دايما لما بنيجي نهتم بجمالنا مش بنركز إلا على الشعر والبشرة والماكياج، مع إن فيه تفاصيل كتير مهمة ممكن تبيّن مدى اهتمامك بنفسك وبأناقتك وتقدري تعمليها بمنتهى البساطة.. الأظافر تعتبر من أهم الحاجات اللي بتظهر أنوثتك، علشان كده إحنا النهارده جبنا لك أفكار وأشكال مختلفة للمانيكير ممكن تعمليها بنفسك في البيت.. الطريقة الصحيحة لوضع المانيكير في البداية لازم تعرفي إزاي تحطّي المانيكير بطريقة صحيحة زي المحترفين علشان شكله يبقى مظبوط حتى لو مش هتعملي فيه أي افتكاسات أو أفكار من اللي هنقول عليها. والصورة دي بتوضح لك الخطوات الصحيحة لوضع المانيكير، وكل اللي عليكي إنك تبدئي من النصف السفلي للظفر وتحطي عليه نقطة صغيرة، وبعد كده تمدي منها خط لأعلى الظفر. بعد كده بترجعي لقاعدة الظفر مرة تانية وبتدئي توزّعي المانيكير على جانب الظفر الأيمن، وبتكرري نفس الخطوة بالفرشة على الجانب الأيسر للظفر. ممكن بعد كده تكرري نفس الخطوات لو عايزة تحطّي أكتر من طبقة من المانيكير علشان تتقلي لونه، بس لازم تستني لغاية ما الطبقة الأولى تنشف كويس.
الطريقة الصحيحة لوضع المانيكير * صحة وجمال اضغط على الصورة لمشاهدة الجاليري: 1- مانيكير بالأشكال الهندسية ممكن تستخدمي أي ورق لاصق عندك أو السيلوتاب العادي وتقصّيه على شكل مربعات وشرائط رفيعة وتعملي به الأشكال الواضحة في الصورة دي، بإنك تلصقيه على أظافرك بأكتر من طريقة بعد ما تحطّي طبقة من المانيكير باللون اللي تحبيّه، وبعد كده ادهني طبقة تانية بعد ما تحطّي قصاقيص السيلوتاب بالطريقة اللي تختاريها علشان تديكي أشكال مختلفة. ممكن تعملي نفس الأفكار الموجودة في الصورة، وممكن تكتفي بفكرة واحدة وتنفذيها على ظفر واحد وتحطّي على باقي الأظافر المانيكير بالطريقة العادية.
مانيكير بالأشكال الهندسية * صحة وجمال اضغط على الصورة لمشاهدة الجاليري: 2- مانيكير أشعة الشمس حطّي طبقة من المانيكير باللون اللي تختاريه، وبعد كده هاتي قاقيص السيلوتاب على شكل مستطيلات صغيرة، وحطّيها بشكل متقاطع على قاعدة الظفر، علشان تديكي شكل آشعة الشمس، وبعد كده حطي طبقة تانية من المانيكير بلون مختلفة، واستني لغاية ما تنشف، وبعد كده شيلي قصاقيص السيلوتاب من على الأظافر. كرري نفس الخطوة مرة تانية بس على مساحة أصغر أعلى الظفر، وادهني أظافرك بلون مختلف، واستني لغاية ما المانيكير ينشف وبعد كده شيلي قصاقيص السيلوتاب علشان تحصلي على الشكل النهائي اللي واضح في الصورة.
مانيكير آشعة الشمس * صحة وجمال اضغط على الصورة لمشاهدة الجاليري: 3- مانيكير الزجزاج حطي طبقة من المانيكير على أظافرك، وبعد كده قصّي السيلوتاب على شكل شرائط، باستخدام مقص زي اللي واضح في الصورة علشان يديكي شكل الزجزاج، وبعد كده حطّي الشرائط دي على أظافرك وسيبي مسافة صغيرة في جانب كل ظفر من غير ما تغطيها بالسيلوتاب، علشان تدهنيها بلون مانيكير مختلف علشان تديكي الشكل اللي باين في الصورة.
مانيكير الزجزاج * صحة وجمال اضغط على الصورة لمشاهدة الجاليري: 4- مانيكير الشرائط الفكرة دي سهلة جدا مش هتحتاج منك إلا إنك تستخدمي لون لامع شوية على أظافرك كطبقة أساسية، وبعد كده تجيبي السيلوتاب وتقصّيه على شكل شرائط رفيعة جدا، وتحطّيه على أظافرك بالشكل اللي واضح في الصورة، وبعد كده حطّي عليهم طبقة تانية من المانيكير بلون غامق، واستني لغاية ما المانيكير ينشف تماما، وابدئي شيلي شرائط السيلوتاب.
مانيكير الشرائط * صحة وجمال اضغط على الصورة لمشاهدة الجاليري: 5- مانيكير المثلثات والدواير حطّي طبقة من المانيكير باللون اللي تختاريه، وبعد كده قصّي السلوتاب على شكل شرائط رفيعة، وابدئي حطّيها على أظافرك بحيث تعمل شكل مثلث بأوضاع مختلفة على كل ظفر زي ما هو واضح في الصورة، ولوّني المثلثات دي بدرجات مختلفة من المانيكير. بعد كده ممكن تحطي الشرائط مرة تانية على حدود أي مثلث وتبدئي تعملي فيه نقط صغيرة من المانيكير بلون يناسب الألوان اللي إنتي مستخدماها.
مانيكير المثلثات والدواير * صحة وجمال اضغط على الصورة لمشاهدة الجاليري:
