لما كانوا زمان بيخوفوني بيكي عشان مابسمعش الكلام.. كنت أخاف علي نفسي جدا ورغم إني ماشفتكيش بس لما كبرت... لقيت حاجات كتير تخوف أكتر.. ماحدش قاللي عليها مع إنها موجودة بجد عَدسَة بتحُطي كُحل عشان تكوني أحلي.. ولا عشان دموعك تبقي سودا؟ حبر القلم شايفاه قصايد عالورق.. ولا بُقعة ع الهدوم؟ الوحدة عندك فرصة للخيال.. ولا تقليب للمواجع؟ الأزمة بتقوّيكي.. ولا بتقوّي الزمن عليكي؟ كادر الحياة مليان زوايا وعيونك الكاميرا واللقطة تحت أمرِك نيجاتيف حتي لما المسافات بعدت وبطلوا يقابلوا بعض فضِل حاضن ذكري جمعتهم وبالعند في الفراق قدر يحافظ علي ابتسامتهم ف صورة ورا القزاز ماقدرتش تفهمه إن اللي حوّط عليه طول السنين مافضلش منه.. غير مشهد اتكوّن لحظة لمعان فلاش تهيؤات جربت تبص للسما.. وتعمل م السحاب حكايات؟ تعمل قصة حب بين سحابتين نفس قصة الحب اللي كان نفسك فيها.. بالليل تصاحب النجوم وتلاقي نجمة وحدانية تفكرك بنفسك.. وأما رقبتك توجعك.. تعدل دماغك تبص حواليك تفتكر وجع الحياة.. ترجع تبص للسما.. جرّبت؟