كلمات ناصر فرغلي لحن شيرين يونس مطربة: إيه اللي وصلنا لهنا لاده عهدنا ولا طبعنا إنت مش انت ولا أنا ومش هي دية مصرنا وف وسطنا دخل الغريب كورال وباحلفك باسم الصليب بمحمد الغالي الحبيب إيدك على إيدي نجيب شمس المحبة م المغيب مطرب 1 الراوي قال لما روى لما الرصاص عبا الهوا وعبرنا في قارب سوا باسم اللي ع العرش استوى عمّد أخوتنا اللهيب وباحلفك باسم الصليب بمحمد الغالي الحبيب إيدك على إيدي نجيب شمس المحبة م المغيب مطرب 2 طب تفتكر يوم المظاهرة واحنا شباب وقلوبنا ثورة وكان هتافنا مصر حرة بارك يارب مدد يا عدرا يحيا الهلال ويا الصليب وباحلفك باسم الصليب بمحمد الغالي الحبيب إيدك على إيدي نجيب شمس المحبة م المغيب مطرب 3 من الصعيد لاسكندرية من بطن فاطمة أو ماريا قلبي عليك قلبك عليا إخوة ف مصير في الإنسانية في مصر في الوادي الخصيب وباحلفك باسم الصليب بمحمد الغالي الحبيب إيدك على إيدي نجيب شمس المحبة م المغيب مطرب 4 (شيخ منشد) لله السجود لله الركوع لله الخشوع لله الشموع والحج لما نستطيع بس الوطن ده للجميع زي القدر زي النصيب وباحلفك باسم الصليب بمحمد الغالي الحبيب إيدك على إيدي نجيب شمس المحبة م المغيب شمس المحبة لن تغيب