يا زهرة عمرى يا احلى ما فيا يا خويا وولدى وأيامى الجايه يا وردة بلدى فى قلب بلدى نَديه يا نقطة أملى ساكنه نن عينيا عجنت قلبك بقلبى ولفيت نفسك هديه للوطن والسكن والكرامه والحريه وقعت فى ايد بطش أخدت على الهبش بلا عقل غبيه جرى دمك فى السواقى ساقى عروق اجيال جايه ساقى الأرض كرامه وعزة قويه ساقى الأطفال الشرف والنظرة الأبيه الدبه قتلت ولادها وإنشا الله حتقتل صاحبها يا قطه اكلت ولادها وبتتمسح فى اللى مأكلها قطة شارع الغدر فى عنيها آه يا حُزنى عليك يا ابنى عليك يا وطنى الفتحه عليك والحسرة عليا يا نن الضى ياللى مالك زى يا احلى ما فيا