سحر ناجي: اعزائي المشاهدين برحب بحضراتكم في حلقة جديدة من مساحة للراي .. النهاردة في مصر احزاب مختلفة قرب عددها يوصل لل60 او ما يزيد ومنهم احزاب تحت التاسيس الاحزاب اللي موجودة فيها الديني والليبرالي والاشتراكي واليساري يعني كل واحد بيحاول انه يوجد لنفسه مساحة على الساحة السياسية والتعدد والتنوع بيثري الحياة السياسية لكن المشكلة في الشتات اللي بيسود احيانا الاحزاب المختلفة والذي يفسره البعض لبعدها عن الشارع المصري طبعا هي بتحاول انها توجد دم ليها في الانتخابات القادمة لكن خلينا نتساءل النهاردة هل تعاني الاحزاب المصرية من ازمة ام لا .. سؤال هنطرحه ونناقشه النهاردة مع الكتب الصحفي محمد علي خير برحب بحضرتك ضيف معانا النهاردة وخليني اطرح عليك السؤال هل ترى في كثرة الاحزاب السياسية ظاهرة صحية ام لا وهل تعاني من ازمة ام لا الكاتب الصحفي. محمد علي خير: هي ظاهرة صحية لانها تعبر عن اراء او رؤى اذا خرجنا من الاحزاب الكرتونية اللي هي صنيعة النظام احنا كان عندنا قبل الثورة مباشرة 25 حزب بما فيهم الحزب الوطني ولا يقل عن 15 حزب او 18 حزب كان الحزب الوطني هو الذي يصنعهم الان بعد الثورة مقدرش اقول انه فيه نظام بيكلف اشخاص بصناعة احزاب.. لا دي عبارة عن كتل سياسية او تيارات شايفة انها تستطيع ان تشارك بفعالية في الحياة السياسية فاذن الامر ايجابي بعد الثورة مقارنة بقبل الثورة على فكرة الدافع اللي بيخلي عدد معين من الناس يعملوا حزب وتاثيرهم او عدم تاثيرهم دا متوقف على الشارع ان هما يشتغلوا او يقدموا اراء وفيه احزاب في دول عربية كتيرة جدا زي المغرب والجزاير بتفوق الاعداد اللي موجودة في مصر دا الجزء الاول .. الجزء التاني هل بتعاني من ازمة خلينا نقول ان دولة في امريكا لا تعاني من عدد كبير من الاحزاب هما حزبين رئيسيين هما اللي بيتصارعوا الحزب الديموقراطي والحزب الجمهوري وفي بريطانيا حزب المحافظين وحزب العمال احنا لو قدرنا نوصل في مصر بعد الثورة انه يبقى عندنا تيارين اساسيين او فصيلين سياسيين اقوياء بحيث يختار منهم الناخب المصري يعني احنا خلال الايام القادمة فيه دعوة ما بين عدد كبير جدا من الاحزاب المدنية سحر ناجي: تحالفات الكاتب الصحفي. محمد علي خير: لا في الايام اللي فاتت كانت تحالفات النهاردة حزب زي غد الثورة او الجبهة لن تسمعي هذا الاسم مرة تانية سحر ناجي: ايوة بس ايه الفرق بين الحزب والاندماجات الكاتب الصحفي. محمد علي خير: الاندماجات انك مش هتلاقي الحزب دا مرة اخرى كلنا يعني انا حزب " أ" وانت حزب " ب هنندمج وهنبقى حزب " ج " .. يعني حزب الثورة مش هيبقى موجود حزب الجبهة مش هيبقى موجود وهيسموا نفسهم تحالف الامة المصرية ومن المتوقع ان يراسه السيد عمرو موسى المرشح الرئاسي السابق وناويين بعد هذا الاندماج ان يعملوا تحالف هنا مع حزب الوفد الليبرالي لو احنا وصلنا الى الانتخابات البرلمانية القادمة يبقى الناخب المصري هيذهب ويجد امامه تيارين او قائمتين قائمة تمثل احزاب تيار الاسلام السياسي اللي هو حزب النور والحرية والعدالة وحزب الوسط والاصلاح والتنمية وتيار اخر يمثل التيار المدني اللي هوتحالف الامة المصرية مع الوفد لو قدرنا نخرج بدا انه يبقى عندنا حزبين اقوياء ربما يحدث ادماج بين الاحزاب الاسلامية وبقى حزب واحد وبالتالي بقى عندنا كتلتين والاصلب انه يكون عندنا في الحياة السياسية في مصر كتلتين على درجة واحدة من القوة علشان لو وصل احدهما للحكم في المعارضة تيار قوي مش ضعيف سحر ناجي: دا يخليني اقف عند نقطة التاثير والتاثر في الناخب بمقدار معرفة الناخب ليك او بمقدار ما تقدمه من خدمات هل بترى الازمة اللي موجودة حاليا بين الاحزاب هي عدم القدرة على الوقوف امام الاحزاب الدينية بحكم انه اذا كانت بتعمل في الخفاء وتؤدي خدمات للشارع المصري والشارع المصري دلوقت لا يرى في الاحزاب الاخرى تقديم خدمات الكاتب الصحفي. محمد علي خير: دا امر واقع وطبيعة التجربة المصرية السياسية قائم على تقديم خدمات مباشرة للجماهير وانتخابات مجلس الشعب تشريعية اللي الناخب اللي موجود في دايرته فاتح دواره لاهل الدايرة اللي يحضر افراحهم واللي يحضر احزانهم لكن نقدم لهم مساعدات مادية ودا المرشح اللي بيفوز دي ثقافة ما تقدريش تقولي انها هتتغير بين يوم وليلة وهتستمر وفيه نوعية من الناخبين اللي مستوى تعليمي اقل اللي مستوى ثقافي اقل دا بيعتمد على ان المرشح اللي هيقدم لي اكبر خدمات انا هديله صوتي بعيدا عن انتمائه السياسي يطلع يوعي يطلع يساري يطلع ليبرالي يطلع اسلامي يطلع اللي يطلعه طالما هيقدم لي خدمة على الاحزاب اولا الاحزاب الدينية او ذات المرجعيات الدينية بدات الاول كجماعات دعوية زي الدعوة السلفية ودول متغلغلين داخل المجتع المصري في القرى في الريف في النجوع وبالتالي عملوا شبكة قوية من العلاقات مع الناخبين فانت هتحتاجي وقت لما تتكلمي مع الاحزاب المدنية انها تعمل تعادل او معادلة او ما يقترب من التعادل مع مافعلته تلك التيارات في الشارع من فترة طويلة سحر ناجي: خليني اسال سؤال هل الوقت الى الانتخابات القادمة فترة كافية ولو قامت على تكتل او التحالف او الاندماج او خلافه انها تمثل تيار قوي امام التيار الديني الكاتب الصحفي. محمد علي خير: ناخد مثال حقيقي حصل اللي هو الانتخابات الرئاسية ما بين مرشح من الاسلام السسياسي الدكتور محمد مرسي وبين مرشح سواء بقى الدولة العميقة او الدولة المدنية الفريق احمد شفيق فكان النص للدكتور مرسي والنص التاني للفريق شفيق دا معناه ان المجتمع وصل الى حالة انقسام يعني المجتمع في اي انتخابات برلمانية قادمة ممكن نتوقع شكل البرلمان القادم ان 50% للتيار الاسلام السياسي وما يقرب من للتيار المدني عشان كده التفتت الاحزاب السياسية وقالت احنا مش عايزين نجري الانتخابات القادمة فقلنا نعمل اندماج ونبقى حزب واحد علشان الناخب يستطيع ان ينضم لهذا الحزب... الكتلة الاسلامية التصويتية ذهبت الى انتخابات الدكتور مرسي فيه توقعات او تقديرات انت ما تقدريش تحسبيها هل اداء تيار الاسلام السياسي كان جيدا بشكل كافي بحيث ان اللي منحوهم اصواتهم يدوهم اصواتهم مرة اخرى ولا انه يرى ان اداء نواب التيار السلام السياسي وحزب الحرية والعدالة ليس على القدر المطلوب وبالتالي يتراجع نسب الاقبال عليهم سحر ناجي: استمرارية الخدمات هي اللي تؤثر الكاتب الصحفي. محمد علي خير: لا .. استمرارية الخدمات .. بس هناك اشخاص مثقفين متعلمين مقدرش انه كل اللي الي اختار الاخوان المسلمين من الخدمات المهمشة او الفقيرة انا اعرف صحفيين واعلاميين منحوا اصواتهم ليهم لانهم في النهاية يعبر عن تيار واقع .. تلك الشخصيات المثقفة ذات التعليم الجامعي الاعلى هي اللي هتقيم الاداء بمعنى انه لو شافوه كويس هيدوله صوته .. هناك الشيخ حازم ابو اسماعيل اعلن عن تشكيل حزب جديد فيبقى دا حزب والدعوة السلفية وجماعة الاخوان المسلمين وهيحدث تحالف انتخابي دا مؤكد لكن دائما في الانتخابات المصرية التوجه العام او القراءة السياسية بترى انه اذا كان تيار الاسلام السياسي في حدود ال70% في مجلس الشعب اللي جرى قرار ببطلان اتنتخابه و30% من التيار المدني وتوقعات انها ممكن ان تصل الى 50 او 65 % لتيار الاسلام السياسي والباقي الى التيار المدني على حسب شغلهم في الفترة اللي فاتت خلينا نقول انه كان فيه خطاب نخبوي شوية انهم مقدروش ينزلوا للناس في الشوارع عايز تشتغل سياسة انزل العب سياسة لكن لا تتصور انك ممكن تتحول الى زعيم من خلال الفضائيات او برامج التوك شو سحر ناجي: حتى الفترة اللي فاصلة على الانتخابات البرلمانية القادمة ليست كافية برضه ان الشارع يعرف الكاتب الصحفي. محمد علي خير: دا الذنب معلق في رقبة التيار المدني لسبب بسيط انهم كانوا يعلموا انه فيه انتخابات برلمانية قادمة والبرلمان صدر قرار بحله من شهرين او تلاتة وال5 شهور الجايين يبقوا 8 والطعن اللي كان مقدم فانت علشان خسرت الانتخابات الاولى المفروض اني بستعد للانتخابات البرلمانية على طول المفروض اني استعد فدا جزء من القصور لدى ممارسة العمل السياسي لدى تيار الدولة المدنية لكن ماحدث خلال الايام الماضية بيعني انهم بيتداركوا الاخطاء وخلي بالك هو دا اللي حاصل في الانتخابات الرئاسية عندما حصل تفتيت اصوات لعدد كبير جدا من المرشحين زي ماحصل مع حمدين صباحي وابو الفتوح فلو حصل حالة من حالات التحالف او ان احد المرشحين كان ينسحب اعتقد انه كان يبقى فيه انتخابات رئاسية كان ممكن تتغير سحر ناجي: حضرتك ذكرت حاجة بالخدمات ومدى تاثير الخدمات على اختيار الناخب ذكرت انه بالنسبة الى التيار الاسلامي نسبة كبيرة في تشتت بين المثقفين اللي اختاروا التيار الاسلامي الا ترى ان نسبة المثقفين اللي اختاروا التيار الاسلامي اقل من نسبة العامة اللي اختاروا التيار الاسلامي وهل دا مش ممكن يؤثر الكاتب الصحفي. محمد علي خير: احنا للاسف معندناش حالة من حالات الحصر او التقييم المستمر لكن من خلال الاستماع الى اصحاب جيران وكنت اجد عدد كبير منهم من صوت للتيار الاسلامي كن هما دلوقت بيقيموا التجربة مقدرش اقول انهم هيصوتوا بنعم او لا ويعيدوا النظر هل نمنحهم مرة اخرى برضه البرلمان اللي فات لم يؤد نتائج جيدة تستحق ان الواحد حتى الذي يمنحهم اصواتهم لن تمنحهم اصواتهم مرة تانية دا بالاضافة الى انه فيه اداء عام لعدد من الاشخاص او الشخصيات اللي محسوبة على اداء التيار الاسلام السياسي بتسحب للاسف من رصيدهم من الشارع اما تصرفات سحر ناجي: او تصريحات الكاتب الصحفي. محمد علي خير: او تصريحات شاذة ضد طبيعة المجتمع المصري اللي هو مجتمع الوسط لكن اجمالي التجربة هتاخد وقت يحدث لها مجموعة من حالات الغربلة .. اي برلمان بيفوز بعد الثورة في عندما تتكرر التجربة مرة اخرى لا تكون التجربة بنفس التشكيل في البرلمان التاني لانه الاقتصاد بيبقى عنصر حاكم ومؤثر سحر ناجي: خلينا ننتقل الى اعمدة الصحف فاصل الاهرام عن الدستور يقول الدكتور وحيد عبد المجيد ينبغي ان يبقى انصار الحرية حذرين ومتنبهين لاي محاولات جديدة للنيل من الحريات خصوصا في مناخ عام ملبد بالعداء المصري اليوم وحول قضية الدستور ايضا يقول عمرو هاشم ان احد اسوا ما يمكن ان ياتي به دستور مصر الجديد هو ان يسعى الى دسترة النظام الانتخابي رغبة منه في منع الطعن عليه مستقبلا نهضة مصر محمد الشبه في صباح الحرية يرى انه لا شئ يتغير في مصر بل هناك اصرار على الا يتغير شئ في الاليات التي كان يستخدمها النظام السابق في الحكم والقمع الاهرام وعن ازمة القوى السياسية يقول مكرم محمد احمد برغم اتساع حجم القوى المدنية وتعددها يبقى شتاتها وتمزقها العامل الاول في تفوق القوى الاسلام السياسي الجمهورية وفي خطوات فاصلة يقول سمير رجب ليس من المنطق ان نجلس جميعا القرفصاء ونتحاور في السياسة وتشكيل الجبهات والتحالفات ونترك مجال الزرع والحصاد فيتو.. يطالب علي هاشم بالكف عن اي مهاترات سياسية وابتذال المليونيات والافضل ان تلتحم الاحزاب بالناس والاستعداد لانتخابات القادمة اليوم السابع يقول اكرم القصاص ان المعارضة ليست افضل من الحزب الحاكم لانها تعاني محاصرة سياسية فبعد ان كانت تشكو حصار مبارك لها فاذا بها عاجزة عن الخروج من عقدة النظام السابق الاهرام وفي اوراق خاصة يقول نبيل عمر في العشرين شهرا الاخيرة اغلقت مصانع وورش صغيرة ومحال وخرج مئات الالاف الى الشارع في ظاهرة الباعة الجائلين انه نفق البطالة فكيف تحل هذه الازمة حلا حضاريا الاخبار عالماشي لعبد النبي عبد الباري حول تصريحات احد اعضاء جماعة الاخوان ان 80% من اعضاء الجماعة فقراء وان موارد الجماعة وحزبها من اشتراكات وتبرعات فكيف تنجح الموارد الفقيرة في تغطية الانتخابات المساء يرى محمد فودة ان اعتراف احد مسئولي وزارة هشام قنديل بفشل تحقيق برنامج ال100 يوم هي شجاعة تحسب لهذه الحكومة ولكن الاعتراف بالفشل لا يغني في اعادة النظر في الاسلوب الذي يمكننا من تحقيق الهدف فاصل سحر ناجي: عودة مرة اخرى مع الكاتب الصحفي محمد علي خير بعد ان استعرضنا ماجاء في الصحف المختلفة هناك من راى ان قضية الدستور فيها بعض المخاوف وهناك من راى ان هناك سعي لدسترة الانتخابات بمعنى منع الطعن عليه والبعض يرى انها ظاهرة صحية ممكن تخدم الانتخابات في الفترة القادمة الكاتب الصحفي. محمد علي خير: دا جاء بناء على الطعن اللي قدم على الانتخابات الشعب والشورى وما جرى الطعن عليه امام المحكمةالدستورية .. هنا اعضاء الجمعية التاسيسية فيحدث حالة من حالات التحصين بحيث انه يتم وضع مواد تنظم عملية الانتخاب داخل الدستور بس الاصل ان يكون قانون الانتخابات غير مدرج او غير موجود كاحدى مواد الدستور وفيه حاجة اسمها القوانين المكملة للدستور الي بيتم صياغتها وبتتغير بطبيعة الاحوال سحر ناجي: طيب لو قلنا انها قوانين هتتغير بطبيعة الازمان هل تحصين النظام الانتخابي هل دا من الصالح الكاتب الصحفي. محمد علي خير: لا انا اراه من غير الصالح لسبب بسيط جدا ان طبيعة القوانين عامة بيجري عليها التغيير يعني نفترض ان احنا جربنا الانتخابات بنسبة 50% قائمة و50% فردي وراينا بعد عام ان النظام الفردي هو النظام اللي بيطالب بيه الشعب ونرجع تاني للدستور المفروض ان القانون الحالي الاحزاب هتتقدم بتصوراتها وتعرضها على المشرع خلال الفترة الجاية عشان يتم اقرار قانون للانتخابات البرلمانية والنظام الفردي لا يزال هو ما يميل اليه الناخب المصري ونظام القائمة رجع بهدف تقوية الاحزاب سحر ناجي: بالنسبة للتحالفات بعد كده مش هيبقى محتاج اني اعمل نظام القائمة الكاتب الصحفي. محمد علي خير: كل حزب هيبقى له قائمة لكن من المفترض ان يكون هناك حصة للمستقلين حتى لا يتم بطلان البرلمان القادم ومفروض ان لا يكون الاشخاص محسوبين على احزاب في مقاعد المستقلين السؤال بقى ليه ما يتمش طرح قانون الانتخابات الجديد على الراي العام وبيشوف الناخب انا كناخب اميل الى ايه والدولة تميل الى ايه يعني ترى ان من الاصوب نظام القائمة سحر ناجي: هل ترى في وجود معارضة قوية وتبادل للسلطة ان صالح الحزب الحاكم ام تراها مش من الصالح لان هناك شبه حالة من الجدل حول هذا الموضوع فيه شكل للمعارضة بصورها المختلفة الكاتب الصحفي. محمد علي خير: وانا موجود وامثل الحزب الحاكم ارى ان تظل المعارضة وانا اظل في الحكم ولو انا في المعارضة ومش في الحزب الحاكم هارى ان تظل المعارضة ولكن لو تركنا الامور لهوى الافراد او هوى الاحزاب .. تمنينا ان يكون عندنا فصيلين اتنين اقوياء وحزبين رئيسيين اقوياء يحدث بينهم تبادل في الحكم يعني احنا بنرى الحزب الجمهوري في الحكم والكونجرس في التشريعية ودا من الثقافة والوعي عند المواطن الامريكي ان هو اذا منح رئاسة البيت الابيض للحزب الجمهوري لا يمنح الكونجرس المريكي اغلبية في البرلمان لاعضاء الحزب الجمهوري وانما لاعضاء الحزب الديموقراطي والمفروض احنا كشعب ان نتعلم من تلك التجربة يعني اذا كانت الرئاسة لاحد التيارات فالبرلمان يذهب الى تيار اخر .. اذا كان البرلمان جرى تشكيله من تيار اسلامي يبقى الرئيس كذا سحر ناجي: يمكن في الخطوات الاولى لهذه التجربة لكن جريدة اليوم السابع ترى ان المعارضة ليست افضل من الحزب الحاكم لكن الاحزاب عاملة حصار ذاتي بعد ماكانت في حصار في نظام مبارك لا زالت عاجزة عن الخروج من عقدة النظام السابق م الكاتب الصحفي. محمد علي خير: ايام مبارك كانت المعارضة هي صنيعة النظام وكلهم كانوا بيشتغلوا مع النظام وييجوا بالليل في امن الدولة مع امين عام الحزب الوطني .. المعارضة اللجديدة دي اتشكلت بعد الثورة وهي صنيعة نفسها او صنيعة الشارع او تعبير عن افكارها السياسية فلا استطيع ان اقارنها بالمعارضة ايام الرئيس السابق.. المعارضة للاسف عندهامشاكل ذاتية داخلية وعندها مشاكل خارجية خارجة عن ارادتها والمشاكل الخاصة بيها هي غلبة المصالح الشخصية او الذاتية او النفعية على المصلحة العامة يعني بدل ما انا وانت نعمل حزب مع بعض لا يبقى كل واحد يعمل حزب فالتفريق دا امر سئ فالاحزاب معندهاش قدرة على التواصل وبتستخدم الكلمات ومفردات المواطن البسيط وامور خارجية عليها ان تعلم ان اي حزب حاكم سيصل الى السلطة عليها ان نعرف انه سيسعى الى عرقلتها ودي لعبة سياسية على الكراسي الموسيقية سحر ناجي: على حساب المجتمع بصفة عامة الكاتب الصحفي. محمد علي خير: على حسب .. الاقتصاد دا انا بستخدمه كورقة تعضد حكمي وفي نفس الوقت اسحب من الاحزاب المنافسة خلي بالك واقري برامج المرشحين في الانتخابات هتلاقي بيغلب عليها الشق الاقتصادي يعني مش امس الدعم وهساوي الدولار بالجنيه دا احد المرشحين قالها هحل مشاكل البنزين والمرور والبطالة وما الى ذلك سحر ناجي: دا بمناسبة المائة يوم في جريدة المساء محمد فودة بيرى ان اعتراف احد مسئولي حكومة هشام قنديل فشل تحقيق برنامج ال100 يوم انه اعتراف شجاع يحسب لهذه الحكومة ولكن الكاتب الصحفي. محمد علي خير: حكومة هشام قنديل اعترفت بفشلها سحر ناجي: هو بيقول كده وبيرى ان هذا الامر شجاع ولكن الاعتراف بالفشل لا يكفي وانما اعادة النظر في الاسلوب الذي يمكن من تحقيق هذا هل ينبغي اعادة النظر في الاساليب المختلفة لتحقيق اهداف ال100 يوم الكاتب الصحفي. محمد علي خير: خلينا نتفق الاول على ان فكرة ال100 يوم ليست فكرة خاصة بالدكتور محمد مرسي دي دعوة اطلقها عدد كبير جدا من المرشحين وكل مرشح قال انا عندي برنامج وفي ال100 يوم انا هعمل كذا ومحمد مرسي كاحد مرشحي الرئاسة كان لازم يقول انا هنزل ولازم اعمل كده .. الجزء اللي انت بتدير بيه الحملة الانتخابية وجزء سياسي هو تحديد توقيتات معينة يعني جزء مثلا وراجعي فيه الدكتور ياسر علي المتحدث الرسمي باسم رياسة الجمهورية اللي هو خلال الايام سيصدر قرار كذا وخلال ايام سيصدر قرار جمهوري ينظم طبيعة عملهم وقال خلال ايام سيحدد ايام سيتم تحديد هوية ومنفذي عملية رفح وبتعدي الايام دي طيب نقول مثلا سنعلن قريبا او عندما تتوافر معلومات وهكذا فكرة العمل السياسي عندما تلزمي نفسك بتحديد يوم لكن خلينا نقول انه والله لو رئيس الجمهورية اتم الخمس ملفات دا انجاز عظيم جدا ليه وللشعب المصري وخمس اهداف دول ول كانوا حققوا المرور والنضافة كان هيبقى ليها انعكاس ايجابي لكن انا واصل لمرحلة اني مش همسك على رئيس الجمهورية وهكسر لاعداد والله لو انتهت ال100 يوم وانجز لنا فيها نقطتين رئيسيتين مثال البنزين والمرور النضافة واستعادة الامن ولكن هناك تعامل مع برنامج الدكتور مرسي دون ان تكون هناك مشاركة ايجابية من المواطن فمثلا النضافة هي سلوك شخصي هناك خيوط متشابكة بين الدولة وبين المواطن لو حصل توعية لهذا المفهوم بس احنا للاسف خارجين من الانتخابات والمجتمع منقسم الى قسمين نصف مع تيار الاسلام السياسي ونصف منافس لتيار الاسلام السياسي كل فريق يتمنى من الاهر انه يخسر او يفشل وللاسف دا اسوا ما وصلنا اليه في مصر وارجو من البرنامج ان يوجه دعوة الى ان تدعو مؤسسة الرياسة دعوة لالغاء الانقسام واللي اطلقها الانتخابات الرئاسية ليحدث حالة من حالات التوافق على امور محددة بحيث ان الكل يتجه الى المستقبل سحر ناجي: نتمنى ذلك الكاتب الصحفي محمد علي خير بشكرك على التحليل وغدا ان شاء الله مساحة جديدة للراي وبشكركم
