعة واخذت شهادة ض ج ينفع ان انا اروح اتعين فى اى وظيفة ما ينفعش شهادات التصنيف الائتمانى شهادة من مؤسسة عالمية الناس وثقوا فيها تقول الاقتصاد ده جيد متعافى او مريض او مريض جدا وابعد عنه ده معناه لا اى دولة ولا مؤسسة دولية او اقليمية تستطيع ان تقوم باقراضك مجموعة من الاموال
نادر دياب : الاقتصاد بتعنا بيقول كده
د.صلاح جودة : بالضبط لانة بيقول مترحوش المنطقة دى لان فيهامشاكل ولو حطيت فلوسك مش هتقدر تستردها
نادر دياب : بنقول صندوق النقد الدولى هيدينا شهادة ضمان يخلينا ننعش الاقتصاد
د.صلاح جودة : ده التصنيف الائتمانى هل نقدر نستعيده تانى طبعا نذاكر ونخش الملحق وننجح تانى نزود احتياطى النقدى بتعنا عن طريق زيادة صادرتنا او انتاجنا وتقليل الواردات اللى جاية مصر بتصدر ب 22 مليار دولارسنويا مواد خام بس بتستورد ب60 مليار دولارلوانا قللت جزء من الواردات اللى جاية لى الكلام الهامشى او اللى ملوش اى معنى زى الكوس والبسلة والفاصوليا واكل الكلاب
نادر دياب : مش
د.صلاح جودة : بنستوردة للاسف الشديد استورد مجات احط فيها الشاى ب 22 مليون دولار سنويا استورد فوانيس والعاب نارية للاطفال الشماريخ ب 75 مليون دولار سنويا يعنى ما يعادل نص مليار جنية مصرى سنويا ده نوع من انواع العبث
نادر دياب : تمام
د.صلاح جودة : يبقى لو انا قللت دول والمواد الخام اللى انا باصدرها لا اصدرها خام لان انا باصدر قطن خام وغاز خام وبترول خام ورمل خام
نادر دياب : هذه النقطة
د.صلاح جودة : باصدر ب22 مليون دولار سنويا لو انا عملتهم قيمة مضافة فقط يعنى انا شغلتهم تشغيل اولى يعنى عملت اول مرحلة فيهم مصر بتصل بصادرتها على الاقل الى 32 مليار دولار وابقى وفرت فرص عمل مالايقل عن مليون فرصة عمل لو انا عندى نوع من انواع الامن والامان موجودين السياحة هتنشط وترجع
نادر دياب : لابد من ترتيب اورقنا تانى
د.صلاح جودة : نشوف بقى صندوق النقد والرسالة اللى جاءت لنا منه
نادر دياب : وطرح اموال عاجلة وقرض عاجل
د.صلاح جودة : حكاية صندوق النقد الدولى باختصار بعد الحرب العالمية الثانية 3 مؤسسات دولية ظهرت فى العالم مؤسسة الامم المتحدة اللى دول العالم كلها بتشارك فيها 2 البنك الدولى 3 صندوق النقد الدولى صندوق النقد شارك فيه 188 دولة من دول العالم ال 193 دولة احناعاملين جمعية اناداخل بنفر وانت بنفرين وهكذا حصة كل واحد فى الصندوق فائدة الصندوق عدد اعضائة 188 واحد اختاروا 24 مدير يديروا الصندوق حضرتك زامبيا بتقدم طلب نجمع ال 188 دولة يا اخونا شوفوا فيه اية دولة زائير لأ مش فاضيين للكلام ده خلوا نفسهم 24 مدير متخصص شريحة معينة بيمثلها واحد او اثنين او كل بعدد افراده انا داخل ب10 افراد يبقى حصتى اكبر من حصتك يبقى انا ممكن اختار اثنين وحضرتك تختار واحد ال24 مدير اللائحة بتاعت الصندوق بتنص على علشان اطلع اى مساعدة اواى قرض او اى مساندة من احد او اى شهادة له لازم موافقة ثلثين الاعضاء سواء الجمعية العمومية ال 188 او ثلثين الاعضاء ال 24 مبدئيا الجمعية العمومية ال 188 توافق على ما يوافق عليه المديرين لان دول درسوا وعملوا وهما اللى فاهمين الليلة
نادر دياب : متخصيصين
د.صلاح جودة : متخصيصين يعنى انا عايز من 24 واحد 16 واحد احنا تقدمنا للصندوق من حق الصندوق له لكل واحد 3 امثال قيمة حصتة الموجودة حصة مصر1.16 مليار دولارانت لك 3 امثال يعنى ليك لحد 1.8 مليار دولار طب احنا ليه ما بنخدش الحد الاقصى الناس تقولك طب جيب 5 مليار ما تقدرش حدك الاقصى 4.8 عاوزتزود تجيب 10 مليار ذود حصتك بدل 1.6 خليها 3.5 مثلا معناش فلوس نحط الصندوق له مجموعة من الشروط فرضها مش علينا
نادر دياب : خطورتها البعد الاجتماعى بالنسبة للمواطن المصرى خط احمر
د.صلاح جودة : فى ظل الازمة الطاحنة اللى احنا فيها
نادر دياب : مضبوط
د.صلاح جودة : كان صندوق النقد الدولى والبنك الدولى عارفين ان سمعتهم سيئة فى العالم خاصة مع الدول الفقيرة التى تتعامل الناس دول سنة 2005 قالوا والله احناما هنفرض شروط انت سعت عاوز قرض يا باشا اه هتعمل ايه تقولى هتسدد منين وفوائدة تقولى والله اناعندى ارادت 10 قروش طب بس انت عندك انفاقات 15 قرش تقولى اه ما انا مرتبى باشتغل بعد الظهر باجيب كذا انا هقلل من الانفاقات اقدم له الحسبة دى دى الحسبة اللى بيمضى عليها ويقدمها رئيس الدولة فى كل دولة هو يراجع الشروط دى ويشوفها والله كلام معقول او غلط او الكلام ده طب نجربك 3 اشهر يا كتكوت جر ب وامشى فى الحاجة اللى انت فيها دى جه الخمس حاجات اللى احنا قدمناهم وقلنا بيهم هنشيل الدعم عن الكهربة والمية اللى طالعة للبيوت تجارية وادارية وسكنية وقد تم هنشيل الدعم عن الصناعات الكثيفة لاستخدام الطاقة وقد تم الرابع والخامس فيهم مشكلة زيادة الضرائب
نادر دياب : احناعايزين ضرائب على الشرائح العليا
د.صلاح جودة : طبعا الحاجة الثانية زيادةالاحتياطى النقدى بتاعك يصل الى 19 ملياردولارالحكومة قالت احناعندى احتياطى نقدى 13.6يعنى لحد 19 انت هتتكلم فى 5.5 ملياردولارقدر الحكومة توفرهم هتخش وتفرض الضرائب لما جت الحكومة تفرض ا لضرائب للاسف الشديد زى ما حضرتك قلت فرضت مجموعة من الضرائب سواء العامة اوالمبيعات على مجموعة من السلع منهاالسكر الشاى السجائرلما اجى ازود على المواطن الغلبان السكر والشاى والسجائروالزيت اللى بيتاخد فى الحكومة زيت تعبان ده اكيد بتاعت عربيات قلناماشى بيعمل بيها ايه بيقلى بيها فول يا الطعمية يا بزنجان بيكله لمااجى اناازود ماهو ما بيعملش بيها البانية لما اجى انا ازود لازم الحكومة تقوم بايجاد مجموعة اخرى من الموارد تختلف عن ان انا اقول بفرض ضرائب موجودة
نادر دياب : هنتكلم عن الصكوك كمخرج من الازمة ولكن بعد هذا التقرير فى خط احمر وتحت عنوان مالا تستوعبه الدولة يطالب سليمان جودة بالتدخل السريع لتهيئة البيئة للمستثمرين فى الداخل بينما يرى الدكتور حسن يوسف ان ماتشهده الساحة المصرية من عشوائية اقتصادية وفوضى ادارية تعود الى ثورات الربيع العربى اتسمت بقدر كبير من التلقائية وعدم التخطيط وعلى عكس ذلك يرى الدكتور حسن شحاتة ان الدولة تسير على الطريق الصحيح واذا كان الجهات السياسية تسعى لايجاد مخارج اقتصادية فيجب علينا جميعا ان نقف معاونساند صياغة رؤية جديدة متماسكة للاقتصاد بدعم شعبى وسياسى واعلامى شريف شوقى يشير الى ان الازمة الاقتصادية الحالية تتجلى بوضوح بقطاع المقاولات الذى يخيم عليه الشلل
نادر دياب : اهلا بحضراتكم من جديد ونرحب مرة ثانية بضيفنا العزيز فى استديو د. صلاح جودة الخبير الاقتصادى اهلاوسهلا بحضرتك يمكن قبل تقرير الصحافة حضرتك كنت هتقدم لنا صندوق النقد الدولى وهل نحصل على هذا القرض ام لا ولماذا
د.صلاح جودة : باختصار زى ما قلت احنا عملنا برنامج اقتصادى 5 نقاط اديناه للصندوق الصندوق قال ماشى اناموافق علية احنانفذنا 3 خطوات الاثنين التانيين فرض الضرائب + ارتفاع الاحتياطى النقدى او غياب الاحتياطى النقدى من الموجود حاليا الى ال 19 مليار دولار ده لسه ماكملش فبالتالى الصندوق مش هيقدر يدينى شهادة ولا هيقدر يدينى القرض لو مدنبس شهادة جميع الدول المؤسسات الدولية والدول العربية على الاخص علقت اعطاء مساعدات ومنح وقروض لمصر على الاستقرار فى هذا من صندوق النقد الدولى الاتحاد الاوروبى وقف الدول العربية كله وقفت البنك الدولى وقف الحاجات الاقليمية والاتحادات الاقليمية وقفت هيد مثالالريان لما عمل الاموال من سنة 82 الى سنة 88 لماعمل الاموال 88 واختفت شركات توظيف الاموال اخذ اد ايه فى القضية 15سنة ده كان عقاب رادع عشان غيرة ما يعملش لذلك اعتبار من تغير القانون 146 لسنة 88 الصادر يوم 28 يوليوسنة 1988 مفيش شركة توظيف اموا ل طلعت النهاردة القانون بتاع الصكوك لو انا اديت مجموعة من الناس فى حالة هلاك الصكوك او عدم ردها عقوبتها اما غرامة 50 الف جنية لحد 100 مليون القاضى ممكن يحكم بالحد الادنى او سجن لو انا اخذت حكم والرجل القاضى جاء حكم عليا ب 100 مليون جنية ودخلت السجن من حقى التصالح فى النيابة فى اى وقت وسارت علية الدعوة حتى لوحكم بات ونهائى دقيقة وااحدة اتصالح بكام لآلآلآ هنا كلام مختلف اصطلح بكام مع النيابة اللى انا اتحكم عليا ب 100 مليون جنية ادفع 100 الف جنية واسلم علية وربنا يوفق الجميع وكل واحد يمشى
نادر دياب : منظومة قوانين غير مناسبة
د.صلاح جودة : تمام وفى اشكالية موجودة وفى مجموعة من التحفاظات دة مفروض يتم فى اللجنة الاقتصادية سواء فى مجلس الشورى او حزب الحرية والعدالة قالوا لى والله احنا سنراعى الكلام ده كله اللائحة التنفيذية التى ستصدر خلال 90 يوم لصدور القانون انما ده باختصار
نادر دياب : هناك تخوف بالنسبة للصكوك كااصول ثابتة مستثمر اجنبى ممكن يقول لك انا ليا حق
د.صلاح جودة : طب فى مشكلة اكبر من كده الناس دى بتتعلم فى التاريخ وبتاخذ منه العبر والعظة احناسنة 84 كان عندنامستثمر جه اشترى فندق فى الغردقة اقول اسمه والا ده ممنوع
نادر دياب : زى بعضة
د.صلاح جودة : شيراتون الغردقة مستثمر سعودى الفندق لما احنا بعناه الراجل ده كان الغرض نبيل كان الفندق شغال احناقلنا الراجل ده محترم احناعاوزين قرشين قال هطور الفندق وازود العمالة واطور العمالة ونعمل مساحات جديدة فندقية وخلافة الراجل سنكر الفندق لمدة 15 سنة طرد العمالة مادفعش الضرائب خلال 15 سنة ولااضاءة ولاتامينات خلال 15 سنة باع الفندق بعد كده باسعارالارض زادت ابو 5 صاغ بقى ب500 جنية السؤال هنالو اناعملت مشروع وعملت عليه نوع من انواع الصكوك موجود محطة كهربه وجه الراجل قال والله بيع الكهربة ب 10 قروش طب يا عمل الحكومة بتشتريها منك بالمبلغ الفلانى قا ل انا مش هبيع الكهربة سمكر يا ابنى المشروع ما تقدرش تفتح بوقك
نادر دياب : طب ا زاى نقدر نتلافى هذه الاخطاء ولا تتكرر مرة ثانية طالما حضرتك بتقول نستفيد
د.صلاح جودة : من العبر والاخطاء اللائحة التنفيذية بتنص على ان الحاجات السيادية التى تتم زى نقول محطات الكهربة محطات الميه الموجوده محطات الرفع الاراضى الزراعية الموجودة الحاجات السيادية تحت علم الدراسة وتحت علم الدولة السؤال الثانى نقدر نقدم نصائح مجموعة من الاجراءات السريعة نقدرنقدمها الحكومة تاخذ بيها مجموعة من الاموال لازم اعمل حد ادنى وحد اقصى للاجورللدخل من للاجرمايزيدش عن 30 الف جنية اللى مش عجبة يطلع بره ويسيب الدولة للناس التعبانة الموجودة انا عندى مجموعة من المستشارين عددهم على الاقل 120 الف مستشار بيتقاضى سنويا 18 مليار جنية اجورمباشر بخلاف الغير مباشرة سكرتارية وعربيات ونور وميه وتليفونات وهوا وكلامفارع بنتكلم فوق ال 24 مليارجنية يتم الغاء المستشارين مصر فى 183 سفارة ل 193 دولة امريكا رئيس مجلس ادارة العالم فيها 48 سفارة يبقى انا لازم اقلص سفارات دعم الطاقة ودعم السلع الغذائية علشان اوصلة للرجل المستحق
نادر دياب : اذا الحلول كثيرة ويجب ان
د.صلاح جودة : مصر تحتاج الى ادارة رشيدة
نادر دياب : تمام
د.صلاح جودة : ادارة نابهة لموارد الدولة
نادر دياب : د. صلاح جويدة احنابنشكرك شكرا جزيلا لحضورك معانا النهاردة باتمنى ان يكون هناك مزيد من اللقاءات واشكرم مشاهدينا والى اللقاء