أنا شاب عندي 21 سنة، ومحتاج رأيكم في حاجة كده، أنا كان فيه واحدة زميلتي في الكلية بتحبني؛ بس أنا ما كنتش باحبها أو ما كنتش أعرف إنها بتحبني، وبعدين هي جت وصارحتني بحبها وأنا بصراحة وقتها حسيت إني باحبها، ومع الوقت ارتبطنا وبقى لنا مع بعض دلوقتي أكتر من سنتين، هي بتحبني ومستعدة تعمل أي حاجة علشان ترضيني، وبجد بتموت في التراب اللي بامشي عليه. بس أنا دلوقتي حاسس إني مش باحبها وإني هاظلمها معايا أنا مش عارف ليه أنا حبيتها، وفضلت معاها الوقت ده كله! مع العلم إن والدي ووالدتي متوفيين. علشان كده كانت هي الوحيدة اللي بتعوضني عن حنانهم. والمشكلة إن هي مش البنت اللي أنا نفسي أتجوزها من ناحية (المعاشرة الزوجية) يعني أوقات باقول: إزاي أنا هاتجوزها وهاظلم نفسي معاها؟ وأوقات تاني أقول: مش مهم الجنس، المهم إن هي هتعوضني عن الحنية اللي ما شفتهاش طول عمري. أنا مش عارف أعمل إيه بجد؟ مع العلم إني حاولت كذا مرة أسيبها بس هي كانت بتنهار وتقعد تتحايل عليا إني أفضل معاها، وبعد كده باضعف وبارجع عن قراراي إني أسيبها، بجد مش عارف أختار إيه؟ الحب والحنية، ولا الجنس والمتعة؟ ساعات باقول: إن الحب أهم، بس برضه أنا من حقي إني أتجوز واحدة أنا مقتنع بيها جنسياً، بجد أنا تعبت من كتر التفكير في الموضوع ده، يا ريت تجاوبوني؟ ي