السلام عليكم جميعا دي أول مرة أراسلكم، لأ مش بس كده دي أول مرة أتكلم على الويب على أي حاجة في الأمور الخاصة. على العموم من التعليقات اللي فاتت باين فيها إن السكشن ده كويس وأكتيف. الموضوع أنا شاب بحب بنت وهي بتبادلني نفس الشعور، وأنا شغال في شركة محترمة، والحمد لله الأمور مستقرة؛ لكن كان فيه بنت أعرفها وحصل خلاف فبعدت عنها واتعرفت على البنت اللي بتبادلني نفس الشعور دلوقت؛ لكن البنت اللي انفصلت عنها مش قادرة تقتنع إني انفصلت عنها بسبب المشاكل اللي كانت بيننا، وكمان بتتهم البنت إنها هي كانت سبب بعدنا عن بعض، وبقت بتسبب ليها مشاكل في البيت، المشاكل دي بأسلوب غير مباشر؛ بس أنا عارف إنها السبب؛ لكن أنا قلت للبنت اللي بحبها دلوقتي إنها ما تقلش لحد ما أحاول أحل المشكلة ودي أول مشكلة. التانية إن البيت مقرر لي بنت من العائلة ده طبعا مصحوبا بكمية حاجات زى دي حلوة وكويسة ومتربية ومن عيلة وأهلنا. الكلام ده هي فعلا كل اللي فات؛ لكن القلب وما يريد، أنا عاوز بنت تانية، والرفض سهل للبنت اللي أنا مش عاوزها. لكن ممكن أتجوز اللي أنا عاوزها أو أخطبها بمزاجي؛ لكن ممكن البيت يعمل معاها مشكلة من أي حاجة لأنهم ساعتها مش عاوزينها فمش فارقة؛ لكن اللي من العيلة لأ طبعا هيتعدى لها الزلط ده لو حصل أصلا إن فيه مشكلة بينهم أنا مش عارف أقنعهم بده إزااااااااي، يا ريت حلول فعلا تنفع مش شاعرية ولا كلام نت، بجد أنا عاوز حل ينفع يتنفذ وألف شكر على اهتمامكم بموضوعي وهاكون شاكر أكتر لو فيه حل جدي من تجربة سابقة أو اتحكت ليكم أو أي وضع حصل قبل كده شكراااااااااا. no comment