انا بنت عندى 22 سنه كنت مرتبطه من4سنين اول مادخلت الجامعه وكنت بحبه جدا اول سنه حبينا بعض جدا تانى سنه قررنا انه يتعرف على بابا وماما وحصل فعلا وبابا كان معجب بشخصيته بس قال انه لسه ادامه كتير عشان يكون مستقبله ويخلص دراسته تالت سنه اتقدم لى رسمى لكن حصل عندى حاله وفاه واضطرينا نأجل الموضوع بابا كان موافق فالاول بس لانى انا البنت الكبيره وماليش غير اخت واحده بابا مش عاوزنى ابعد نه وخصوصا ان الشخص ده فى محافظه بعيده عنى فكان شويه يوافق وشويه يقول كل شئ قسمه ونصيب هو مقتنع بيه جدا وبيتكلم عنه كويس بس المشكله بس فى بعد المسافه بس انا كنت بحبه جدا وهو كمان وكان فى بنا احلام كتير قررنا اننا مانتنازلش عنها بسهوله وكنت مش شايفه حياتى غير معاه كان هو عندى كل حاجه فالدنياوهو الشخص الوحيد اللى كان بيفهمنى ويسمعنى وكان مستعد يعمل اى حاجه عشان يسعدنى السنه الرابعه هو دخل الجيش وبدات بنا المشاكل وكانت مشكلته الوحيده ان ممكن لو حد اتكلم قدامه عن مشكله معينه الاقيه بيحاول يعمل مشكله من مافيش عشان يتاكد من رد فعلى واحلامنا واحده واحده بقيت احس انها مش مهمه اوى يعنى عادى فى اولويات اكتر عنده وهو عنده حق بس بدل ماكان بياجل احلامى كان بيلغيها واناخفت وبدات انا احس بملل وزهق وابعد عنه وبدات اقتنع براي بابا انى مش حابه ابعد عن بابا وماما واختى وتفكيري بقي عملي اكتر زيه وللاسف سبنا بعض المشكله بعد كده انى بقيت بخاف من الارتباط مشكلتى انى نفسيتى بتتعب بسرعه ومن اقل مشكله بتعب ويجيلى صداع رهيب ومش ببطل تفكير ولا بعرف اكل ولا اشرب ولا اعمل اى حاجه طول مافى حاجه بفكر فيها عشان كده خايفه ارتبط بحد مايفهمنيش نفسيا وخصوصا ان كل اللى يعرفنى بيقول انى عندى طريقه تفكير مختلفه شويه يعنى حالمه زياده عن اللزوم ولانى عايشه الواقع جدا فاعارفه انى مافيش حاجه بحلم بيها ممكن تحصل الاول قلت انى مش هرتبط غير بشخص يحبنى انا ويكون عاوزنى انا شخصيا اكمل معاه حياته مش مجرد واحد بيدور على عروسه او عاوز نسب معين والكلام ده وده فعلاحصل وقابلت الاشخاص مش شخص واحد اللى مقتنعين بيا وبتفكيري وبكل حاجه بس ساعه الارتباط الرسمى انا اللى بخاف وانا اللى برفض وانا اللى ببعد خايفه بعد الارتباط الرسمى الحب والاحلام وكل ده يروح مع اول تصادم للواقع زى ماحصل مع الشخص اللى حبيتهوبقي عندى مشكله لدرجه ان اصحابى نصحونى اروح لدكتور نفسي وقلت اجرب الارتباط التقليدي بس اول مابسمع ان فى عريس بيجيلى حاله رعب وخوف وبدخل فى جو اكتآب لانى مش عاوزه ارتبط وبرفض حتى اقابلهم اواسمع حاجه عنهم رغم انى نفسي يكون ليا شريك حياه واكون ام بس مش عارفه ايه سبب الخوف ده وكمان كل اللى حوليا عاوزنى ارتبط بقي لانى خلصت دراسه وبحضر ماستر وشايفنى كبرت ومش صغيره ماما واختى واهلى بس بابا مابيتغطش عليابس عارفه انه هيجي فى يوم ويقولى لازم ارتبط وانا مش عارفه اعمل ايه وايه سبب الخوف دا صديقتنا العزيزة لا تجعلي الخوف يفسد عليك حياتك وأعلمي أن كل شيء بيد الله وعسى أن تكرهوا شيء وهو خيرُ لكم ، ولاتنظري للماضي فلو كان فيه خير لكان حاضرك الآن, وعليك بالتقرب من الله بكثرة الاستغفار فكلما ضاقت عليكي الدنيا تذكري الدعاء "رب إني مسني الضر وأنت أرحم الراحمين" وفوضي أمرك إلى الله وأفتح قلبي للحياة لعل الله يومًا يبدلك بمن يدق بابك ويسعد قلبك ويكون هو الحب الحقيقي.