نعم هي النغمه التي يجب علينا جمعياً ان نطالب بأن تكون السلام الجمهوري في عهد حكومه الاخوان ورئاسه الاخوان ونهضه الاخوان يا دبحني بلقمه ناشفه والعيش عندك طري .. أديني أي لقمه ...أكلني يا مفتري .. نعم أكلني ... سولارني .. كهربني .. أي فولت يا باشا
.واللي عنده حاجه يميل علينا ... وميل واسقيني يا واد عمي ، ميل واسقيني .. انا واقعه ف عرضك استرني بدولارات تنجيني ... قطري امريكي سعودي روسي مش مهم انما هات ومش مهم الحركات ..اعمل ما بدالك . وح البس لك القميص الاحمر وأرقص بالشمعدان بس استر عليا إلهي يستر عليك سواقين الميكروباظ اكلوا وشي من قله السولار.. وعايزه حبوب ... أي حبوب .. ان شأالله حبوب اللقاح ... ومتأخزنيش علي كلامي .
انا لما قلت مش ح أمد ايدي مع أي حد بيدعم بشار كانت زله لسان .. انما لو الحكايه تستحق.. انا ممكن اقعد مع بشار نفسه .. رئيس ايران .. وأخدته بالحضن ودخلته الازهر .. روسيا وأديني جايه أهو يا اخويا ..ومش مهم مين في الزياره .. ومش مهم مين في استقباله .. احنا مش بتوع مناظر .. احنا عايزين أكشن . دولارات وحبوب .. واحنا منفتحين .وغلاوتك منفتحين . طب جرب كده وشوف منفتحين والا لاء ؟
الريس يستقبله نائب وزير.. عمده ؟؟ مش مهم .. ح نيجي في الهايفه ونتصدر .. المهم الالمونيا .. القرشينات .. ايه ؟؟ مفيش قرشينات ؟؟ طب اديني حبوب ؟؟ مفيش حبوب ؟؟ كله لبوس ؟ .... طب اقول لهم ايه في البلد ؟؟ ركبت الطياره وخدت التشريفه دي كلها ورجعت بلبوس ؟؟ يسترك هات أي حاجه.. طب هات بوسه يا قاسي .مواااااه ... هكذا كانت النتيجه النهائيه لزياره الرئاسه للدوله الروسيه .. قدمنا السبت والاحد والاثنين و كل ايام الاسبوع واخدنا لبوس ولكن يجب ان نلفت نظر السيد بوتين الي أنه لم يعي جيداً قرأه انجازات السيد الرئيس ليعلم مع من يتحدث ..
ايها المدعو بوتين انت في حضره اول رئيس مدني منتخب ......... ( صيحه اسكندراني بالروسي ) عيب يا بوتين واحفظ مقامك ..انت تستقبل اول رئيس مصري جاء بالصندوق ....بوتين : يحنن .. ماشي يا عم بوتين .. ماشي يا منطقه .. انا اللي جيت اقولكم انتوا ميه ميه في موضوع سوريه وبعت الاندر وير في السوق الحره عشان شويه حبوب ؟ ..... طب كوز دره ياعم ؟؟ ... طب كوبايه فودكا والا صندوق سمك باكالاه ؟؟ أي حاجه يا بشر ..عيب يا بوتين ما يصحش ...لا بل يصح... نعم جميعنا نستحق اللي ميصحش طالما تدار الدوله بهؤلاء ...منذ اسبوع أعلن السيد وزير الصحه عن حمله قوميه ... وخد بالك من موضوع قوميه ده ..
لإخصاء الكلاب في الشوارع .... ايون ..وحياه رحمه أمي .. إخصاء كلاب الشوارع حتي لا تتمكن من الانجاب.. سيادته قضي علي الفشل الكبدي الوبائي وفيروس سي وتفشي سرطان الاطفال وتفرغ الان لقضيه الكلاب المخصيه .... ...... عفواً عزيزي القاريء تعليقك الان يعاقب عليه القانون ... بلاش اسكندراني ارجوووووووووووك وارجوك أجل الاسكندراني لأخبار آهم .. فهل تابعت سيادتك تصريحات الرئاسه بشأنحادث بوستن الذي راح ضحيته حوالي تسعه مواطنين امريكيين.. حادث اجرامي ولكن ماذا قال سيادته ؟؟ في تصريح رسمي أعلن السيد الرئيس محمد مرسي تضامنه مع أسر الضحايا .... !!!!!!!
والله العظيم والختمه الشريفه مفهمتش حاجه .. تضامنه يعني ايه ؟؟متضامن ؟؟؟ داخل بنفرين يعني ؟؟ يا حسره عليكي يا بلد .. ياللي كنتي أم الحضاره والتاريخ رئيسك يستقبله نائب وزير .. رئيسه وزراء المانيا تقول " رحته وحشه " وكالات لانباء الدوليه تنشر له فيديو وهو يلعب في اماكن حساسه .. ذهب الي روسيا يحدثهم عن مصر المتعدده الاجنحه .. في اعلان صريح للفوط الصحيه .دون أدني مراعاه لمشاعر النساء في سن اليأس...... يحدثهم عن مصر ما بعد الثوره والعدل
بينما اتباعه يحتشدون للقصاص من القضاء الذي يلاحق رئيسهم واتباعه بتهم الخيانه والتجسس وقتل المتظاهرين ..سيدي ..كفاك تسولاً ..كفاك
مرمطه لوطن عظيم ما كان لمثلك أن يعتلي كرسي الحكم فيه لولا أن النظام السابق اورثه الجهل والحاجه ..... أمثالك ما كان لهم ابداً ان يكونوا في
سده الحكم ... اكبر امانيهم كانت أن يكونوا حمله المباخر .. صبيان راقصه الفرح .. خدمه الحشاشين في ليالي التهييس السياسي .. ولكن شاء القدر
ان تكونوا في تلك المكانه ليعلم كل من عصر علي نفسه الليمون انه قد عصر علي الوطن عصير الوباء .. انت ما كنت تحلم ان تكون رئيساً ونحن ما كنا نظن أن ننحدر الي ذلك .. ولكن انت قدر ندعو الله ان يكشفه عنا .... . قول أمين
