النهارده هنعمل مع بعض فطيرة السبانخ بالجبنة، وهي وجبة متكاملة في الغداء، وممكن تستخدمي اللحمة الباقية اللي عندك. فطيرة السبانخ بالجبنة المقادير: 1⁄2 كيلو سبانخ 2 ملعقة كبيرة جبنة بيضاء 1⁄4 كيلو لحمة مقطعة مكعبات 1⁄2 بصلة مفرومة ملعقة كبيرة زبدة ملح وفلفل أسود رشة شطة 10 بيضة الطريقة: 1- سيّحي الزبدة مع السبانخ على النار، وبعدين شيلي السبانخ وقطّعيها لقطع صغيرة وسيبيها على جنب، وبعد كده اخلطي البيض مع الملح والفلفل الأسود والشطة كويس وسيبيهم على جنب. 2- شوّحي اللحمة في زيت على النار، وضيفي عليها البصلة والملح، وقلّبيهم مع بعض على النار، وبعد كده ضيفي عليهم السبانخ وقلّبيهم مع بعض كويس وضيفي عليهم رشة ملح، وبعد كده ضيفي البيض وقلبيهم مع بعض. 3- ضيفي على الخليط الجبنة، وبعدين شيلي الخليط من على النار ودخّليه الفرن لمدة 10 دقائق، وبعد كده قدّميه.. وبالهنا والشفا.
خلصت وصفتنا النهارده.. استنونا كل يوم مع وصفات جديدة.. سلام،،،