ابتدت المشكله من هنا ف خلاف مع ابوها قالى كل شي انتهى بعصبيه وانا كمان مدفعتش عن نفسى. نزلت مصر ومسالتش عليها كنت فى غيبوبه وصدمه من اللى حصل قعدت ف مصر شهرين ومفكرتش ف حاجه خالص ولا كلمتها ولا هى كلمتنى ولما رجعت سفرت تانى افتكرتها وافتكرت كل شىء وقولت معقوله كل شىء انتهى تقريبا فى شهر 5/2015 لحد الان. انا مدمر بسببها وبعدين صحبي قالى لازم تنزل تانى بنفسك وتصلح الموضوع جايز لما تشوفك ترجعلك و نزلتلها مخصوص واعتذرت لاهلها وليها انى سيبتها شهرين وقولتلها كنت ف غيبوبه وحليت كل حاجه واتحيلت عليها وبعت اهلى ليهم بس المشكله هى اتعقدت مش عاوزه ترجع نهائى قالولى انساها وقالولى اصبر عليها وهى مصممه انها مش ترجع لحد الان كان رد اهلها هى بنتنا مش عاوزه ترجع واختها بتقولى دى بتحبك بس خايفه ترجع وبتقولك انساها هى كمان عملت حجات ف الشهرين دول الله اعلم ليه يعنى ك لمت واحد وشتمت عليا معاه مع انى عمرى ما اتخيلها بس انا مسامحها يمكن كانت مخنوقه منى او من اللى حصل او اى شى وقولتلها مش هنساكى وسافرت ومن يوم ما سفرت لحد الان انا تعبان اوى والمشكله هى مش عاوزه ترجع انساها ولا اصبر عليها ولا اعمل ايه انا مش عارف اشتغل من رمضان لحد الان بسببها اعمل ايه مش عارف افكر ولا اخد قرار طبعًا مش سهل عليها بعد حب أربع سنين وبعد ما صبرت معاك وربطت نفسها بيك وحلمت معاك، إنك تخذلها ومتتمسكش بيها لمجرد إختلاف على أمور مادية، أقدر بالطبع ربما الظروف أحيانًا هي التي تتحكم فينا ولكنك لم تصمد ولم تحاول ولم تشعرها ببذل الجهد لتحافظ عليها. أما الآن، نصيحتي ليك أخي الكريم، أن تصبر عليها وتبذل كل ما في وسعك وتتمسك بحبك وتدافع عنه، ولكن هذا يحتاج لبعض الوقت، عل الأيام تكون كفيلة لتداوي الجراح وتسترجع الحب ربما يشفع لك عندها. وأخيرًا كن على يقين أن ما كان لك سيأتيك رغمًا عنك، وعسى أن تكره شيء ويجعل الله لك فيه خيرًا كثيرًا، فتلك حكمة الله الذي لا يعلمها إلى هو، فقط أمرنا أن نحسن الظن به سبحانه، ونعلم أنه يُدبر لنا الأمور خير تدبير. أسأل الله أن يُقدر لك الخير حيث كان ويجمعك بمن تحب.
