محمد موافي :سلام من الله عليكم ورحمة منه وبركاته مصر كل يوم في حديث جديد اوحديث متصاعد النهاردة حديث عن قرار الرئيس مرسي بوقف سريان قرارات رفهع الضرائب عن بعض السلع اللي جه استجابة سريعة لنبض الشارع ومع ذلك فان العديد من الشارع عايز يعرف هو فيه حد من الحكومة مثلا قاصد انه يطلع قرار رفع السلع فالرئيس يطلع ياجلها اويلغيها يعين مين ضد مين فيه حد عاوز يورط حد لسه لحد دلوقت مخفناش من الجدل الدائر من اعلان دستوري تم الغاؤه الى اعلان دستوري جديد برضه فيه ترقب وكلنا مترقبين بكرة قرار القضاة في الاشراف على هذه الانتخابات لسه مازلنا في جدل الاستفتاء على الدستور يعني بقينا اكتر من فريق فريق بيقول نعم وفريق بيقول لا .. والاتنين دول مع بعض فريق تاني بيقول لا انا هقاطع وهذا الفريق احنا مش عارفين هل شايف فعلا انه من المصلحة انه يقاطع ولا المسالة وليس مهما اي شئ المهم ان يرحل رئيس الدولة الجديد وبعض الناس بتقول كده ان القضية قضية منصب وليس قضية دستور احناهنشوف كل وجهات النظر ولكن خلونا نتفق ارجوكم روحوا وقولوا نعم او ارجوكم وفقولوا لا وارجوك اقف في التحرير او اقف في الاتحادية اقف في رابعة العدوية وقول لا ارفض اني اشارك تماما قول اللي انت عايزه بس خلينا صحاب وخلينا حبايب ماتخليش الموضوع يوصل للشحناء والاستقطاب ودا بيكفر دا ودا بيكفر دا على فكرة مش الاخوان والسلفيين بس هما الي بيكفروا دلوقت بقى فيه ناس ليبراليين جدا طالعين بكفروا بقى فيه هرج ومرج وفتنة ومش عارفين اخرتها ايه .. الرئيس في الغاؤه للقرار المفروض انه ادرك ان دا مش وقته وما ينفعش ملايين الناس اللي خارجة من طوابير الفقراء في عصر 30 سنة مش هيستحملوا حاجة تانية خلونا نشوف مصر واللي بيحصل فيها والتوقعات بكرة وتوقعات القضاة ثم الاستفتاء يوم السبت القادم برحب بحضراتكم مرة تانية برحب بضيوفي الدكتور صفوت عبد الغني رئيس المكتب السياسي لحزب البناء والتنمية والمحامي المعروف الاستاذ ممدوح رمزي نائب رئيس حزب مصرنا وكان من المشاركين في الحوار وحلقتنا عن الاعلان الدستوري الجديد اهلا بكم .. استاذ ممدوح حضرتك تقول نعم او احنا الاتنين نقول نعم او الدكتور صفوت يقف لنا نقاطعه دا المهم ولا المهم ان احنا نحافظ على حبال التواصل أ.ممدوح رمزي: الحفاظ على التواصل وجسر من التوافق والتعامل والمحبة دا اهم انما اقول اه او اقول لا دي حاجة تخصني انا لان انا بعيش ديموقراطي بعد ثورة 25 يناير قول اه قول لا بس لا داعي للعنف ولاداعي للاعتداء على مؤسسات الدولة ولا الممتلكات العامة ولا الممتلكات الخاصة استاذ محمد انا قلق جدا بسبب انه لم يحدث في تاريخ مصر هذا الاستقطاب السياسي بين جهتين يعني الاسلام السياسي من جهة والتيار الشعبي والمدني من جهة اخرى هذا يعني حالة من الاستقطاب بشكل فظيع ومسالة استعداء لا مبرر لها مش قصة ان انا اقول لا وانت تقول لا.. اولا كنت اتمنى ان يكون الحوار الذي دار اول امس حوار مفتوح يشارك فيه الشخصيات العامة والشخصيات المؤثرة مصر مليانة كفاءات يا استاذ محمد و وال90 مليون مصري مش - مع احترامي وتقديري - مصر مش هي بس البرادعي او عمرو موسى اوحمدين او س او ص مصر معطاءة اولا دة فكنت اتمنى ان تتسع قاعدة الحكم محمد موافي :خليني اختلف مع حضرتك ان مصر مش البرادعي ولا حمدين ولا عمرو موسى ايضا مصر مش الاخوان ولا السلفيين ولا مصر اي اتجاه لكن برضه حالة الاستقطاب بين تيار شعبي واسلام سياسي واكتر من 51% يعني خلينا نخليها بين معارضة ومؤيدين أ.ممدوح رمزي:استاذ محمد ما نعيشه الان هو استقطاب بين جبهتين خلينا نتكلم بوضوح وبموضوعية وبصراحة الخلاف هنا بين جبهتين من يتغلب من ينتصر والحقيقة سياسة انا مش لاقيلها مبرر طب فين مصر اللي احنا قمنا علشانها وقعدنا وتحاورنا ووصلنا في بعض الاشياء ولم نصل في البعض الاخر واتفقنا واختلفنا هذا الذي دار .. انا قلق جدا على مليونيات بكرة لانه ايضا المليونيات اسلا منذ لك مية يقابلها مليونية من التيار الشعبي والتيار المدني طب احنا رايحين فين محمد موافي :ربنا يستر .. دكتور صفوت اسمحلي حضرتك بتمثل الصقور التاريخية في تيار الاسلام السياسي هل من سيذهب ويقول لا هل من سيرفض هو بالتالي عدو ليك ولا المسالة هتظل في اطار وجهات النظر د.صفوت عبد الغني:لا انا هقولك بعد ثورة يناير لا يصح ان نصنف هذا التصنيف بين صقور وحمائم بعد الثورة جو جديد ووضع جديد الثورة الحمد لله وهبت الحرية والكرامة فهو فعلا الثورة انتجت واقعا جديدا لا يصح ان نتكلم فيه عن صقور وحمائم احمد لله كنا في معركة كبيرة مع الاستبداد زال الاستبداد واصبحنا في حرية وكنا نتمنى الحفاظ عليها بشكل كبير يعني هذا من ناحية اشكالية التقسيم اما مسالة نعم او لا دي مسالة لا يصح ابدا ان يرد فيها مسالة التكفير او التخوين او التاثير او الطعن في الراي حتى لوكنا مؤيدين لمسودة الدستور على فكرة احنا مسودة الدستور احنا لينا تحفظات عليها واعلنا دا محمد موافي :تحفظات على المادة التانية د.صفوت عبد الغني:احنا قدمنا مذكرة للمستشارالفاضل الغرياني من 30 صفحة فيها تحفظات على بعض الامور المتعلقة بالكثير من الامر حقيقة ليست المادة التانية نريد سقفها ان يكون اكبر من ذلك دا موقفنا وعلى فكرة دا موقف الاسلاميين كلهم عشان بس مانقولش طرف وطرف لا .. الاسلاميون اثبتوا بما لا يدع مجال للشك انهم ديموقراطيون بحق وانهم يحترمون الحرية بحق وانهم حريصون كل الحرص على مستقبل الوطن بحق عايز اقولك احنا مواقفنا حتى ايام المجلس العسكري ايام ماكان البعض عايز يجرنا لفوضى محمد موافي :برضه مش كلكم د.صفوت عبد الغني:اقول كلنا بملء الفم ولكن عندما يريد او يتطرف البعض في الجانب الاخر يولد هذا محمد موافي :لكل فعل رد فعل د.صفوت عبد الغني:بالظبط .. يولد هذا بعض التشدد في الطرف الاخر وكنت اتمنى ان بعد ثورة يناير جو صحي ويدعم ثقافة الحرية والديموقراطية ولكن فوجئنا للاسف ان من يدعوا انهم ديموقراطيون انقلبوا على الديموقراطية كان يشاع ان الاسلاميين هم ضد الديموقراطية اضبحنا الان نشاهدهم اول من خرجوا على الديموقراطية . كللا الاحترام لكل من يقول لا .. اهم حاجة انه يبقى في اطار سلمي حضاري بحق محمد موافي :تمام .. احنا هنرجع لتوقعاتنا فيما يخص بكرة معانا الكاتبة الصحفية الاسيوطية الكاتبة امال بخيت اهلا وسهلا الكاتبة الصحفية . امال بخيت:انا ليا توقعات ورصدت الشارع في اسيوط في الفترة الحالية وانا شخصيا على المستوى الثقافي الخاص بيا كاعلامية انا متابعة هذا الدستور من عدة اشهر وانا اتابعه وما يثار من جدل عليه محمد موافي :بس هو بيتقال انه اتسلق الكاتبة الصحفية . امال بخيت:انا بشكركم على حاجة بتعملوها في الفترة الاخيرة وهي قراءة المواد يوميا من الذين يقراون ويستمعون وارجو ان يكون الدستور مقروء كشريط محمد موافي :هو تم تسجيله صوتيا كاملا الكاتبة الصحفية . امال بخيت:فين نلاقيه يافندم ه محمد موافي :: هنحاول ننزله على موقع الكاتبة الصحفية . امال بخيت:انا بتابع يوميا بس احنا عايزينه على بعض والحاجة التانية انه دلوقت فات الوقت ان احنا نجيب ضيوف يقولوا وجهات نظر في داخل الاستوديو ارجوكم ان الاوان الان ان نكثف الجهود الاعلامية في التوصيل المباشر على فكرة شعب اسيوط واعي جدا واكثر اهتماما محمد موافي :شكرا جزيلا وصلت الرسالة.. استاذ ممدوح بكرة المليونيتان وحضرتك ابديت تشاؤما ليه أ.ممدوح رمزي:لانه انا شايف انه فيه نظرة نحو من يتغلب من صاحب الشارع وم صاحب السبق ومن يفرض القوة والموضوع غير كده خالص .. زي ماكنا في الاجتماع وقلنا وانا من اوائل الذين عارضوا وزي ماذكرتن دا في المضبطة انى انا معارض الاعلان الدستوري اللي صدر في 22 / 11 / 2012 وقت انا اتفقت مع اخوانا بتوع النور قالوا نعيد هيكلة الجمعية التاسيسية بحيث نضيف لها 50 شخص .. تحدثت ايضا فيما يتعلق ببعض المواد في الستور هناك مواد اما بعتبرها ملغومة ومطاطة عايزة اعادة صبياغة واستبعاد واستبدال .. والكل عبر عن رايه بصراحة واحب ان اضيف اني حضرت بصفتي الحزبية وباعتباري من الشخصيات العامة حضرت انا وصديقي رامي لكح رئيس الحزب وهناك من خرج علينا وقال اننا ممثلون الكنيسة وهذا غير صحيح لان الكنيسة لديها رجالها الذين يمثلونها زي الانبا بولا وكنت معهم من حوالي 3 او 4 ايام قبل الجلسة الاخيرة مع بعض القيادات السلفقية وقيادات الاخوان المسلمين وتحدثوا بشان بعض المواد التي تؤرق المسيحيين في الدستور ولكن كان قد قضي المر والمسودة اتقدمت حتى طرحنا هذا الطرح قالوا في حالة اذا ماقالوا نعم فان تعديل المواد يعرض على اول مجلس شعب منتخب له اخشى انها لن اعود فيما طرحته من يكرة لانه نحط مصلحة مصر لانه احنا تحملنا الكثير وخاصة من اهل جدتنا تحملنا الكثير من الكلام لكن احنا رحنا علشان مصر وانترنت وكلام لاذع انا صدقني بحط مصر في المقدمة وصدقني مصر على شفا اخشى ان اقول انها تحترق فعلينا ان ننزع فتيل هذه ازمة وجلسنا وتحدثنا علشان نوصل لحدل وسط هلشان نتلافى مغبة ماقد يحدث محمد موافي :دا مش كلام غريب .. الباب شنودة كان بيقول مصر وطن يعيش فينا أ.ممدوح رمزي:دا صحيح ولا احد يزايد على حبنا لمصر محمد موافي :دكتور صفوت بكرة المليونيتن وقد لا قدر الله ان يحدث تماس هل فيه تعليمات مشددة بضبط النفس د.صفوت عبد الغني:هو ان شاء الله المسالة انا مش قلقان من مسالة المليونية هنا ولا هنا اللي عاوز يقف عند رابعة العدوية يعبر عن حقه هو حر من حق كل واحد انه يعبر عن وجهة نظره ولكن مسألة المليونية في رابعة العدوية ولا مليونية في الاتحادية ولا في التحرير هذا لا يقلق والذي يقلق بحق اولئط الذين يريدون فعلا ان يهدموا المؤسسات ويهدموا الدولة الوضع علشان نكون صرحاء الاختلاف السياسي لا غبار عليه وانا قلت اكثر من مرة نحن مستعدون ان ندافع اي معارض للسيد الرئيس محمد موافي :دكتور حضرتك بتتهمهم هذا الاتهام ومحدش فيهم موجود معانا النهاردة وهما برضه ناس خايفة على مصر والناس شايفة ان معظم الشعب امي وبعضهم شايفة انه مش هيعرف ياخد قراره د.صفوت عبد الغني:حضرتك فهمتني غلط انا لا اتحدث عن اولئك .. انا لا اتحدث عن اللي ليه راي انه لا الاعلان الدستوري ولا للجنة التاسيسية ولا لمسودة الدستور وان احنا انا ما بتكلمش على دول . دول ليهم كل الحب والاحترام والتقدير وانا قلت ان احنا مستعدين ان ندافع عن هؤلاء ونذود عنهم ونحميهم ونمكنهم ان يقفوا في اي ميدان ولكن الخوف ليس من المعارضين السلميين الوطنيين المخلصين انا ضد من يجيشون جيوش البلطجية هناك من يسعى الى تجييش البلطجية هناك من يدعم ومن يمول البلطجية من اجل حرق مصر محمد موافي :يادكتور انا بسمع الكلام دا كتير قوي لكن ماشفتش حاجة د.صفوت عبد الغني:يارب ماتشوفش محمد موافي :ماشفتش ادلة .. هل فعلا فيه شخصيات محددة د.صفوت عبد الغني:اللي حرق مقرات الاخوان المسلمين بغض النظر عن توافقنا مع الاخوان انا مش اخوان ولن ادافع عن الاخوان الا فيما هو حق ولكن صبحي صالح مين اللي ضربه ورماه على قضبان السكة الحديد مين اللي حرق كل مقرات الاخوان محمد موافي :ماهو ممكن حد يقول ومين اللي ضرب ابو العز الحريري وحمدين ومحمد ابو حامد د.صفوت عبد الغني:لا من ضرب ابو العز معروف .. ابو العز كان موجود وكان بيهاجم المقر الاخواني ومحمد ابو حامد كان داخل في العربية في المتظاهرين في رابعة العدوية محدش جابه من بيته ورماه على قطر محمد موافي :ابو حامد كان داخل يدهس المتظاهرين د.صفوت عبد الغني:طبعا .. وبغض النظر هل المتظاهرين جابوه من بيته ودوه عند رابعة العدوية ايه اللي واداه عند رابعة العدوية لكن انا بتكلم عن الناس اللي راحت لحد صبحي صالح أ.ممدوح رمزي:الاحتقان وفكرة التخوين بين المصريين ودي ظاهرة خطيرة جدا التخوين العمالة يعني كلام طبير وكلام ليس مقنن د.صفوت عبد الغني:تفسر بايه الاشتبكات وحرق المقرات على مستوى الجمهورية قولي محمد موافي :احنا بندور على اللهو الخفي لكن محدش قال فلان د.صفوت عبد الغني:بتوع اللهو الخفي معروفين اسما وانا مش عايز وانا اربأ به في البرنامج ان نذكر اسماء دول رجال اعمال تابعين للحزب الوطني نهبوا الميارات انا حدث نقاش وانا اربا بنفسي اني اذكر الشخصية دي واحد من قيادات الحزب الوطني ورجل اعمال فانا قلت له يا اخي هناك اتهامات تشير ايكم واشارات واضحة انكم تحركون جيوش البلطجية في اسكندرية ولا قاهرة وهذا الكلام موثق ومعروف فقال يادكتور صفوت انتوا تظنوا انكوا خدتوا مننا شقة ولا عربية انتوا خدتوا مننا مصر فرخة بتبيض دهب ... محمد موافي :المسالة اننا سنظل ندور في خلقة مفرغة احنا محددناش مين د.صفوت عبد الغني:فيه بلاغات مقدمة اولا ضد محمد احمد فلحي وخالد دول رجال اعمال ومعروفين في اسكندرية وابو العينين ودا وممدوح حمزة وفي النهاية هناك رجال اعمال معروفين بالاسم انا عايز اقول لحضرتك حاجة ما بنتكلمش في فراغ حد يقولي مقرات تحرق مين اللي راها محمد موافي :طيب باقي الاتهامات على راس الاعلام محاولة حصار الانتاج الاعلامي هل الاعلام هو فعلا محرض على الدم والعنف بجهل او بوعي أ.ممدوح رمزي:انا تقديري من خلال استضافاتي ان الاعلام غير الحكومي والقنوات الخاصة بتنقل احدث على ارض الوتاقع ولكنها لا تدفع في اتجاه التحريض او النفخ في التار لكن المتهم الطرف الاخر بيتهم الاعلام الحكومي خلينا واضحين انا كنت في الشرق الاوسط من حوالي ساعتين وقالوا ان الاعلام الحكومي بيدفع في اتجاه المواطنين ان يقولوا نعم ونحن نفترض في العلام الحيادية لانه مقدم البرنامج يجب ان يكون محايد محمد موافي :الحقيقة انا بعتذر لدكتور صفوت لحضرتك وللمشاهدين ان كان حد في هذا المبنى خرج عن قواعد المهنية وحاول يوجه يمين ولا شمال وكان فيه كلام امبارح عن واحد يعني وصفوا المادة التانية انها مادة مشينة انا بتبرأ من الكلام دا انا وكل زمايلي وبنحاول هنا كقطاع اخبار انا وزمايلي ان نتمسك بالنهنية والحرفية فقط دي شغلتنا والمستجدين على شغلتنا او اللي كانوا بيشتغلوا شغل تاني انا اعتذر جدا كائنا من كان ان يصف المادة اتانية بذلك الوصف أ.ممدوح رمزي:في 60 سنة من الحكم الشمولي الفاشل قلم اظافر الشرفاء وغير الشرفاء فجعل الوقت لكي نعبر عن انفسنا بطريقة ديموقراطية يعني انا زي ما تفضل اخويا الدكتور صفوت وقال تقول نعم تقول لا تمتنع بس خليك حضاري يعني كل الثورات باستثناء الثورة الفرنسية مكانتش مدمرة محمد موافي :عايزني ازاي ابقى حضاري وانا قارئ او بتفرج وانا شايف ناس بتصل درجة الى الشجار يعني اذا كان رب البيت بالشكيمة مطلقا أ.ممدوح رمزي:عارف دا سببه ايه .. الكبت هو كان عايش في نظام فيه رعب وخوف وتكميم افواه وعندما استرد الحرية تصرف بشكل خاطئ ليست هذه الديموقراطية ولا الحرية ان اعتدي على مؤسسات الدولة واملاك الدولة العامة والخاصة واعتتدي على رموز الوطن من قال هذا ياسيدي الديموقراطية ان تحترم الاخر وان تعطيس الفرصة للجميع ان هما يعبروا عن الديموقراطية وكل بمفهومه في الاطار العام محمد موافي :مسالة الاتهامات للاعلام عشان الرسمي او الخاص ان هناك من يحرض على العنف او الدم د.صفوت عبد الغني:دي واضحة تماما للاسف المذيعين الموجودين في القنوات الخاصة لا يمارس اعلام وانما يمارس ردح او سب او شتم لا خرجوا عن قواعد المهنية والله العظيم ماحدث لدرجة اني هددت احدى المذيعات وانا في الفاصل كان معايا احد المستشارين فبتقوله ياسعادة المستشار هتسكتوا على اللي حصل في القضاء وكان ساعتها المليونية فاللي في ميدان النهضة هتسكنت على اللي بيتقال انا قلت لها ازاي تتجرئي قددامي تسخني قدامي وتقولي لمستشار محترم وقلتلها قسما بالله هطلع على الهوا بعد الفاصل وهقول الكلام دا اني هطلعه اقول ان هذا الرئيس فاشل وانا اهدر دمه كلام لا يوجد في اي ديموقراطية في العالم وفي الكون نمرة اتنين للاسف انا وكل المصريين يشهدون ان الاسلاميين عمرهم لا خربوا نهائي لا هدموا ولا حرقوا مؤسسة محمد موافي :دا امتى الكلام دا أ.ممدوح رمزي:قبل المراجعات د.صفوت عبد الغني:انا بتكلم بعد الثورة وحتى قبل المراجعات كان صراع وصدام مع نظام حكم ولم يكن هدم وحرق للمؤسسات لا يشينني اني اصطدمت مع نظام ديكتاتوري كان يستخدم الامن في قتلب ودافعت عن نفسبي مش هتبرأ من دا ولا هقول اني غلطان الذي يريد من الامن اني يقتلني سادافع عن نفسي والشرع والدين والقانون والدستور يعطيني ذلك انا مش هتكلم عن دا انا هتكلم عن بعد الثورة من هم الاسلاميون الذين نسفوا او حرقوا او اقتحموا مؤسسات غاية ما يفعله الاسلاميون بعد الثورة مليونيات سلمية بكل حضارية يعبروا عن نفسهم من لاذي يسريد احراق المؤسسات ومن الذي يريد احراق المال العام والخاص من الذي يقطع خطوط السككة الحديد والمترو ويسعى في ذلك وبكرة فيه ناس بيقولوا انهم هيقطعوا خط السكة الحديد والطريق الصحراوي وخط الدلتا محمد موافي :طبعا حضرتك على الاتجاه التاني من الاسلامين سواء اخوان او السلفيين لكن بترى ايه أ.ممدوح رمزي:انا كمحلل سياسي بوازن الامور واشوف الاتجاه رايح فين د.صفوت عبد الغني:لم يثبت ان الاسلاميين عرضوا اواتلفوا او دمروا اوحرقوا المسالة دي منتهية محمد موافي :من الجهة الاخرى الى اي حد ممكن ان تصل المعارضة يعني هل تصل الى عصيان مدني او قطع طريق أ.ممدوح رمزي:احنا جينا التيار الشعبي طالب بالغاء الدستور والجمعية التاسيسية ولما نزل مظاهرات الى رفع سقف المطالب ارحل ارحل فارادوا ان يستدعوا 25 يناير لما كانوا بيهتفوا ضد المخلوع ارحل يعني امشي انت ما بتفهمشي وعادت نفس المظاهرات من جديد وهي تعلية سقف المطالب مالم اصل الى هدفي فانا في حالة تصعيد دائم ودا التيار الشعبي يعني انا اخشى ما اخشاه ان هناك اتجاه للتصعيد في اتجاه التصعيد المدني ودا قد يشل حركة البلاد وخاصة ان مصر على شقفا افلاس مصر لم تتعرض لانهيار اقتصادي مثلما تتعرض له الان مصر متوعكة صحيا لابعد الحدود انا ماعلمته من المقيدين ان طابور من المستثمرين يقف موقف الترقب مش قادر يدخل هيعمل ايه لا امن ولا امان ولا استقرار احنا دخلنا وعملنا اللقاء دا عشان نعمل حل توافقي بين الاتنين عشان مصر تمشي يعني انا لا عفي اي حد ولن اسامحه وانا عمري طول عمري وطني ولا ازايد على وطنيتي لن اسامح احد بيدفعه مصر الى الاتجاه المظلم ما يحدث الان حاجة مش ممكن في تاريخ مصر انت النهاردة البنك الدولي متردد انه يديلك القرض والمستثمرين يعني الوضع ماساوي الحل لابد من حوار مجتمعي الكل تنخلص النوايا على حب مصر وانقاذ مصر لان مصر اكبر من السلفيين والاخوان اكبر من اي حاجة وامبر من التيار الشعبي فلماذا نعرض هذا البلد لهذا الهوان محمد موافي :دكتور صفوت عبد الغني بشكر حضرتك جدا واستاذ ممدوح رمزي المحامي المعروف بشكر حضراتكم جدا وبكرة يارب مصر تبقى اكثر امنا واكثر امانا قول نعم قول الا دون اهانة وشتيمة وانا بعتذر مرة تانية لكل المشاهدين اللي قابلوني على يباب اماسبيرو وكانوا بيعبروا عن غضبهم عما حدث في احد البرامج امس من اهانة للمادة التانية طبعا دا لا يصحج مطلقا انا بعتذر وباسف لعدم المهنية ارجوكم التزموا بالمهنية وكل واحد لو التزم بابسط قواعد المهنية الامور هتصلح.. دمتم في رعاية الله وامره ..
