مفيد فوزى: سألت مرة كاتب نوبل العظيم نجيب محفوظ لماذا تمشى كل صباح ؟ وما قيمة المشى فى حياتك ؟ قال بالحرف الواحد ولا انسى هذه الكلمات امشى لاكتشف الحياة اذن المشى من الممكن ان يكون وسيلة عند الروائى نجيب محفوظ لاكتشاف الحياة لكن طبيب القلب يراه امر اخر يرى المشى شديد الاهمية لان عدم الحركة يورث امراضا كثيرة منها مرض القلب المشى ايضا عند الطبيب النفسى مسالة مهمة لانة يقلل من التوتر العصبى عكس طبعا المشى اثناء النوم المشى عند الحامل فى نظر طبيب الولادة مهم لانه يعطى لها ال fitness او اللياقة وفى نفس الوقت يعطيها ايضا مناعة ضد ما يسمى بسكر الحمل المشى فى حياتنا قضية مهمة اكاد اصل بها الى ان المشى من الممكن ان يكون فية رفعة ونهضة وبناء الاجسام وايضا ينعكس مباشرتا على الانتاج لست ادرى من اين نبدأ. وفى بعض الاحيان احس بدرجة حزن عندما اكتشف ان المشى يحتاج الى رصيف والرصيف ليس معدا للمشى وليس بالضرورة ان يكون كل الناس فى هذه البلد اعضاء فى اندية يتمشون ويمشون كانت السيدة ام كلثوم فى الزمانات القديمة تحاول المشى امام بيتها فى الزمالك وكانت المشكلة انها والاستاذ محمد عبد الوهاب سارا حديث المدينة لانهم لم يتمكنا من المشى الهادئ الامن فقد تجمع الناس حولهما اريد ان اصل الى حقيقة ان المشى فى حياتنا ربما تبدو دعوة رومانسية ولكنها فى واقع الامر دعوة علمية ولها مبررتها ان الشعوب التى تمشى انما هى شعوب ناهضة بنفسها وتاملوا اوروبا يمشون ساعات طويلة طيلة النهار ليست من اجل ان تكون صاحب بدن قوى او جميل ولكن من اجل الصحة، الصحة هى هدفنا وهى الامل وهى المنال ومن هنا طرحنا قضية المشى ليس من جانبها الرومانسى ولكن من جانبها العلمى فى حديث المدينة .. فاصل مفيد فوزى: الناس فى مصر ما بتمشيش لية كثير .. هل هى ظاهرة المشى اثناء النوم .. اول ما المخ الكهربة تزيد بالليل يبتدى الحركة تظهر يبتدى بقى الطفل يقوم من مكانة يمشى المشى مفيد جدا لان فى مراكز كثيرة فى اوروبا وفى امريكا اكبر مراكز فى العقم لما بتيجى لها مرأة ثمينة بيقولوا لها لأ مش هنعالجك روحى خسى الاول وتعالى .. المشى مزيب الجلطات السريع بيتراوح ما بين 20 و 40 دقيقة هرمون السيسترون بيظهر من الساعة 12 الى الساعة 2 هرمون السيسترون ده المسئول عن نمو العضلات .. البس حاجة فى رجلك مريحة تساعدك وما تضايقكش فى المشى .. لازم عشان امشى امشى كده مواطن : بالضبط مش يعن امشى اخبط فى الناس وانا ماشى فاصل مفيد فوزى: خبر اتنشر قريبا انه فى جنوبالمانيا شاب صغير عنده 18 سنة طبعا يعتبر طفل حسب التعريفات هذا الشاب اللى عنده 18 سنة قام من نومة مشى فتح الشباك ونزل منه فى الشارع وسقط ميتا لانه كان نائم ومصاب بمرض المشى اثناء النوم.. كارثة بالقطع د. هاشم بحري: الاضطرابات العضوية موجودة فى صغار السن اكثر يعنى الاضطرابات النفسية موجودة من الاول من سن ال30 لغاية سن ال 50 مفيد فوزى: انه يمشى اثناء النوم د. هاشم بحري: انه يمشى اثناء النوم مفيد فوزى: هل فى حوادث مميتة لهذه العملية هى لما بيمشى مدة طويلة ويطلع برة البيت دى بتبقى خطيرة يعنى ممكن يتخبط فى الشارع ان يكون مثلا فى البيت مثلا فى سلالم فينزل يروح واقع من على السلم فا يتعور مفيد فوزى: طب فهمنى وهو قائم قائم فى ايه فى حالة نعاس د. هاشم بحري: اقول لك يا استاذ مفيد يفترض ان احنا عندنا حالتين نفسية ودى اتعلمت لو حضرتك تفتكرها مع الفنان فؤاد المهندس والفنانة ثناء جميل فى المسلسل اللى اسمع عيون ..ودى حاجة مهمة جدا بالدكتور الله يرحمة عادل صادق وده بيورينا قيمة المراجعة العلمية تبقى كويسة انه واحد كان بيشعر بكبت شديد الكبت ده نتيجة ان الزوجة كانت قاصية علية فكان نفسة يتحرر فا لما بتيجى مرحلة النوم بتظهر كل المشاعر المكبوتة دى فا يطلع ويتنطت ويروح يلعب كورة رغم ان هو مستشار قانونى ضخم جدا مفيد فوزى: ده فى الدراما لكن فى الواقع؟ د. هاشم بحري: فى الواقع هى دى الواقع مفيد فوزى: الله يعنى افهم من كده انه ممكن الشخص شخص كبير يقوم من نومة يتحرك يفتح الباب ينزل ويركب العربية د. هاشم بحري: وينزل يعمل حاجة تسعده ويرجع مفيد فوزى: فهمنى العمليات المخ فى اثناء النوم هل المخ بيبقى يقظ فى النوم د. هاشم بحري: فى ناحية المشاعر .. هنابيبقى المخ واعى بيبقى عنده القدرة على انه يعمل سلوك ما مفيد فوزى: واعى بايه؟ د. هاشم بحري: واعلى بالاحداث اللى حوالية هو مش صاحى لكن يعرف يسوق عربية يعرف يفتح باب مفيد فوزى: الجملة متناقضة لازم الناس تفهم هو مش صاحى لكن يعرف سوق عربية .. افتكر انه الانسان علشان يسوق عربية لازم يبقى فى حالة يقظة ووعى د. هاشم بحري: بالضبط .. هو بيبقى فى الشق الثانى من شخصيتة وكان هنا الشخصية منفصلة الى فصلين مختلفين تماما واحد منهم المستشار المهم جدا فى مكتبة والثانى بالشخصية الثانية اللى هى اكنة يلعب ويبقى طفل النوم هنا بيدنى مخرج للشخصية الثانية بكامل قوتها بوعيها ووو لكن تحس ان هو بنى ادم تانى لكن واعى مفيد فوزى: هل الشخص لما يكون نايم ويقوم يتحرك ويخرج واكتشفت انه يعنى انه ماشى اثناء النوم هل لو نبهتة زغدتة هل ده غلط د. هاشم بحري: لألأ مش غلط هنا هيصحى من النوم ويفوق مفيد فوزى: انت قلت ايه يصحى من النوم د. هاشم بحري: اه مفيد فوزى: يصحى من النوم يعنى ايه د. هاشم بحري: هيرجع لشخصيته الاصلية هيفوق لنفسة ايه اللى انا باعمله ده ازاى انا جيت الشارع مفيد فوزى: هل ده بيجرحه د. هاشم بحري: لأ لأ بيبقى مستغرب لكن مش جرح يعنى ايه اللى حصل فا انت بتفهمة انت كنت بتعمل كذا لو بيتتبع المشوار بتاعة هيطلع من الازمة دى ويخلص مفيد فوزى: طب الاطفال لما بيخرجوا وممكن يروح الحمام ويقعد فى الحمام ويصح يغرق فى الحمام مش دى مصيبة د. هاشم بحري: طبعا طبعا مفيد فوزى: الطفل اللى ممكن عنده هذا المرض وبيجيلك انت بتعالجة ازاى هل بتعالجة بالعقاقير د. هاشم بحري: هنا بقى الشق الثانى حضرتك مفيد فوزى: يعنى مهم الناس تعرف ايضا ايه الجانب العلاجى لمثل هذه القضية د. هاشم بحري: لو الاطفال هيكتشف ان الاغلبية منهم عندهم اضطراب عضوى فى كهربة المخ هنا الكهربة بيبقى عندها نوبة اسمها نوبة نفسية حركية اول ما المخ الكهربة تزيد بالليل يبتدى الحركة تظهر يبتدى بقى الطفل يقوم من مكانة يمشى .. مفيد فوزى: هل كل انسان عنده هذه الكهربة فى المخ يعنى كهربة مخ حضرتك تختلف عن كهربة مخى امتى تزيد هذه الكهربة د. هاشم بحري: فى اضطراب زيادة كهربة المخ هو لو زاد جدا جدا جدا انك تقول علية الصرع مفيد فوزى: تقول علية ايه د. هاشم بحري: الصرع مفيد فوزى: الصرع د. هاشم بحري: اللى هو بيجى نوبات التشنج بس ده احد الاشكال العنيفة اللى هى الناس تألف ان هى تسمعة اه ده عنده نوبة صرع ولكن فى نوبات بسيطة مش لازم تصل الى المرحلة التشنجية العالية دى مفيد فوزى: يبقى د. هاشم بحري: تبقى المخ فى حالة نشاط حركى مفيد فوزى: يقوم يمشى طيب اللى بعرفة زى ما قرات انه الدائرة العصبية اللى هى دائرة المخ بيحاولوا دلوقتى زى ما قالت منظمة الصحة العالمية يدرسوا اية الجينات اللى بتحرك الانسان والمشى هوالحركة وربما فيما اعتقد يعنى تمنوا علميا انهم يدرسوا هذه الجينات علشان خاطر اذا اصاب احد شللا امكن علاجة د. هاشم بحري: بالضبط .. ودى فكرة الهندسة الوراثية اللى هى الطفرة القادمة فى العلاجات ومن المتوقع انها تكون بقوة ظاهرة من سنة 2015 مفيد فوزى: هو الشلل ايه يا دكتور د. هاشم بحري: له اشكال ولكن هى طبعا ولكن هى الفكرة انه فى توصيلة فى المخ هنا الجسم مرسوم ازاى يتحرك وبنزل عن طريق الحبل الشوكى الى العضلات وبالتالى هنا بيتحرك بالاوامر الصادرة من اعلى زى ما بحرك ايدى دلوقتى وباشاور على راسى فا تبتدى الاوامر تظهر من هنا لغاية الحبل الشوكى من ورا فا الحركة حركت الايدى والاصابع وده بالاوامر لو التوصيلة دى فيها اى خبطة اللى بيحصل ان مفيش حركة ده بقى اللى احنا اتكلمنا فية ده هو لو احنا قلنا الشق الاول فى المسلسل اللى اتكلمنا علية هنا فى الحالة دى احنامحتاجين نخرج الحاجات المكبوتة جوا الانسان يعنى انت نفسك تبقى مستشار هايل طبعا لكن طبعا مفيد فوزي: اشمعنا مستشار دى يعنى د. هاشم بحري: لألأ هى كانت المسلسل كده مفيد فوزى: انا ايش عرفنى بالمسلسل د. هاشم بحري: هو مثلا شخصية قوية مفيد فوزى: اى انسان ما بيمشى اثناء النوم د. هاشم بحري: ليه بيعمل كده .. احنا عندنا فى الطب النفسى ديما نسال لية يعنى انت لية لية عايز تلعب كورة لية عايز تتنطت ليه عايز تخرج ده معناه ان هنا فى شئ ما مفيد فوزى: هل الحس الانسانى له تبريرة د. هاشم بحري: اه لازم مفيد فوزى: فى علم النفس كده د. هاشم بحري: اه لازم وكلنا عارفين لية مفيد فوزى: يعنى الشخص اللى بيزعق بصوت عالى له تبريرة د. هاشم بحري: له مفيد فوزى: الشخص الساكت له ايضا تبريرة د. هاشم بحري: كل حاجة احنا بنعملها لازم مفيد فوزى: كل سلوك انسانى د. هاشم بحري: له تفسيرة لو كان له مشكلة ندخل وراه لية عشان نحل المشكلة لكن اى حد بقى بيعمل اى سلوك عادى احتمال يعمل اى حاجة بس ادام ما بتضرنيش او بتضر الاخرين .. لكن لو عندنا بقى النقطة الثانية اضطراب فى كهربة المخ فا بيعمل حاجتين حاجة اسمها رسم المخ وحاجة متقدمة جدا اسمها معمل النوم انسان بيجى عندى ينام او حتى بينتقل الجهاز له فى البيت واللى بيحصل ان احنا بنصورة وبنرسم مخة واجهزتة التنفسية كل ده بيتصور اثناء النوم وبيطلع على الاجهزة بطريقة توضح لنا ليه حصل حركة لهذا الطفل اثناء النوم ليه قام لية دخل الحمام ليه نزل من على السلم كل دى هنابس بيبقى فى فرق اللى انا كنت عايز ارجع له الشخصية الاولى الشخصية النفسية بيبقى واعى بانك انت هتلاقية سايق العربية وماشى الاطفال لما بيجلهم اضطراب فى الكهربة او اى حد وده سواء اغلب فى الاطفال تلاقى وعية مضطرب بيبقى منتبه لك لكن مش معاك مش شايف مفيد فوزى: فهمنى مبرق لى بمعنى ايه انه جفونة نازلة د. هاشم بحري: لألأ عينية مبحلقة كده وشايف كويس بس هو مرتبك يعنى الوعى بتاعة مفيد فوزى: بيقدر يقوم ويخش الحمام د. هاشم بحري: اه بس مرتبك يعنى هتلاقية يقوم بتصرفات غريبة ما يعملهاش اى انسان مفيد فوزى: هل صورتوا الحاجات دى د. هاشم بحري: اه هو فى افلام ليها وفى معلومات طبعا مهمة جدا الواحد بيكتسبها خصوصا بعد ما طلع معمل النوم لانه بيصور لى كل الابعاد اثناء النوم المخ بيشتغل ازاى الكهربة جت منين ازاى الكهربة توصولوا الى انها تحرك الجهاز الحركى ازاى دفعتة الى ان هو يقوم ويمشى فدى بتبقى مفيدة جدا طبعا فى نوع العلاج مفيد فوزى: الكبار لما بيمشوا فى هذه المسالة دى اية بالنسبة لهم د. هاشم بحري: الاغلب هى الحاجز النفسى مفيد فوزى: اضطرابات الحاجز النفسى د. هاشم بحري: اه الحاجز النفسى ودى ليها اشكال والوان كثيرة جدا وبيبقى الغريب فيها انه هو نفسة ما بيبقاش متوقع هو بيبقى دايما عنده حلم انه هو يعمل حاجة تلقى واحد مثلا كان بيجيلى بيحب جدا الخذف وبيحب ان هو يلعب بالصلصال مفيد فوزى: يقوم بالليل يعمل د. هاشم بحري: يقوم بالليل يعمل مفيد فوزى: يمشى ويعمل الخزف د. هاشم بحري: ويروح للمكان هو كان ماجرة وكان عنده الطبلية بتاعت الخزف دى ويشتغل وكل حاجة مفيد فوزى: وبعدين يرجع ينام ثانى فاصل مفيد فوزى: كابتن محمد سعد عايزك تفهمنى وانت راجل تتمتع بجسم جميل الكاميرا بتجيبة بالكامل هل نت صنيعة المشى والا من افراز للتمرينات والتدريبات والا هل المشى كمان جزء من حياتك كرياضى كابتن محمد سعد : اه هو رياضة المشى طبعا اساس كل الرياضات ابسط رياضة مفيد فوزى: اساس كل الرياضة كابتن محمد سعد : اه ان رياضة المشى ديت طول ما انت بتمشى بتفقد سعرات حرارية لكن انا بالنسبة لجسمى انا انا عن طريق التمرينات اللى هى الbody-buildingلكن رياضة المشى دى مهمة جدا ان المشى بيحرق سعرات حرارية اعلى من رياضة الجرى ان الجرى لما بتيجى تجرى كثير ما بتحرقش سعرات حرارية اعلى لكن لما بتمشى فى الهرولة المشى السريع لا هو جرى ولا هو مشى المشى السريع بيفقد معاك كالورز اعلى مفيد فوزى: تسمح تورينى ارجع ورا كده وورينى وانت جاى المشى السريع اتفضل يا محمد كابتن محمد سعد : وانا ماشى كده مفيد فوزى: اناملاحظ ان الايدين لازم تبقى كابتن محمد سعد : علشان تبدا تحرق الكارولز السعرات الحرارية عشان تبدا تحرق كميات اكبر يعنى مفيد فوزى: طب وانت يعنى ربيت العضلات دى ازاى كابتن محمد سعد : ربتها بقى وماشى على نظام غذائى معين مفيد فوزى:على فكرة الولاد الصغيرين الاطفال يحبوا يبقوا زيك زى ايه البرنامج الغذائى انت ما بتخدش شيكولاتة كابتن محمد سعد : انا باكل الاكل اللى يفيدنى بس بكمية ابقى عارف السعرات الحرارية اللى داخلة جسمى واقدر افقدها ازاى لكن اهم حاجة فى الموضوع كلة فى البرنامج الغذائى بتاعى ان هو يعتمد على البروتين والكربوهيدرات والفيتامين البروتين موجود طبعا فى الفراخ والفول جزء من البروتين النباتى وفى البروتين الحيوانى انما البروتين النباتى الفول العدس اللوبيا الفاصوليا كل دوت مفيد فوزى: انت بتمشى اد ايه فى اليوم لما كنت يعنى بتبنى جسمك ؟ كابتن محمد سعد : يعنى هو المفروض الطبيعى للمشى عندك من ساعة الا ربع لساعة ونص مفيد فوزى: من ساعه الاربع لساعة ونص كابتن محمد سعد : اه ليه بقى هقول لحضرتك مفيد فوزى: بتلف التراك كام مرة مثلا كابتن محمد سعد : هو حسب مساحة التراك حضرتك هقول لحضرتك حاجة رياضة المشى انت بتعمل ايه بقى بتبدأ رياضة القلب علشان تجرى الدورة الدموية علشان رياضة عشان الرياضيين دايما عندهم حاجة اسمها لغط .. فهمتنى ازاى مفيد فوزى: لغط كابتن محمد سعد : لغط رياضى مفيد فوزى: يعنى ايه لغط رياضى كابتن محمد سعد : لغط رياضى يعنى حضرتك انت لما بتتمرن فى اى لعبة ((say كورة .. قدم .. كاراتيه كمال اجسام.. اى لعبة بيحصل لك لغط عضلة القلب بتكبر فتبدا تمسك منهاايروبكس يتعمل لها سويدى لازم يتعمل لها ماسج مشى سريع مفيد فوزى: هل هو ده التسخين كابتن محمد سعد : هو ده احماء احماء غير الاسترتشات .. بتعمل استرتشات فى البداية اللى هو اطالات للعضلات الخلفية وعضلات الضم وبعد كده تبدأ برياضة المشى علشان ما يحصلش لك كرمبات(تقلصات) وانت ماشى ولازم تدخل مفيد فوزى: الكرامب بيجى من ايه ؟ كابتن محمد سعد : الكرمب بيجى من حاجتين حضرتك نقص بوتاسيوم فى الجسم والحاجة الثانية اللى هى عدم التسخين الجيد للتمرين مفيد فوزى: تمرين المشى بيبقى ازاى يعنى تمرين المشى بيبقى ازاى كابتن محمد سعد : استرتشات بعض الاستراتشات البسيطة انا هبدامعاك المشى هبدا رجلى كده هبدا اعمل اطالات للعضلة الخلفية وبحاول امد مشط رجلى اعد عشر عدات من واحد ل حد عشرة بعد كدة اضم رجلى واعمل بردوا استرتش للعضلة الخلفية مفيد فوزى: كل ده قبل المشى كابتن محمد سعد : قبل المشى وابدا اعمل استرتش للعضلة الضمة يمين وشمال بحيث ايه ما يحصليش كرامب مفيد فوزى: المشى كده يا محمد يعنى باقول لك بصراحة يعنى انا لما انزل التراك مثلا علشان امشى مجرد ان انا ادخل على طول باكمل والا ده غلط كابتن محمد سعد : ده غلط ماهو انت مجرد ان انت تيجى تخش حتة المشى وتبدا المشى على طول دوت لازم العضلات دى برده يعنى say يعنى مثلا موتور العربية مثلا تبدا تدور لازم تسخن العربية الاول علشان تمشى يعنى دورة الزيت فى الموتور نفس الحكاية للانسان هنبدأ بقى اذن التسخين ده مش مجرد عفونه كابتن محمد سعد : لألألأ انت بتبدأ تجرى الدورة الدموية وخاصة الاطراف العضلية عشان ما يحصلش كرامب وانت ماشى مفيد فوزى: نجوم الكورة ..بشوفهم بيعملوا كده حركات غريبة كابتن محمد سعد : هو ده بقى التسخين هو الاسترتشات الاطالات علشان بيعملوا اطالات مفيد فوزى: بشوف مثلا بعض النجوم ينط يقفز فوق كابتن محمد سعد : ده بيعملوا اطالة للعضلات السمانات والخلفية بالذات عشان بيبدأ عشان بحيث ما يحصلوش كرامب وهو بيجرى مفيد فوزى: وهل انت بتقفز بتقفز لفوق كابتن محمد سعد : طبعا طبعا مفيد فوزى: ازاى بقى عايز اعرف كابتن محمد سعد : يعنى بتحط بتعمل استرتش بعد ما بتعمل استرتش بتبدا بقى اطالة فوق فوق فوق ترفع رجليك وتنزل تاخذ اطالة لتحت قوى قوى قوى لحد ما تنزل لحد بحيث الاطالة الخلفية كلها العضلة الخلفية كلها بالسمانة تبدأ تعمل استرتشنج معاك اطاله علشان ما يحصلش لك كرامب مفيد فوزى: انت خايف كلة اثناء المشى من الكرامب كابتن محمد سعد : من الكرامب مفيد فوزى: الكرامب ابسط تاثير له ايه بس الواحد بيعرف كابتن محمد سعد : الشد العضلى ممكن تحصل له مثلا ايه وانت ماشى مفيد فوزى: وفى العوم وفى النوم كابتن محمد سعد : لأ فى النوم بيحصل لك زى نقص بوتاسيوم فى الجسم يبقى الواحد لازم يدخل فى برنامجة الغذائى الفاكهة زى الموز الموز ده فية بوتاسيوم عالى قوى لية لان البوتاسيوم لما بينقص فى الجسم بيعلى نسبة الصوديوم فلازم يبقى فى نسبة وتناسب بين الصوديوم والبوتاسيوم الصوديوم طبعا موجود فى ملح الطعام والاملاح الموجوده الاملاح الطبيعية زى الطماطم والخضار بصفة عامة فلازم يبقى فى نسبة تناسب بين البوتاسيوم وبين الصوديوم مفيد فوزى: انت مش ملاحظ ان راسك صغيرة بالنسبة لجسمك كابتن محمد سعد : راسى صغيرة بالنسبة لجسمى مفيد فوزى: والا ايه والا انا غلطان كابتن محمد سعد : لألألأ لزم لعبة مفيد فوزى: هو انت وزنك اد ايه كابتن محمد سعد : 120 كيلو مفيد فوزى: ده يعتبر بالنسبة لك كابتن محمد سعد : لأ هو بالنسبة للرياضة بتعتنى لان انا بالعب فى الوزن المفتوح ال full weightيعنى فا مفيد فوزى: بتشيل حديد كابتن محمد سعد : انا body buildingحضرتك انا مفيد فوزى: جمال اجسام كابتن محمد سعد : اه اجسام بطل مصر وافريقيا وبالعب فى جمال اجسام مفيد فوزى: ايه اهم قيمة فى جمال الاجسام ؟ كابتن محمد سعد : التناسق يعنى انت ايضا من اللذين ينصحون انه ضرورة المشى بعد العشا يعنى اجدادنا لما قالوا المثل الشعبى ده كان على حق كابتن محمد سعد : طبعا طبعا مهم جدا المثل والمثل ده مفيد جدا للناس كلها والمشى ارخص حاجة مفيد فوزى: طب نوم القيلولة اللى هو الظهر مفيد فوزى: التناسق كابتن محمد سعد : جمال اجسام يعنى تناسق اجسام بحيث انت تلاقى برايسس زى ترايسس زى اتشوشلد مفيد فوزى: هل ده احد افرازات المشى فى حياتك كابتن محمد سعد : طبعا المشى ده اساس كل رياضة زى ما قلت لحضرتك قبل كده المشى هو اللى بتبدأ الرياضة يعنى ابسط رياضة على وجه الارض ممكن كل الناس وكل البشر يمارسوها المشى لان فى ناس كثيرة معندهاش وقت انه تروح نادى فا ابسط حاجة سى مثلا بدل ما يروح مشوار يركب عربيته والا حاجة ينزل يتمشى مفيد فوزى: ماتيجى نمشى شوية كابتن محمد سعد : اه نتمشى الشى ده مهم جدا فى حياة الانسان ان هو بيفقد سعرات حرارية say مثلا الواحد راجع من شغلة مثلا متاخر بالليل فا هيبدأ يتعشى يتعشى وينام ده مشكلة كبيرة قوى مفيد فوزى: كابتن محمد سعد : انا بصراحة ما بانصحش بنوم القيلولة دوت مفيد فوزى: ما بتنصحش بة ده ده الانسان لما بينام ساعة الظهر بيجدد الخلايا ما بتنمش الظهر كابتن محمد سعد : لا هقول لحضرتك حاجة بقى مفيد فوزى: انت بتنام الساعة كام انت كرجل مهتم ببدنك واضح ان ده اهم حاجة فى حياتك بتنام الساعة كام بالليل ؟ كابتن محمد سعد : بنام الساعة يعنى هو المناسب من 10 الى 11 مفيد فوزى: الله دا انت بتنام فى عز الظهر كابتن محمد سعد : لأ 10 الى 11 مساءا لأ مش فى عز الضهر ولا حاجة يعنى هقول لحضرتك حاجة مفيد فوزى: وبتقوم الساعة كام الصبح كابتن محمد سعد : باقوم الساعة 7 الصبح النوم بدرى له فائدتين .. هرمون السيسترون بيظهر من الساعة 12 الى الساعة 2 هرمون السيسترون المسئول عن نمو العضلات بيظهر من الساعة 12 الى الساعة 2 باليل ليلا .. وفى هرمون ثانى اسمة جروث هرمون بيظهر من الساعة 2 الى الساعة 4 ده اللى مسئول عن بناء الكتلة العظمية فى جسم الانسان الفترة دى مهمة جدا فى اثناء النوم فاهى دى اللى بتعمل بناء العضلات وفى نفس الوقت بناء الكتلة العظمية تحت الجسم لكن نوم الظهر انت say نمت الظهر مش هتنا بالليل مفيد فوزى: انت لازلت بتمشى كابتن محمد سعد : طبعا المشى ده مهم جدا ما انا باقول لحضرتك مفيد فوزى: حتى الان انا اد ايه كابتن محمد سعد : يوميا ساعة الا ربع بابدا اعمل الاسترتش بتاعى مش مشى مشى زى ما باقول لحضرتك هرولة مفيد فوزى: ربنا يديك الصحة كابتن محمد سعد : ربنا يخليك مفيد فوزى: ويقوى عضلاتك ورينى عضلاتك كده وريها للناس ورينى عضلاتك مش عايز احسدك انما خلى الكاميرا تجيب عضلاتك ده ايه ده فاصل مفيد فوزى: دكتور ابراهيم لما نجيب محفوظ بيمشى مسافات طويلة من بيته فى العجوزه للاهرام اليس هذا مرهق لواحد الله يرحمة كان فى عمرة يعن كان تعدى ال 60 وبيمشى د.ابراهيم الجعيدي: حضرتك المشى طالما بطريقة فسيلوجوية ومفيش ما يمنع يعنى ليس هناك مرض عند الانسان يمنعة من ممارسة رياضة المشى وهو يستطيع انه يمشى بطريقة سلسة جدا مفيد فوزى: يعنى ايه ديناميكية ؟ دكتور ابراهيم :يعنى ما يحملش قوى بطريقة تجهد القلب مثلا وفى بعض امراض فى القلب مفيد فوزى: يعنى ايه ما يحملش انااعرف التحميل فى النت؟ د.ابراهيم الجعيدي: يعنى مثلا واحد عنده قصور مفيد فوزى: التحميل كمان فى المشى ؟ د.ابراهيم الجعيدي: التحميل فى المشى يعنى المشى بسرعة زائده زوجنج او اسبرنس الحاجات اللى فيها مفيد فوزى: واخد بالك حضرتك انت مش كل اللي فى مصر خريج كلية طب انما هنا الجمهور د.ابراهيم الجعيدي: يعنى احنا هنا نقول ان فى مشى بطئ او متوسط او سريع مفيد فوزى: المشى البطئ العادى اللى هو الواحد فيه كانه كده يعنى هو وواحد صحبه هل ده مشى؟ د.ابراهيم الجعيدي: طبعا مفيد فوزى: ده مشى ده؟ د.ابراهيم الجعيدي: طبعا مفيد فوزى: يعنى انت بتعتبره فى عداد المشى الذى يفيد الانسان امال ليه بيتقال ان المشى التسكعى ليس مشيا والانسان لازم يمشى خطوات دكتور ابراهيم :هو اصل فى مشى بغرض التخسيس وفى مشى بغرض الرياضة وتلين العضلات وتلين المفاصل وتقوية العظام يعنى كل حاجة من دى لها مجالها لكن المشى باى صورة من الصور هو نوع من انواع الرياضة ومفيد جدا لكل اجهزة الجسم مفيد فوزى: خلقنا بكرزات طبيعية فى العمود الفقرى فبنجد مثلا فى الرقبة العمود الفقرى بياخد حرف c للامام يعنى يبقى محدب للامام الفقرات الظهرية بتعكس وده علشان يوسع القفص الصدرى مفيد فوزى: لما انا امشى امشى ازاى د.ابراهيم الجعيدي: لازم ابقى انا Straight يعنى لازم ابقى عدل وانا ماشى مفيد فوزى: فهمنى يا دكتور انا واقف اهو قم معايا انا اهو يادكتور ..انا ادامك اهو همشى .. انا من عيوبى بامشى كدة ده غلط د.ابراهيم الجعيدي: لأ ده غلط مفيد فوزى: لية لانى باعمل انحنائة فدى.. د.ابراهيم الجعيدي: حضرتك انا واقف اهو باخد كل العلاقة بتاعت الطبيعية بتاعت ربنا اللى خلقنى بيها ما اعكسهاش علشان ما يبقاش فى شد على اربطة الفقرات ولا اجهاد فى العضلات بتاعت محيط الظهر مفيد فوزى: اذن انا يا دكتور اكون واقف د.ابراهيم الجعيدي: لازم ابقى عدل زى وقفة الجيش الانتباه بتاعت الجيش دى امشى بالضبط كان معانا بعض الصور لطريقة المشى الصحيحة والمراحل بتاعت المشى الطبيعى مفيد فوزى: سؤال يا دكتور هل انا لما امشى يفضل ان اديا تبقى فين احيانا امشى احط ايدى فى جيوبى وده غلط د.ابراهيم الجعيدي: لأ غلط مفيد فوزى: طيب د.ابراهيم الجعيدي: فى حاجة اسمها سونج او المرجحة مفيد فوزى: يعنى انا لما امشى امشى كده د.ابراهيم الجعيدي: بالضبط اه بس مش اخبط فى الناس وانا ماشى مفيد فوزى: قليل كده د.ابراهيم الجعيدي: ايوا اه مفيد فوزى: تسمح تقول لى ايه قيمة ده بالنسبة لى هل ده قيمة عضلات د.ابراهيم الجعيدي: طبعا طبعا لان ده بيحرك كل عضلة فى الجسم فى الاطراف العلوية وفى الاطراف السفلية وفى الجذع وفى العمود الفقرى المحيطة بالعمود الفقرى مفيد فوزى: لكن لازم د.ابراهيم الجعيدي: لازم ابقى عدل اه ما ابقاش ماشى كده ولا كده ولا حاطت ايدى فى جيبى سواء كده زى الوقف مفيد فوزى: هل الخطوات يا دكتور لازم تبقى خطوات يعنى فيها نوع من الاجهاد للرجل د.ابراهيم الجعيدي: لأ مش لازم مفيد فوزى: ما احنا بنقول فى حاجة اسمها حد الاجهاد ده مش مفروض نوصل له يعنى احنا عندنا ربنا عمل لنا الناقوس الخطر هو الالم مش مفروض خالص اى انسان يعمل حاجة تؤلمة مفيد فوزى: سؤال اناوانا ماشى لو استشعرت اننى متألم من المشى دكتور ابراهيم: اوقف يعنى لازم اوقف مفيد فوزى: طيب تسمح تقولى دول الركب دول والعضلات واناماشى بيحصل فيهم ايه ؟ د.ابراهيم الجعيدي: عدة طرق مفيد فوزى: اهمها د.ابراهيم الجعيدي: احنا المشى بيتكون بصفه عامة من مرحلتين مرحلة انا بارفع فيها رجلى وده بيسموها المرجحة او.. مفيد فوزى: انا فعلا وانا بامشى باعمل كده د.ابراهيم الجعيدي: المرحلة اللى انا بانزل فيها رجلى اللى هى بيسموها الاستنس او اللى هى اللاندنج او الهبوط بتاع الرجل بيقسموها لحاجات كثيرة قوى وليها دراسات كثيرة المرحلتين دول كل مرحلة منهم بتحدد مجموعات مختلفة من العضلات .. والعضلات دى لما بتشتغل بتعمل لود يعنى بتعمل ايه تحميل بطريقة فسيولوجية .. صحية على المفاصل وعلى العظام بتاعت الجسم التحميل ده هو اساس الوظيفة بتاع الجهاز الحركى فى الجسم فى قانون اسمه قانون وولف .. قانون وولف ده بمنتهى البساطة بيقول ايه بيقول ان الشكل والتركيب بقى الوظيفة على ان انا لو جبت واحد قعدتة كده طول النهار يقزقز لب ويتفرج على التليفزيون من غير ما يتحرك هيجى له هشاشة وهيجى له تيبس فى المفاصل وهيجى له خشونه وهيجى له امراض اخرى فى الاجهزة الاخرى مفيد فوزى: ده من اجابة على السؤال شديد الاهمية اللى يهمة الناس هل عدم الحركة مصيبة ؟ د.ابراهيم الجعيدي: دى كارثة حتى المثل الشعبى يقول لك الحركة بركة .. وبعدين فى مثل اجنبى يقول ايه life is motion يعنى الحياة حركة اللى ما بيتحركش يبقى ميت حتى لو كان عنده 100 سنه مفيد فوزى: اسمح لى اقولك معلومة بسيطة كده متواضعة بيقولك ان عملوا دراسة فى انجلترا حوالين القطارات فثبت ان اللى جلهم قلب السواق ولكن المحصل بتاع العربية مجلوش د.ابراهيم الجعيدي: عشان بيمشى مفيد فوزى: لأ لانه بيتحرك اذن حضرتك تفهم كويس انه الدعوة انت عارف انا فكرت فى حاجة غريبة جدا مش فى دعوه شهيرة معروفة فى مصر هى القراءة للجميع انا اتصور ان البلد محتاجة المشى للجميع د.ابراهيم الجعيدي: دى فعلا فى محلها مفيد فوزى: انت كجراح عظام بيجيلك مشاكل العمود الفقرى اساسا من ايه د.ابراهيم الجعيدي: بس حضرتك هى اساسها نمرة واحد قلة الحركة زى ما حضرتك بتقول نمرة اثنين الاوضاع الخطأ فى الجلسة والوقفة الشغل والطوطية والشيل مفيد فوزى: دكتور ابراهيم عندك فكرة لما انا مثلا اقول انا مشيت امبارح لمصطفى الفقى عندك فكرة اللغة دى او اللهجة دى او الطريقة دى لغة مين ؟ د.ابراهيم الجعيدي: هو طبعا كلمة مشيت دى دى اللى فى اللهجة العامة بتاعت كثير من البلاد ولكن دى ليها معنى مشيت او مرحتش او ركبت مفيد فوزى: يقول لك مثلا انا مشيت امبارح لخالد يوسف مثلا د.ابراهيم الجعيدي: اه هى دى معناها ان صاحب الكلمة دى راجل بيحب المشى ورياضى مفيد فوزى: لأ لأ لأ لأ يقولك مثلا انهارده انا مشيت امبارح لخالد يوسف مثلا د.ابراهيم الجعيدي: اه ا ه اه هى دى معناها بان صاحب الكلمة دى نمرة واحد راجل بيحب المشى ورياضى مفيد فوزى: لأ د.ابراهيم الجعيدي: امال.. مفيد فوزى: هذه لغة اهل السودان د.ابراهيم الجعيدي: السودان على فكرة انا فى بعض الدول يعنى سمعتها فى كذا دولة مفيد فوزى: اقولة مثلا ايه يا دكتور على يقولى همشى لك الساعة 6 يعنى هجيلك الساعة 6 د.ابراهيم الجعيدي: ودى فعلا هى اللهجه اللى هى فيها نوع من التراث الصحى مفيد فوزى: انت بتمشى يا دكتور سلامة عمودك الفقرى د.ابراهيم الجعيدي: الحمد لله فاصل مفيد فوزى: الناس فى مصر ما بتمشيش ليه كثير؟ دكتور شريف باشا : المشى مفيد جدا ليه لان فى مراكز كثير جدا فى اوروبا وامريكا اكبر مراكز لما تيجى لها مرأة سمينة يقولوا لها لأ مش هنعالجك خسى الاول وتعالى مفيد فوزى: المشى يزيل الجلطات المشى السريع ده بيبقى بيتراوح ما بين من 20 الى 40 دقيقة فاصل مفيد فوزى: دكتور شريف باشا ينصحون الحامل قرب الولادة بالمشى علميا يعنى بيعمل ايه للست طبعا هو الصح ان احنا بننصح الحوامل بالمشى طول فترة الحمل الفمهوم الخاطئ اللى الناس فهماه ان المفروض الحامل اول 3 شهور ما تمشيش وكان المفهوم ده خاطئ مفيد فوزى: حضرتك بتقول ان الحامل لما تبقى حامل فى 3 شهور مفروض تمشى؟ دكتور شريف باشا : من اول يوم حمل لاخر يوم حمل لازم تمشى علشان الوزن لما بيزيد احنا المشى ده من احسن انواع الرياضات عن اى رياضة ثانية ان احنا علشان نحرق الدهون فى الجسم لازم فى بيسموه الفدميزون هو المنطقة اللى بنحرق فيها الفات لازم نبضات قلب الانسان ماتزيدش عن 65 الى 80 % من (maxmum) بتاع ضربات قلبة ديت اللى بتحرق الدهون بتزيد عن كده فى الجرى انت ما بتحرقش دهون انت بتقوى العضلات فاحسن حاجة الفات ميزون ان انت بتحرق الدهون انك تمشى المشية السليمة افضل من الجرى وتحرق اكثر علشان كده بتدى لياقة للحامل نمرة واحد نمرة اثنين بتقلل نسبة الدهون عندها فى الجسم ويبتدى الانسولين عندها ما بيعلاش فا ما يجيلهاش سكر حمل مفيد فوزى: هو فى سكر حمل يجى للستات ؟ دكتور شريف باشا : طبعا بيجى مفيد فوزى: من ايه بقى ؟ دكتور شريف باشا : من السمنة المفرطة فى استعداد وراثى لو.. مفيد فوزى: عفوا ماهو الحمل سمنة دكتور شريف باشا : فى الحدود المنوط بيها ان مكونات الجسم لما بتزيد بتزيد جزء دهون جزء حجم الbaby جزء مية فى الجسم جزء الدم بيزيد لكن الدهون لما بتزيد مفيد فوزى: ايوا فى ستات يا دكتور شريف يبانوا فى حملهم حاجة ضخمة انا احيانا انا ممكن اقول لواحده حامل انت فى 8 - 9 تشهر اقول انت حامل فى ال11 دكتور شريف باشا : مش مفروض الحامل تزيد اكثر من 15 كيلو فى فترة الحمل كلها مفيد فوزى: 15 كيلو دكتور شريف باشا : بس لو زادت اكثر من كده بيعرضها الى سكر حمل وسكر الحمل له مخاطر كبيرة جدا على الجنين وعلى حياة الام نفسها زائد بردوا ممكن فى اللى هو تسمم الحمل اللى هو ارتفاع ضغط الحمل المصاحب لزلال فى البول تمشى ازاى الست دكتور شريف باشا : المفروض ان هى تمشى من 4 الى 5 ايام فى الاسبوع ومن ثلث ساعة الى نص ساعه من اول يوم حمل مفيد فوزى: الله اذن الستات ما يعرفوش ان المسألة دى حقيقة بيعرفوا ان قرب الولادة يعنى فى الشهر الثامن انا اعرف ناس فى الشهر الثامن والتاسع يبتدوا يمشوا دكتور شريف باشا : مفهوم خاطئ هما بيفتكروا ان هما بيمشوا فى الاخر علشان الولادة تبتدى طبيعى فده ملهوش علاقة خالص لو الست مشيت كل يوم ساعتين والولادة طبيعى مش هو ده اللى هيخلى الست تولد طبيعى مش قيصرى لكن هما عندهم مفهوم ان المشى اللى بيدخل الراس فى الحوض فيساعد الولاده الطبيعية وده ممفهوم خاطئ ان الميكانيزم الطبيعى اللى ربنا خلقه ان الراس بتدخل فى الحوض فى الست البكرية فى الاسبوع ال 37 او اللى هو قبل ميعاد الولادة بثلاث اسابيع يعنى هما عندهم اقتناع ان الست اول ثلاث شهور لو مشيت هتسقط ده كلام فارغ السقط يقولك نامى على ضهرك كلام فارع ملهوش اى اساس علمى مفيد فوزى: يعنى ايه نامى على ضهرك حامل تنام على ضهرها دكتور شريف باشا : تنام على ضهرها علشان ما تسقطش مفيد فوزى: ايضا ده كلام غلط دكتور شريف باشا : اه مفيد فوزى: ملوش اى علاقة بالطبية دكتور شريف باشا : مش مكتوب فى اى كتاب علمى مفيد فوزى: طيب من فضلك تقول لى المشى والعقم دكتور شريف باشا : طبعا كل الدراسات الجديدة ربطت ما بين كثافة الدهون فى الجسم والتبويض فإحنا عندنا وخاصة فى حوض المتوسط احنا فى حاجة اسمها التكيس على المبايض بتضعف التبويض عند المراة ده حاجة وراثية مفيد فوزى: ده العقم عند الستات دكتور شريف باشا :عند الستات احنا بنتكلم عن المرأة فلما بتزيد نسبة الدهون فى الجسم بيزود هرمون اللبتن وبيزود حساسية الانسولين فالجسم ما يبقاش محتاج انسولين اكثر نتيجة الدهون الكثيرة فى الجسم مفيد فوزى: ده يجى منين ؟ دكتور شريف باشا : ده من السمنة مفيد فوزى: ما حضرتك بتركز فيما يتعلق بالمشى على الدهون حرق الدهون انت حرق الدهون هى قضيتك الاولى والاخيرة بس للحامل دكتور شريف باشا : هى بالضبط العدو الاساسى هو الدهون ونسبة الدهون فى الجسم مفيد فوزى: يا كابتن انت بتمشى يوميا كابتن محمد سعد : يوميا بامشى مش اقل من نص ساعة يوميا مفيد فوزى: فاهمنى وانت بتمشى جسمك لازم يبقى ازاى كابتن محمد سعد :جسمى بيبقى مشدود وانا ماشى والمشى عامة بيجرى الدورة الدموية وبينشط العقل بيجدد الدم مفيد فوزى: انت وانت بتمشى يعنى بتفكر فى حاجة محددة؟ كابتن محمد سعد : لأ بابقى مركز فى المشى مفيد فوزى: تفتكر الناس فى مصر ما بتمشيش ليه كثير ؟ كابتن محمد سعد : يعنى هو بيبقى قلة يعنى فى ناس مش فاضية وفى ناس مكسلة وهو الرياضة عامة كويسة والمشى عامة كويس مفيد فوزى: انت مين اللى علمك المشى؟ كابتن محمد سعد : لعبتى رياضتى مفيد فوزى: تسمح تقول لى لما امشى دلوقتى ادينى اهو يعنى ده اقف كده ايه الاخطاء اللى انا ارتكبتها فى الوقفة كابتن محمد سعد : الوقفة العادية حضرتك المفروض يبقى جسمك مفيد فوزى: انا واقف صح والا غلط ؟ كابتن محمد سعد : حضرتك كده واقف كويس مفيد فوزى: واقف كويس مش منحنى كده كابتن محمد سعد : لأ مش منحنى مفيد فوزى: طيب ابتدى امشى وتشوف ان كنت صح والا لأ كابتن محمد سعد : اتفضل مفيد فوزى: كده كده هل المشى ده صح ؟ كابتن محمد سعد : لأ بس الماشية الرتم سريعة شوية مفيد فوزى: انا حسيت فجأة وانا ماشى كده انها مشية جنائزية صح اه جنائزية وده مش مطلوب كابتن محمد سعد : لأ مش مطلوب مفيد فوزى: طيب هل امشى مشية سريعة هرولة؟ كابتن محمد سعد : لأ مش هرولة يعنى ولا جرى قوى ولا بالراحة مفيد فوزى: طيب الصوت هيروح فانا امشى علشان رجلى يعنى باديا هل كده كده صح كده صح كابتن محمد سعد : الرتم يبقى اسرع شوية مفيد فوزى: اسرع بمعنى ايه بمعنى الهرولة يعنى الجرى؟ كابتن محمد سعد : مش الجرى العادى مفيد فوزى: اللى هو ايه اللى هو بيفيد فعلا طيب كده كده كده كويس اه هل ينبغى ان انا وانا ماشى اركن شوية راحة كابتن محمد سعد : لأ لأ استمرار مفيد فوزى: استمرار لان انا باشوف ناس لما بتمشى بعد شوية يعنى افرض لف التراك مرتين يروح مريح ده غلط كابتن محمد سعد : غلط ان هو المفروض رتم المشى ان انت نص ساعة متواصلة او ربع ساعة متواصلة مفيد فوزى: عشان خاطر كابتن محمد سعد : شرايين الهوا عند حضرتك بتاعت القلب زائد الدورة الدموية بتبقى الدورة الدموية منتظمة وتحس بالاستفادة حتى لوانت حضرتك فى اى دهون بتسيح مع رتم المشى دوت مفيد فوزى: متزوج؟ كابتن محمد سعد : متزوج مفيد فوزى: وبتمشى وانت متزوج؟ كابتن محمد سعد : وبامشى وانا متزوج مفيد فوزى: بيساعدك المشى على الزواج؟ كابتن محمد سعد : طبعا اكيد مفيد فوزى: فى ايه ؟ كابتن محمد سعد : الدورة الدموية منتظمة مفيد فوزى: عندك ولاد كابتن محمد سعد : عندى مفيد فوزى: قد ايه ؟ كابتن محمد سعد : عندى اربعة مفيد فوزى: الله طب ما تبطل بقى مشى والدورة الدموية كابتن محمد سعد : لأ بالعكس مفيد فوزى: لحسن الدورة الدموية تجيب 6 و7 كابتن محمد سعد : لأ هههههههه مفيد فوزى: بتضحك لية ماهو ده صحيح هى الدورة الدموية بتفيدك فى الحتة دى؟ كابتن محمد سعد : بتفيدنى طبعا وشد عضلى للجسم المشى مفيد جدا فاصل مفيد فوزى: معلومة موثقة من الاتحاد الامريكى للقلب ما هى المسببات العشرة لامراض القلب خلينى اقولها لكم وهى مكتوبة الان نمرة واحد الوراثة اثنين ضغوط الحياة اليومية ثلاثة عدم الحركة تصوروا انه فى امراض القلب من مسبباتها نمره 3 عدم الحركة شوفوا اد ايه قيمة المشى فى حياة مريض القلب واى مريض 4 ارتفاع ضغط الدم 5 السمنة 6 التدخين والكحوليات 7 المنشورات بمعنى ادق النشويات هى ايضا منشورات اكل 9 السكر كل الحاجات دى بتعمل مصايب فى حياة الانسان لكن انا واقف قوى عند احد مسببات امراض القلب نمرة 3 فى العشرة عدم الحركة . المشى اول حاجة من ضمن فوائده انه بيخلى الانسان يشعر بالثقة فى النفس وهو من ضمن الحاجات المهمة لضد الاكتئاب فابالتالى بترفع معنوية الشخص اللى بيمشى مش شرط ان هو يكون مريض ودى التعليق على المشى من الناحية النفسية او الادبية من الناحية الطبية او المريض او الشخص اللى بيمسى بيستفيد من ايه ان هو بيدى لنفسة نوع من الوقاية من بعض الامراض المنتشرة او بيحسن الامراض اللى هى تكون موجوده عنده زى مثلا حضرتك ارتفاع ضغط الدم . لو المريض اللى عنده ضغط بيمشى يمارس رياضة المشى فضغطه بيقل فى بعض مرضى بيكونوا اصلا متشخصين انهم عندهم ارتفاع فى الضغط بطريقة خاطئة وبيكونوا لا ماشيين على علاج ولا بيمارسوا الرياضة واعصابهم بتهدى نسبيا بيتضح ان هما مش مرضى ضغط وبنقدر نشيل لهم العلاج اللى هما ماشيين عليه مفيد فوزى: هل المشى بيقلل الكوليسترول ؟ دكتور شريف باشا : المشى حضرتك بيقلل الكوليسترول مفيد فوزى: ازاى من فضلك قولى علميا جوا الجسم بيحصل ايه ؟ دكتور شريف باشا : هشرحها بطريقة مبسطة هى الكوليسترول ده عبارة عن دهنيات والدهنيات دى حضرتك مخزون للطاقة فاحنا لما بنمشى بنصرف او بنحرق طاقة زيادة فبناخذ الطاقة الزيادة دى من المخزون اللى عندنا من الدهنيات وبالتالى بدون المشى اذا كان هناك مخزون للطاقة زياده اذا كان بياخذ كارليز زيادة وميش مجهودمفيش طاقة بتتصرف فالمخزون بتاع الدهنيات بيزيد فا يؤدى الى زياده الكرسترول مفيد فوزى: خطورته ايه ده علشان الناس تفهم ؟ دكتور شريف باشا : خطورة الكوليسترول ان هو لحد انهارده ان هوالمعروف يسبب الاصابة بتصلب الشرايين تصلب الشرايين ده يمكن الناس تعرفه انه بيؤدى الى الجلطة فى القلب والذبحة الصدرية ديت معناها ضيق فى الشرايين حضرتك وضيق الشرايين ده مش شرط يحصل في القلب بس ممكن يحصل فى اى شريان فى الجسم ممكن يحصل فى شرايين المخ يؤدى الى اصابة بالسكتة المخية او ممكن يحصل فى شرايين الاطراف زى الساقين ويؤدى الى صعوبة فى المشى او الى الالام اثناء المشى مريض القلب حضرتك وزنه مش زياده ونسبيا جسمة يستطيع انه يحتمل بعض زى ما بيقولوا فترة تسكين مش طويلة انه يقدر انه يعمل المشى السريع ده .. ده بننصحه به نفترض ان مريض القلب وزنه زيادة فلو طلبت منه مشى سريع مش هيقدر يعنى يبقى انا بطلب منه حاجة انا عارف انه مش هيقدر يعملها فبنصحه بالمشى اللى هو لمسافة زمنية طويلة ولعدد مرات كثيرة مفيد فوزى: هل يلتزم مرضاك بهذه النصحية ؟ دكتور شريف باشا: فى حالات مش مرضية انا جميع المرضى بيلتزموا فى اول النصايح وبيكونوا فى هذه الفترة مخضوضين على نفسهم فبيحاولوا انهم يلتزموا بكل حاجة وبعد كده زى اى انسان بيتسوا مفيد فوزى: الانسان لما يقرر المشى هل يحتاج الى حذاء خاص ؟ دكتور شريف باشا : لا يحتاج الى حذاء خاص مفيد فوزى: يعنى ممكن امشى بحذاء فية نعل؟ دكتور شريف باشا : امشى حضرتك باى نوع حذاء لان الهدف هو المشى مفيد فوزى: هل طبيب القلب جزء من نصائحه لمرضاه المشى والا بيبقى اهم عندك العقاقير اللى بتديها دكتور شريف باشا : من ناحية مرضى شرايين القلب حضرتك الادوية لها نسبة مئوية 50% او 60% والرياضة اللى هى فى صورة المشى لها 40 او 50 % الاثنين بيعادلوا بعض مفيد فوزى: بتحب سويسرا يا دكتور؟ دكتور شريف باشا : افندم مفيد فوزى: بتحب سويسرا دكتور شريف باشا : والله انا رحت سويسرا مرتين فى حياتى انها بلد لطيفة مفيد فوزى: اصل انا باحس انك انت عندك انتماء شديد لموقف الحياد فى الحياة وفى الطب وفى المرض دكتور شريف باشا : انا عندى حياد حضرتك لصالح اغلبية المرضى وليس لقلة من المرضى مفيد فوزى: اناهمشى بقى من ادامك ههههه لمشاهدة الحلقة كاملة " فيديو"
