إزيكم يا أحلى موقع.. أنا عندي مشكلة تاعباني أوي أوي.. أنا في تالتة كلية، وكنت بحب واحد أوي في سنة تانية، وبعدين سيبنا بعض. أنا حبيته أوي؛ لدرجة إني باحسّ بيه من بعيد؛ يعني كل اللي باحسه بيتحقق.. وحصلت مشاكل بينّا كتير، وناس قالوا لي إنه كان بيلعب بيّ، وحصلت حاجات كتير أوي، لو واحدة مكاني كانت كرهته مش نسيته. أنا مش قادرة أنساه، أنا بافكّر فيه كتير، وباحس إن أنا على دماغه؛ يعني بيبص لي كتير أوي؛ زي ما يكون عايز يعرف أنا رايحة فين وباعمل إيه، وبيسأل أصحابي عليّ، وبيجيب سيرتي بطريقة غير مباشرة. بس أنا عايزة أعرّفكم حاجة؛ هو ظروفه مش حلوة، وهو سابني أول مرة عشان الموضوع ده، وكمان حاجة؛ إنه ما شبعش تنطيط، وقال لي استحمليني كتير؛ بس أنا ما قدرتش، وكرامته عالية أوي ما ينفعش ينزّلها عشان حد؛ بس برضه مقتنعة إن اللي عايز حاجة بيعملها؛ بس أنا بقالي سنة، ومش عارفة أنسى.
