أنا لوحدي مشكلة، حبيت مرتين في حياتي، والاتنين كانو أسوأ تجاربي خصوصاً إني كنت صغيرة.. أنا عارفة إنها كان مراهقة. البداية كان جاري، حبني وحبيته، وبعد سنتين اكتشفت إنه بِعِد فجأة وجه يبلّغني بفرحه إنه بعد شهر، قلت له مبروك، عشان كبريائي، وقلت له: أنا كمان خطوبتي قرّبت.. وفعلاً اتخطبت لواحد كنا نعرف بعض من على النت، وكان إنسان محترم أوي. خطيبي دخل حياتي واتعمق فيها ونسّاني أنا أبقى مين، لحد ما آمنت له ولقيته ابتدى يشكّ فيّ من كتر الغيرة.. ما كانش بيخليني حتى أسلّم على أصحابي البنات. وأنا باسيب خطيبي اللي ساعدني كان جاري اللي حبيته طلّق مراته، واكتشفت إني كنت مع خطيبي عشان أردّ لحبيبي القلم. أنا عارفة إنه غلط إني أنتقم وإني ممكن أسيبها على ربنا، وأنا متأكدة إنه هياخد لي حقي؛ وإن انتقامي مش هييجي واحد من مية من اللي عمله. باقول لكل بنت: لما تحبّي حرّصي ولا تخوّني، قلبك ألماظ ما ينفعش أي حد يمسكه.. يا رب تاخدوا بالكم وما تعملوش زيي وتأمنوا 100% لأني دلوقتي مش عارفة أحب من كتر ما أنا خايفة على قلبي.. معلش طوّلت عليكم؛ بس كان نفسي أفضفض. Elgamilalove