أنا مشكلتي إني بحب واحد جداً وهو كمان بيحبني أوي، وأنا بجد حاسة بكده؛ بس المشكلة الحقيقية إن صاحبتي اللي هي أقرب واحدة ليّ وبقالنا أصدقاء أكتر من 10 سنين بتقول لي إنه ما ينفعش إني وهو نفضل نتكلم مع بعض كده وإن الحكاية دي ما تنفعش خالص، ولازم تنتهي؛ يعني أحبه وهو يحبني؛ بس من غير ما نكلّم بعض. مع العلم إن أنا وهو بنتكلم على الإيميل؛ بس يعني ولا فيه تليفون ولا حاجة عشانها برضه وأنا بجد حاسة إنه فعلاً بيحبني وبيخاف عليّ جداً، وحاولت أقنعها بكده كتير جداً؛ بس هي مش مقتنعة؛ مع العلم إنها كانت بتكلم واحد بس قريبها من بعيد؛ بس كانت بتقول لي إنه قريبها. وأنا بجد مش عارفة أعمل إيه.. أرجوكم محتاجة رد. aneek.kadabeen